امبارح بطارية العربية لفظت آخر انفاسها...
المهم اشتريت بطارية جديدة...
هتسألوني اشتريت نوعها ايه...هاقولكم ... النسر فارتا سائلة .... مش عفانة ولا استخسار والله...بس كل بتوع البطاريات نصحوني مشتريش الجافة عشان مبتتصلحش ...
رحت لواحد معرفة... ويا باشا انا عايز بطارية 70 امبير...جابلي البطارية مكتوب عليها رقم 70...
المهم ... جبت البطارية وحطينا الحمض ( خمرناها يعني ) كام ساعة كده عندي في البيت...
وحدث الآتي...
والدي العزيز رمى الكيس اللي كان فيه غطيان البطارية السته من غير ما ياخد باله...والكيس فص ملح وداب...
بدقق كده في البطارية لقيتها مكتوب عليها 62ah ....
المهم...حطيت غطيان البطارية القديمة وجيت اركب البطارية في العربية...وكانت المفاجأة المذهلة...قواطيش البطارية الجديدة معكوسة...السالب مكان الموجب والعكس...طبعا مستحيل تركب في العربية ولا بالطبل البلدي....
رحت للراجل وقلتله على البلاوي دي كلها....
قاللي...البطارية دي بتتباع على انها 70 وحلف بالله انها ال 70 الموجودة في السوق
بالنسبة لموضوع القواطيش...قال ان الكابلات في العربية هي المعكوسة...ولازم البطارية تيجي معكوسة هي كمان...
وبالتالي...هيجيبلي بطارية تانية تكون اقطابها معكوسة...وهيشيل منها الغطيان ... عشان يعرف يبيع اللي اتخمرت...
وهذا ما قد كان....
والأمر مرفوع للعصابة للبت والفحص وابداء الرأي ...واصدار الحكم...
المفضلات