-
skoda Favorit 94
سلام عليكم جميعا
انا جديد في المنتدي الجامد ده وجديد في موضوع العربيات كلها!!
انا بشتغل في شركه سياحه في طابا وعشان كده كنت محتاج عربيه ضروري وكان كل اللي معاي 25000 بس واللي ميعرفش طرق سيناء فهي طرق حاره واحده وكلها مطالع (مطالع بجد زي الاردن والسعوديه كده) ومنازل والاسفلت من ايام اسرائيل بياكل الكاوتش اكل!!! المهم كان قدامي بالمبلغ الي معاي 3 اختيارات ياما 128 ياما لادا يا ما جولف رابيت !
بصراحه كنت بافكر جديا في الادا عشان طبيعه الطرق هنا والجولف برده ممتازه بس العيب ان هنا مفيش غير 2 ميكانيكيه يعني لما احتاج قطعه غيار هانزل القاهره(500 كيلو) وفي اخر لحظه لقيت واحد بيبيع سكودا فيفوريت بالمبلغ ده موديل 1994 العربيه حلوه ومتينه وهو بيبعها عشان جاب جديد وعايز يخلص!! المهم اشترتها من اسبوعين وبدات سواقتي تتحسن!!
فعايز اعرف من فطاحل المنتدي اذا كان السعر ده كويس ولا لا!! وعايز اعرف برده ايه الحاجات اللي اقدر اشدها في العربيه عشان تستحمل الليله هنا كتير خوفوني انها بتسخن بس لسه معاملتهاش معاي !!
وعندي العربيه بتنقط زيت من تحت بلاقيها الصبح لما اجي اكلع ومع كل ركنه طويله نقط صغيره مش كتيره دي من ايه؟؟ الميكانيكي قالي غير الفلتر؟؟ صح ولا ايه
اسف لاني طولت بس بجد محتاج مسااعده
عشان انا في اخر الدنيا
اخوكم الفيلسوف العربي
-
ايه يا جماعه محدش معبرني ليه\
-
روح أى بنزينا وأعمل دوره غسيل وكمان خلى بالك ان الغطا بتاع الاربه مش بيسرب
Content Relevant URLs by
vBSEO 3.6.0 PL2