مساعدة عفشجية :) ارجو الرد !
السيارة : Fiat Palio/Siena 2006
1242 16V Fire
المشكلة :صوت صفيــــــر حاد و عالي جدا , تم تغيير التيل و الصوت لسة موجود .
الشرح :
لما روحت اعمل صيانة ال 20.000 كم كان في صوت صفير بيسط اوي عند الفرملة , في التوكيل قالولي " تيل و طنابير "
تيل فرامل 320 جنيه - طنابير امامية 2X300 يعني 600 جنيه مصري . يعني بنتكلم في 1000 جنيه .
قلت لآ ابص برة الاول و بعدين احكم .
رحت للعفشجي .. قالي التيل بقى فحم خلاص .. كل في نفسه ... و التنابير مش محتاجة تتغير اوي .. ممكن تتصنفر و تبقى تمام .
قلت طيب كويس .
نزلت شارع دمشق ادور علي التيل
لقيت 3 انواع
صيني و تركي و ايطالي و الماني
35 - 70 - 100 - 140 جنيه
انا جبت الايطالي " 100 " حنيه ماركة " EuroGold "
المهم رجعت تاني ركبته و الراجل صنفر التنابير . و كله تمام
طلعت اجرب .. الصوت اختفى بس حسيت ان الفرامل بقت اضعف بكتير ... الراجل قالي لآ بس في الاول علشان مطبعتش .
المهم تاني يوم رايح الشغل جيت افرمل .. نفس الصوت طلع ..
رجعت للعفشجي ..قالي التيل نوعه وحش اوي !!
فانا مش عارف اروح لعفشجي تاني ! و لا البس في ال 1000 جنيه بتاعة التوكيل ؟؟
خصوصا انا انا رايح كدة كدة صيانة ال 30.000 و حغير زيت و كدة ..
و الفرامل بقت اضعف فعلا .. يعني محتاج اعالج الموضوع دع بسرعة و ياريت لو حد يعرف زيت يتغير كل 10.000 غير موبيل 1 يقولي باالمرة بدل ال 250 جنيه الي بدفعهم في التوكيل .
شكرا جزيلا و اسف للاطالة .