العربيات لما تكون غاليه نعمل حمله عشان ترخص و لما ترخص نقول بنخسف سعرها ... حاجة تجنن

بسم الله الرحمن الرحيم
السلام عليكم و رحمة الله و بركاتة



موضوع إنهاردة غريب جدا و عجيب جدا أنا مش أقصد بيه شخص معين أو عدة أشخاص معينه
أنا أقصد بيه شعب كامل (أسود الوطن العربى) و حط تحتها مليون خط ... الشعب المصرى
الموضوع ممكن يزعل ناس كتير و ممكن يعجب ناس كتير و فيه ناس مش هتهم أصلا
هدخل فى الموضوع من غير مقدمات لأن الموضوع لا يحتاج لمقدمات لكنه يحتاج لنقاش أو أراء فقط
على سبيل المثال من حوالى 4 سنين كانت السيات 133 بحوالى 8 ألاف جنيه مصرى و اليوم ب3750 جنية و بـ4000 جنيه دا أسعار من أصحابها أمال بعد الفصال
كانت الفيات 128 برضة من 4 سنين بحوالى 22 ألف جنيه مصرى و اليوم بـ10 ألاف جنية مصرى إلى 14 ألف جنية مصرى

فى الأربع سنين الماضية و بالأخص من أول يناير 2009 تراجعت عمليه بيع و شراء السيارات المستعمله و طبعا بسبب أشياء كتيرة منها أولا أن الشعب خلاص مفيش شغل و الشباب تعبان و مش لاقى فلوس و سبب تانى يمكن عشان كله أتجه للجديد بالتقسيط و هكذا و هكذا

الغير ممتلكين للسيارات من 4 سنين
قالوا أن العربيات غاليه و عايزينها ترخص شوية عشان نقدر نجيب عربيات

الممثلكين للسيارات من 4 سنين
قالوا أنهم عايزين العربيات الحديثة ترخص عشان يجددوا



فى الوقت الحاضر بعد سقوط أسعار السيارات و تلجيم السوق المصرى فى السيارات و بعد حملات كثيرة زى خليها تصدى و موديلها يعدى و لما بقى ممكن تركب عربيه لو معاك 4 ألاف يعنى تمن موبايل

أصحاب السيارات الى عايزين يبيعوا عربياتهم لما يلاقوا واحد بيكلمهم بسعر السوق يقولوله أنت كدة بتخسف بالعربية الأرض و بسعرها
و إلى مش معاه عربية فى نفس الوقت دلوقتى مش عايز يشترى عشان ميتضحكش عليه :majd(4):




و رجعناااااا تانى للحيرة و الموضوع إلى عمره ماهينتهى أبــــــــــــدا إلا بتوحيد الأسعار و تكون الأسعار فى المعقول
يعنى مجرد وجهة نظر بسيطة شخصية ليس لها علاقة بالسوق
لما تكون الـ128 بـ12 ألف جنية أو 14 ألف جنية ماشى تستاهل لأنها عربية نضيفة و محترمة
لكن لما ألاقى 127 فى نفس السعر يبقى فيه حاجة غلط برضة على العموم دا مجرد وجهة نظر

:Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]:

كلامك صحيح
ما اللي ما عندوش عربية عايز يشتري رخيص
و اللي عنده عربية عايز يبيع غالي عشان يشتري رخيص بعد كده

بس

هوه في ايه

انت زعلان قوي كده ليه

ماهو دايما السوق كده

عمره ما بيرضي لا بايع ولا مشتري

اقتباس:

---

المشاركة الأصلية كتبت بواسطة tlrsiap

كلامك صحيح
ما اللي ما عندوش عربية عايز يشتري رخيص
و اللي عنده عربية عايز يبيع غالي عشان يشتري رخيص بعد كده

بس

---

طب ماهو ده العادي

انت مش نفسك في كده

:w6266d

السوق كدا ربنا يصلح الحال

العمليه عرض وطلب ..... وبين البايع والشاري يفتح الله .... مثلا أنا عربيتي عايز فيها 60000 وهيا في السوق أو عموما سعرها في حدود 50000 يبقى حاجه من الأتنين ياإما هبيعها لواحد مش عارف ودول قليلين جدا لأن اللي مش عارف بيسأل واحد وأتنين وثلاثه ياإما مش هتتباع خالص وكل واحد هيجي يشوفها هيحط سعره وأنا في النهايه هشوف أنهي سعر جالي فيها أكتر وأبيع للي قاله . خلصت .

مفيش حد عاجبه حاجه

هو العرض و الطلب
في عربيات سعرها نزل جامد لأنها ارتفعت ارتفاع مش معقول زي السيات طول عمرها ب 3 او 3.5 و زادت ل 8

والله كلامك صح
دا غير ان فى ناس بترحب بزيادة سعر عربيات لانها عربيات ناجحة او مطلوبة و تقولك العربية تستاهل اكتر من كده كمان !!!!!!
- اللى اشترى عربية جديدة عاوزها تغلى اكتر عشان يحس انه اخد القرار الصائب بشرائها.
- تلاقى الناس بتقول شعر فى عربيات مع ان العربيات دى بره ولا ليها قيمة ده لو كانت موجوده اصلا.

moha4tec ألف شكر على ردك و يا رب يكون الموضوع عجبك

م/ تامر فوزى .. عندك حق بس أنا قولت اناقش الموضوع مع الناس لأن محدش فكر يعمل موضوع عن حاجة زى كدة

aelhossan أنا مش زعلان ولا حاجة أنا حبيت أطرح الموضوع للمشاركة عشان الناس تحط رائها و تعبر عن الى جواها من غير احتكاك ببعض لكن المهم انت الى تكون مش زعلان من حاجة

الأستاذ نجد / أحييك على رأيك و على ردك

bassemali فعلا كلامك مظبوط و وجهة نظر فى محلها الصحيح

و يا روميو فعلا ولا البايع عاجبة السعر عشان رخيص ولا الشارى عاجبه السعر عشان بيغلوه

أسامه ناجى / فعلا أتفق مع رأيك لأن كانت فيه عربيات من البدايه كانت غاليه على الفاضى لكن لما بقيت قديمة نزلت لسعرها الطبيعى الى المفروض كانت تدخل بيه مصر لكن هنقول اية للجمارك و للنصب و لغيره و غيره

Survival فعلا عندك حق يمكن فيه ناس كتير بتشكر فى عربيات عمرها الأفتراضى برة أنتهى بس دا لسبب معين أن العربيات برة بتنزل بالسعر الى المشترى يحددة لكن هنا الى الحكومة تاخدة ضرايب و اللذى منه فبيبقى سعر العربية أضعاف



و منتظر باقى الردود يا رجاله و المناقشة

السوق كدا ربنا يصلح الحال

للانسر سحر خاص وبريستيج لا ينتهي لا اعرف لماذا ..... غريبة جداً هذه السيارة تؤثر في صاحبها ولا يؤثر هو فيها

اقتباس:

---

المشاركة الأصلية كتبت بواسطة bassemali

العمليه عرض وطلب ..... وبين البايع والشاري يفتح الله .... مثلا أنا عربيتي عايز فيها 60000 وهيا في السوق أو عموما سعرها في حدود 50000 يبقى حاجه من الأتنين ياإما هبيعها لواحد مش عارف ودول قليلين جدا لأن اللي مش عارف بيسأل واحد وأتنين وثلاثه ياإما مش هتتباع خالص وكل واحد هيجي يشوفها هيحط سعره وأنا في النهايه هشوف أنهي سعر جالي فيها أكتر وأبيع للي قاله . خلصت .

---

احلى كلام...

الحاجه الغريبه مش العرض والطلب اللى بيحكم السعر..ده كمان الاشاعات على السيارات..
مثلا الرينو ميجان اتخسف بيها الارض وقال ايه التكنولوجيا بتاعتها متمشيش معانا ..حد يفهمنى ديه
الكروز والسيراتو ..سعرهم عالى بالنسبه لامكانيتهم التقنيه ولسي الكماليات يعنى عالى بالنسبه لاداهم..وقبل ما ينتشروا ويتجربو تلاقى الناس عليهم طوابير حجز :shyy:
مصر بلد العجايب والمشكله فى اللى مالهموش فيها بيفتوا كتير...ويلاقوا اللى يصدقهم:majd(4):

عادي
السوق في مصر متقلب

اقتباس:

---

المشاركة الأصلية كتبت بواسطة bassemali

العمليه عرض وطلب ..... وبين البايع والشاري يفتح الله .... مثلا أنا عربيتي عايز فيها 60000 وهيا في السوق أو عموما سعرها في حدود 50000 يبقى حاجه من الأتنين ياإما هبيعها لواحد مش عارف ودول قليلين جدا لأن اللي مش عارف بيسأل واحد وأتنين وثلاثه ياإما مش هتتباع خالص وكل واحد هيجي يشوفها هيحط سعره وأنا في النهايه هشوف أنهي سعر جالي فيها أكتر وأبيع للي قاله . خلصت .

---

[OVERLINE]
ممكن سؤال من غير زعل؟
لما حضرتك عارف ان اللي طالبه في عربيتك اعلي من سعر السوق 10000 ماهي كده مش هاتتباع ماتطلب سعر مناسب علشان تلاقي مشتري وفي نفس الوقت تعرف تغير وتركب حاجه جديده امال اللي هايشتريها هايوافق بالسعر ده ليه ماهو لو دفع 10000 زياده علشان الحاله ممكن يركب نوع تاني خالص ارجوك ماتزعلش ده مجرد راي
[/OVERLINE]:satelite:

اقتباس:

---

المشاركة الأصلية كتبت بواسطة seaman

الحاجه الغريبه مش العرض والطلب اللى بيحكم السعر..ده كمان الاشاعات على السيارات..
مثلا الرينو ميجان اتخسف بيها الارض وقال ايه التكنولوجيا بتاعتها متمشيش معانا ..حد يفهمنى ديه
الكروز والسيراتو ..سعرهم عالى بالنسبه لامكانيتهم التقنيه ولسي الكماليات يعنى عالى بالنسبه لاداهم..وقبل ما ينتشروا ويتجربو تلاقى الناس عليهم طوابير حجز :shyy:
مصر بلد العجايب والمشكله فى اللى مالهموش فيها بيفتوا كتير...ويلاقوا اللى يصدقهم:majd(4):

---

موقف حصل قدامي للميجان كنت مع واحد صاحبي العربيه لمبه البنزين نورت دخلنا موننا من غير مايطفي المحرك شويه والعربيه بطلت وقعدنا ندور علي السبب مش عارفين وفي الاخر طلع علشان ان مابطلش المحرك وشغله تاني فالعربيه ماتعملهاش ريست وبالتالي السنسور ماحسش بالبنزين الجديد:majd(4):

اقتباس:

---

المشاركة الأصلية كتبت بواسطة esam_comm

موقف حصل قدامي للميجان كنت مع واحد صاحبي العربيه لمبه البنزين نورت دخلنا موننا من غير مايطفي المحرك شويه والعربيه بطلت وقعدنا ندور علي السبب مش عارفين وفي الاخر طلع علشان ان مابطلش المحرك وشغله تاني فالعربيه ماتعملهاش ريست وبالتالي السنسور ماحسش بالبنزين الجديد:majd(4):

---

العيب مش في العربيه في اوروبا و الدول المتقدمه مش بيحطوا بنزين غير و السياره مبطله

العربيه دي بتعلمه الصح
يا سلام الناس دس بتفكر في حجات غريبه يا جدع

[QUOTE=tlrsiap;3872304632]كلامك صحيح
ما اللي ما عندوش عربية عايز يشتري رخيص
و اللي عنده عربية عايز يبيع غالي عشان يشتري رخيص بعد كده

كلام مظبوط مايه في المايه

و رغم كده فأسعار المستعمل في مصر ما تزال فلكية مقارنة بالدول التانية.

اقتباس:

---

المشاركة الأصلية كتبت بواسطة theinfernal

و رغم كده فأسعار المستعمل في مصر ما تزال فلكية مقارنة بالدول التانية.

---

كتير فيه عربيات عمرها الأفتراضى إنتهى من زمان و تلاقيها موديل 1990 أو موديل 1980 العربيات دى فى الدول الأجنبيه بالموديلات دى خلاص يا أما بتبقى معدله يا أما بتترمى فى أقرب كوم زباله او فى خراج كبير كدة و بتتباع بعد كدة للهواه بتراب الفلوس لكن أحنا عندنا بنبيع الحاجات دى و كأننا بنبيع أثار لكن برضة العيب على الزيرو إلى الجمارك بتاعته زى النار