برجاء الافاده

**Ashraf Zykass** · 16-05-2007 10:04 PM

[s]ما رأيكم فى هيونداى اكسنت 1300 جديده برجاء افادتى بمميزات وعيوب السياره حيث انها تقريبا فى حدود امكانياتى علما بانها لاستخدام اسرى وان اعتبر ساكن فى مكان بعيد عن عملى بحوالى 50 كيلو :D :D :D :D :D [fade][b][align=center]

**memo_hefnawy** · 16-05-2007 10:08 PM

أنصحك فكر فى حاجة غيرها الجديد بتاعها أكثر من سئ

ممكن تقول إمكانياتك كام كاش و كام قسط و ممكن نشور عليك إن شاء الله

**Ashraf Zykass** · 16-05-2007 10:17 PM

'طيب ممكن تذكر اسباب الاعتراض على هذه السياره

**memo_hefnawy** · 16-05-2007 10:45 PM

تقفيل أكثر من سئ

تقييمات من قام بشرائها أكثر من سيئة

مفيش فيها باور

صاج خفيف ورق

مشاكل فنية زى طلمبة البنزين و ضعف السحب ....كل ده مكنش موجود فى القديمه

**Ashraf Zykass** · 16-05-2007 10:53 PM

شكرا على الافاده ولكن برجاء تحديد مشكلة طلمبة البنزين بالتحديد و شكرا :D :D :D :D

**memo_hefnawy** · 17-05-2007 08:03 AM

والله أنا مش متذكر أوى لأن دى كانت مشكلة إتعرضت زمان فى المنتدى القيدم ....أفضل حد ممكن يفيدك هو عمرو فراج لأن السيارة معاه و هو أكثر واحد بيعانى منها

إسمه بالظبط : 3mr Farrag

ممكن تبعتله على الخاص أكيد هايفيدك :)

**KiNgMaX** · 18-05-2007 04:07 AM

العربية مش موجودة أصلآ جديدة البديل ليها دلوقتى الفيرنا وهى عربية ممتازة (الفيرنا)

**sab3aawy** · 18-05-2007 07:56 AM

الأكسنت الشكل القديم وقف انتاجها

وسعر الفيرنا 62000قريب جدا من سعر الأكسنت القديمة 56000

**sokasoon** · 18-05-2007 02:15 PM

المشاركة الأصلية كتبت بواسطة sab3aawy

وسعر الفيرنا 62000قريب جدا من سعر الأكسنت القديمة 56000

سعر الفيرنا دلوقتى 65990جنية 1600 سى سى مانيوال فول اوبشن

والفيرنا 1600 سى سى اتوماتيك 72990جنية فول اوبشن

اما الفيرنا 1500 سى سى 64990جنية مانيوال فول اوبشن

والفيرنا 1500 سى سى اتوماتيك 71000جنية فول اوبشن

والفيرنا 1500 سى سى مانيوال 61990 جنية هاف

الاسعار كلها حجز مش استلام فورى

ملاحظة هامة : الفيرنا ال1500 سى سى هتلاقى سعرها قريب جداا فرق 1000 جنية من 1600
والسبب ان الاتنين زى بعض ده رقم وبس

**mohamed yousry** · 18-05-2007 04:02 PM

انا معايا اكسنت موديل 2006 ال1300 سىسى ولا أنصح أحد بشراء هذة السيارة لان بها عيوب كثيرة منها:
1-البوية المستخدمة سيئة جدا ...لو واحد لابس بنطلون سند عليها ممكن الزرار الحديد اللى فى البنطالون الجينز يجرح العربية...حصلت معايا...
2-التقفيل طبعا سىء..اقل من تقفيل موديلات 2001 و2002 رغم انة كلة متجمع فى غبور...
3-الخامات المستخدمة فى التابلوة وخلافة سيئة..(التابلوة بيشقق لو سيبتة فى الشمس)..هذا العيب ازلى فى كل العربيات الاكسنت شكل قديم...
4-انا عامل بيها دلوقت 11 الف كيلو.....من حوالى اسبوع.. الصبح من حسن حظى بصيت على اربة مياة التبريد لقيتها ناقصة ولقيت الخرطوم اللى بيوصل الاربة بالرادياتير مشقق عند اطرافة اضطريت اقص الجزء المشقق وقصر الخرطوم ووصلتة تانى..علما ان مفيش حد بيفتح الكبوت غير التوكيل والراجل اللى بيغير الزيت...انشاء الله لما اروح غبور هبهدلهم...
5-العفشة عايزة معاملة خاصة عشان تعيش معاك....يعنى هتاخد المطبات براحة....
6-حاسس ان العربية مبتسحبش ومخنوقة خصوصا فى الغيار الاول والثانى لكن بعد كدة بتجرى 100%....وصوت الموتور اتغير عن اول ما استلمتها....ملحقتش تمشى...يستحسن متركبش فيها ناس كتير...يعنى انت والزوجة واتنين ورا بالكتير....
7-العربية دى ملغية برة بقالها سبع سنيين وسمعت ان غبور جايب اجزاءها من الصين...بكره الصين عمى.
8-طلمبة البزين لسة مغيرها فى صيانة العشر تلاف ....كانت عاملة صوت ونة فى الكنبة الخلفية.....لو سيبتها شوية من غير تغيير ممكن تخلى العربية تنتش.....وعشان تحافظ عليها اطول فترة ممكنة لازم تفول العربية بنزين عندما يصل المؤشر على النص....هذا العيب فى موديلات 2005 و2006 فقط.....
9-الشكمان مصرى طبعا ولة صوت مش تمام خصوصا لو قرصت على العربية....

فى النهاية انت ممكن تشتريها وهتمشى معاك كويس لو خليت بالك من الحاجات السابقة وعاملتها كويس...بس مش هتعمل بيها امريكانى يدوبك توصلك مشاويرك وفيما عدا ذلك هى عربية قليلة الاعطال لو حافظت عليها ....
بس لو سعرها قريب من الفرنا خليك فى الفرنا ب62000 جنية وهى معايا بردة....احسن من الاكسنت واحسن عربية فى هذة الفئة السعرية فى رأى الشخصى......بردة فكر فى الشاهين ب 56000 جنية عربية قوية جدا وبتستحمل واحسن من الاكسنت بكتيير يعيبها انها تقيلة شوية فى سواقتها لكن مش قوى يعنى...

لا تنسى انك مش هتلاقى الاكسنت شكل القديم الا مستعمل او فى المعارض ب58000جنية...

اخيرا ياريت كل الناس تعمل زى كدة وتقول العيوب فى العربية بتاعتها لان دى امانة سنحاسب عليها....... :o وشكرا