ينكيو فى عرض كارفور الأخير كانت ب 2000 فقط ، ياترى الفرق يستاهل؟ بينكيو برضه شركة مش وحشة
عرض للطباعة
بنكيو وحشة ملة ...... بلاها سوسو الله يكرمك
شاشات البلازما اكثر جودة في الوضوح من lcd ولكن عيبها القاتل ان لها عمر افتراضي يعني صورتها بتبهت مع مرور الوقت وكبيرها خمس سنين وتغيرها
اما شاشات lcd فهي شاشاة العمر ويعيبها تغير جودة الصورة مع تغير زاوية الرؤية يعني لازم تسنتر نفسك وانت بتتفرج او لوكنتم اسرة يبقى لازم تكون بعيدة مسافة حوالي 3 متر
يا دكتور ريح نفسك علشان متندمش
خليك فى ال LG ده اقل الحلوين
عندك LG-panasonic-sony-samsung
بالسعر بتاعك مش هتجيب غير LG Full HD 1080p
السامسونج سيريس 3 مش FULL HD
انا احترت زيك كده وجبت سامسونج سيريس 5 و FULL HD سعره كان 5500 ونزل عليه عرض ل 4000 جنيه
هستأذن الدكتور بس في حاجة جانبية
كوداك ياخبرة
عندي شاشه lcd وكنت عاوز اعرف ازاي امسحها او انضفها من الاتربة والحاجات اللي بتلزق واللحمسه والخ
عشان بخاف اضغط عليها انت فاهم اكيد
انا قلت اسألك هنا عشان تعم الفائدة بالمرة
مع كل احترامى انا والدى جاب البلازما 48 بوصة و داخل فى 3 سنين و شغال ما شاء الله، فى نفس الوقت خالى جاب الLCD ال 36 بوصة و عنده مشاكل فى تنضيفه و صوته مش زى البلازما ( جاى معاه سماعتين طوال كده ) و صورته زى الفل و فى زى شاشة ازاز قدام الشاشة عشان التنضيق يبقه أسهل و عشان العيال الصغيره اللى لازم تحط ايدها على التليفيزيون. كمان البلازما احسن بالذات لو الإضاءة مش تمام بس مشكلة البلازما لو الإضاءة جامدة أوى الصورة بتزغلل
بصراحة اللى ناوى يحوش كمان شوية و يجيب بلازما محترم و
ده مقال بيناقش الفرق بين الاتنيين و البلازما كسبت فى الآخر
Plasma TV vs LCD TV - Plasma TV Buying Guide
اظن انك عقبال ما تحوش هيكون ان شاء الله الليد تي في oled انتشر و دا الأحسن من البلازما و ال lcd لان اضاءته و الوانه قريبين جدا من التليفزيونات العادية و شاشة رفيعة جدا و استهلاك و عمر افتراضي اعلي
هو نزل منه حتي الأن سامسونج و lg
تلفزيون البلازما لو هيشتغل 16 ساعة في اليوم يعني حوالي 4 سنين ونص يعني يعتمد على عدد ساعات العمل اخره 60 الف ساعة
ومعناه انه يفقد نص الوضوح والتباين للصورة
Q. HOW LONG DO PLASMA TVS LAST?
الاجابة
Plasma TV - How long does a Plasma Television Last?
فى عمان عندى التوشيبا والسونى والباناسونيك والشارب سعر واحد ب 2200 ج تقريبا لل 32 بوصة HD ready بس عليهم جمارك غاااالية جدا لو جبته معايا مصر
كان في نفس اليوم اللى كان عليه العرض بتاع البينك الـ 32 في كارفور كنت هناك وكانت البينك قدامي بس بصراحة مارضيتش أشتريها لعدة أسباب
1- شكلها ماعجبنيش قوي
2- عندي خبرة سيئة جدا مع كل ماركات بينك اللى جربتها في مستلزمات الكمبيوتر وكل حاجة بينك جبتها باظت بسرعة غريبة .. عشان كده قلقت أجيب حاجة كبيرة منها ساعتها هاحس إني رميت الفين جنيه في الأرض مش وفرت الف جنيه
3- كان في الجزء بتاع سوني شاشة 32 الـ سي دي شكلها كان تحفة قمة الجمال وعلقت معايا جامد جدا غير الأوبشن الأعلى من بينك في كل حاجة تقريبا ... التباين .. الوضوح .. المخارج والمداخل المتاحة ... وكانت بـ 3000 فقط (يعني الفرق الف جنيه وأنا شايفه يستاهل من ناحية كل حاجة) وبصراحة لو كنت فايق شوية ومركز كنت جبتها بس نصيبها كده بقى ... وبصراحة أعتقد إني هاكون مركز على سوني بالذات لما أنوي أجيب بإذن الله
معرفش بقى هل سوني كانت عاملة السعر ده للعرض الخاص فقط ولا ده كان سعرها العادي
دى تجربتى مع البلازما و lcd
يوم الاثنين 16 نوفمبر بمناسبة ماتش مصر والجزائر بالسودان شركة سامسونج وشركة lg عملوا عرض لمدة 3 ايام كالاتى
*سامسونج عرضت32 بوصة ال سى دى
lcd 32 3 series hd ready :2999 le
lcd 32 4 series hd ready :3499 le
lcd 32 5 series full hd :3999 le
وشركة LGعرضت
lcd 32 hd ready :2899
بلازما 42 بوصة بدون بلوتوث 4299 جنيه
بلازما 42 بوصة بالبلوتوث واحدث اصدار (frameless pq6 )4699 جنية
وانا كنت محتاج المقاسين واحد تى فى وواحد بى سى سكرين فسالت كتير ولفيت وشفت المعروضات من النوعين ومن غيرهم واتضح الاتى البلازما افضل وانسب للاستعمال المنزلى لاسباب كتيرة الاخوة شرحوها قبل كدة
المقاس 32 كشاشة كمبيوتر وبالذات ال سى دى هيكون متعب جدا للعين وغير مناسب فصرفت نظر عن السامسونج واشتريت ال جى بى كيو 6 ب 4700 جنية وجبت فنى بحامل حائطى ركبه واتكلف بالتركيب والنقل 300 جنية
الراى بعد الاستخدام والمشاهدة :قمة الروعة صوت وصورة وحجم وشياكة عالية
وفعلا زى ماتقال قبل كدة عشان تاخد صورة فائقة الجودة عالية التحديد 1080 اى او بى لابد من حاجة من التلاتة
1-بلاى ستيشن 3
2- دى فى دى هاى ديفينيشن او بلو راى
3- اى ملتيميديا full hd (كاميرا رقمىة -فلاشة -كمبيوتر او غيرهم)
دى تجربتى الواقعية بنقلها بامانة ربما تفيد واتمنى ذلك مع خالص ودى وتقديرى
احنا توهنا الراجل
هو بيقول عاوز جهاز ميعديش ال 3000 ويكون 32 بوصة
الناس اللى بتتكلم عن البلازما جايبين فوق ال 40 بوصة وهو ده الصح (البلازما تتجاب من 40 بوصة فيما فوق)
والدكتور احمد عاوز جهاز 32 بوصة ورشحناله lg لو حد يعرف حاجة افضل ماشى علشان ميتشتتش
إيه رأيكم فى شارب ؟؟؟؟
متابع:S_thum1[1]:
مافيش مشكلة أنا أجلت الشراء ومهتم أعرف رأى الجميع وخبرتهم بالتليفزيونات الحديثة وإن شاء الله الموضوع يبقى مرجع للى بيفكر فى الشراء
أعتقد أن شاشات ال lcd هترخص الفترة القادمة بشكل كبير بسبب نزول شاشات led
سألت النهارده فى محل كبير فى بنها وجدت الأسعار كالتالى:
إل جى إل سى دى 32 بوصة حوالى 2850
إل جى 22 بوصة ب 1590
إل جى بلازما 50 بوصة ب 4400 ج
ترومان إل سى دى 20 بوصة ب 1125 ج صينى
يادكتور متنزلش عن ال 32 بوصة لو تلفزيون
الاحجام التانية دى صغير جدا وهتتعبك فى الرؤوية
ممكن تعمل حاجة توفير
انا جايب شاشة للكمبيوتر 22 بوصة LG وعندى كارت ستالايت (ريسيفر) فى الكمبيوتر وكنت جايبها ب 800 تقريبا
والكارت ماركة Twinhan ب 180 جنيه بريموت
ممكن يا جماعة لو حد فاهم و عنده اسعار السوق
يحط لينا قائمة بالموديلات و اسعار 32 بوصه
LG-panasonic-sony-samsung- Sharp
أنا محتار نفس الحيرة دي برضه