انا بهزر طبعا, متشكر جدا, لكن محدش سمع عن ال 3d او شافها فى اى حتة ؟
عرض للطباعة
انا بهزر طبعا, متشكر جدا, لكن محدش سمع عن ال 3d او شافها فى اى حتة ؟
دريم ليها قناة hd فائقة الوضوح وكمان الجزيرة الرياضية والقنوات دي بدات تنتشر على باقي الاقمار الصناعية وكلها سنتين ثلاثة وكل القنوات هتبقى اتش دي اما بالنسبة للريسيفر فمعتقدش انه غالي لان انا عندي كارت ريسيفر للكمبيوتر ب 150 جنية ويشغل قنوات اتش دي على شاشة lg lcd 19 عادي جدا علشان كده انصحك تشتري تلفزيون يشغل قنوات اتش دي لان تلفزيوناتنا العادية بعد كام سنة هنفتحهم نلاقي صوت بس وشاشة سودا
كلام سيادتك مظبوط لكن فى ملاحظة صغيرة لو حضرتك سمحتلى بيها الإتجاه دلوقتى على كل الأقمار هو القنوات فائقة الجودة وفعلا دى تكنولوجيا المستقبل لكن اللى عايز اقوله ان تكلفة استقبال القنوات دى على التليفزيون مكلفة جدااا دلوقت غير الكمبيوتر لأن الكمبيوتر القنوات دى بتشتغل على اى كارت ستلايت وكوديك HD pack ما بيكونش ليها علاقة بنوع الكارت أو حتى الشاشة لكن عشان تستقبل على التليفزيون محتاج تليفزيون full hd وريسيفر hd وده بيت القصيد لأن اقل ريسيفر بيستقبل القنوات دى هو الترومان 1000 وده تمنه 1000 ج لكن لو عايز تجيب جهاز محترم هيكون دريم بوكس hd 800 وده تمنه 4500 .
فممكن حضرتك تشترى الشاشة دلوقت وانا برشحلك ال LG وتأجل موضوع الريسيفر لما الأجهزة دى تنتشر شوية
لو سمحتو ياجماعه انا قريت المشاركات كلها وفيها تضارب
يعنى اللى عايز يشترى يشترى بلازما ولا lcd
يعنى الرد النهائى ايه وهل لو lcdصورته هتبقى واضحه مع اى ريسيفر عادى محتاجين الخلاصه من فضلكو ياريت ياكوداك ترد على سؤالى من فضلك لانى بصراحه بثق فى كلامك
انا قريت البوست كله , وكنت بدور على العامل الرئيسي في اتخاذ القرار , لكن للأسف محدش جاب سيرته
بالإضافة لكل الفروقات الصحيحة اللي اتقالت في حاجة الناس مش واخدة بالها منها
لو المكان اللي حتحط فيه الشاشة إضائته ضعيفة أو صناعية متوسطة الشدة سقفية , يبقى تجيب بلازما
لو المكان اضائته عالية غرفة مشمسة أو مكان شبه مفتوح يبقى تجيب lcd مفيهاش كلام
للأسف شاشة البلازمة عاكسه لأن عليها لوح زجاج , فلو في شباك وراك وأنت بتتفرج , مش حتشوف حاجة , ولو لاحظتم في أي معرض إنك بتشوف نفسك في البلازما لكن lcd لا
التباين في البلازما افضل لكن شدة الإضائة في lcd اقوى بكتير وعلشان تتأكد روح كارفور واقف بيعيد حتلاقي lcd منورة جدا والبلازما أقل إضائة
علشان كده اللي عنده بلازما وعاوز يتفرج على فيلم أو ماتش بالنهار , لازم يقفل الستاير ويضلم الأوضة علشان يشوف كويس
في عيب خطير جدا كمان في البلازما اللي هو الـ burn وده لو أنت مثلا مشغل قناة الفجر طول النهار والليل, وفضل الوضع كده يوم أو يومين مقلبتش المحطة , حيفضل اللوجو بتاع المحطة مطبوع على الشاشة حتى لو قلبت المحطة وده نتيجة إن الخلية اتحرقت
ولكن دلوقتي في خاصية اسمها Anti-Burn ودي مش موجودة غير في السامسونج علشان كده أنا عاوز أقول بلاش تشتروا LG عكس ما الناس نصحت
وفي النهاية أحب أقول إن البلازما دلوقتي اصبحت تكنولوجيا عتيقة والتركيز دلوقتي على الـ LCD المتطورة و الLED طبعا
طب فيه ماركات زي CAIRA, HiSense, Benq, Sanyo
الماركات ديه اخبارها ايه هل كويسة ولا سيئة
من الاخر بعد اللف و الدوران
samsung s3 بـ3000 دلوقتي انا شايف انه احسن الحلول و انا اشتريته و مبسوط منه جدا جدا جدا