اسمع الموقف ده ، ده انا دمي اتحرق اسبوع بسببه
واحد راكب عربية بيعلم مراته السواقة و في فتحة بين جزيرتين كانوا واقفين فيها في امان الله و انا جي من بعيد خالص على سرعة 180 بقلب نور و بزمر و دول لسه واقفين ، اول ما قربت خلاص مفيش 10 متر لقيت الاخت بتتطلع من الفتحة و مشت زي السهم الاحمر يعني مش طلعت و فضلت في الحارة اليمين خالص لا ديه بترجع على الشمال تاني و الله العظيم لولا ستر ربنا كنت خبط فيهم بالجنب و كانوا ماتوا ، كان قدامي 3 حلول : اما اخاطر و اعدي قبل ماهيا تقفل الحارة او ارشق في الجزيرة او اعدي نحية الشارع العكسي و ده كان ممكن ارشق في عربية جاية في وشي ، طبعاً دست فرامل على الاخر و الاي بي اس قفش و عديت و العربية معومة و حالتي حالة ، بعديها كان هاين عليا اموت الراجل ده رجعتله شتمته و سبيت له مله و دين و قلتله انتا ايه وووووو بس الحمدلله الموقف عدا ، الي يغيظ انه بعد كل ده هوا مش عاجبه و بيقول انا غلطان
على فكرة الشارع ده شارع بتاع 4 حارات و مسفلت و فل الفل كل يوم بمشي عليه طيارة ( في اسكندريا بعد المندرة كدة قريب من المعمورة )
ايه رايك انتا في الموقف ده لو مكاني حتعمل ايه ؟
المفضلات