ايه يابشا انتى فين
تحياتى
عرض للطباعة
ايه يابشا انتى فين
تحياتى
شوف يا سيدى
الفرق بين الموديل القديم والجديد فى الجيتا غير اختلاف الاضاءه
تغير الدركسيون
تغير شكل التكيف
تغير الفتيس القديم العادى 6 سرعات ب dsg 7 سرعات ودا على كلام احد الاعضاء هنا انة مريح جدا فى العربية
اما بالنسبة لل esp فا الى اعرفة ان فولكس قالت انة هيكون تجهيز اساسى فى عربياتها من 2010 فا المفروض على الكلام دا انها تكون موجودة فى الموديلات الموجودة الى هى فيها التغيرات الى قولت عليها فى الاول وبما انك ناوى على هاى لاين فا اعتقد انها ممكن تكون موجودة لو انت بتجيب الكاملة
وبالنسبة لل asr مش بيفرق كتير عن esp مع الافضلية لل esp بس العربية فى كلتا الحالتين ما شاء الله ثابتة فى اسوء الظروف
وبالنسبة للشاشة تاتش سكرين مفيش فيها غير بيانات الكاسيت بتاع العربية فقط والتكيف بيكون منفصل عنة ودا عن العربية الى معايا
فا انت ما تئلئش نفسك لانها بسم الله ما شاء الله عربية اكتر من رائعة وبتاخد افضل شيئ مقابل سعر كويس ودا من وجهة نظرى لانها عربية ما شاء الله زى الفل لانى انا لما قررت اجيب الجيتا كنت بفكر فى bmw مستعمل بس بمقارنة العربيتين ببعض الجيتا هى الى ربحت لانها ما شاء الله كماليتها كتير ومريحة جدا وعربية ثابتة جدا وجميلة جدا جدا وغير كدا انى بشترى عربية زيرو انا اول يد فا بجد كان احساس اكتر من رائع وان انت الى بتشيل الورق الملزوق على العربية بأيدك
وخلى بالك فى فرق بين الخليجى والمصرى ودى حاجة انا لاحظتها فى العربيتين مش ممكن حد ياخد بالة منها ان كرسى الجيتا الخليجى اعرض واكبر من المصرى فا لو جربت جيتا مصرى وجيتا خليجى هتلاقى ان الخليجى اريح بكتيييييييييييييييييييييي يييييير
بس المصرى فيها ميزة انها اعلى من الخليجى فى الارتفاع عن الارض
والله اعلم ان كان فى اختلاف بين العفشتين ولو فى اختلاف طبعا هتكون عفشة المصرى خدمة شاقة افضل من الخليجى (عادى يعنى)
ورجعت قارنت الجيتا بالفانتازيا وبردو الجيتا كسبت معايا لانى ما استريحتش للفانتازيا زى الجيتا وبعمل مقارنة بين الاتنين الجيتا بردو هى الى كسبت مع فارق ان الفانتازيا اعلى على الارض من الجيتا بس الكماليات فى الجيتا كانت اكتر من الفانتازيا والعربية بالنسبالى كانت اريح من الفانتازيا بردو وكنت بقارن الاتنين (خليجى)
والهى يابشوات مش عرفين اقولكوا ايه فعلا ربنا يكرموا وانتوا طبعا
زى ما معروف من الاعضاء المتميزيين جدا
وتحياتى على مجهودكوا الرائع
يعنى ان شاء الله 2010 هلاقى فيها esp والتغيرات الى سبق وحضرتكوا قولتوا عليها
مع الفتيس الجديد
وبما انى انش اء الله ناوى على الهاى لين يبقى اساسى انى الاقى esp لانى بصراحه بفضولا على الى حاجه
لانى نفسى من زمان اركب عربيه يكون فيها حاجه زى دى
وزى ما الاعضء الكرام قالوا ان العربيه تجميع مكسيكى لا يقلل منها ابدا لانها اساس عربيه نزله للسوق الامريكى
بس لو الاعضاء الكرام يوضحو ا ايه الفرق بينها وما بين الفاتنزيا الهاى لين فى الابشنز وليه الجيتا تتفوق على الفانتزيا من الناحيه العامه
مع انى شايف من وجهه نظرى ان العربيه بما انها متقفله فى التشيك يعنى اوروبا وكمان البلد الام للفانتزيا
فلو تكرمتوا ووضحتوا الاختلافات وكمان الفرق العامه من حيث الجوده واى اى حاجه تتفقو فيها الجيتا 2010 عن الفاتنزيا 2010 والاتنين طبعا هاى لين
تحياتى ومشتكر لمجهودكوا وبصراحه معروف مش هنساه ويتشال فوق الراس
بس زى ما حضرتكوا عرفين دى عربيه العمر
تحياتى ليكوا مره تانيه
سريعا كده
الماتور فى الجيتا وفى الفانتازيا واحد
الفتيس الأثنين هينزل فيهم الفتيس الجديد
الصالون تقريبا واحد مع أختلاف العلامه
الشاسيه واحد
العفشه عفشه الجيتا بتختلف عن عفشه الفانتازيا والفانتازيا أعلى من الجيتا مع وجود الثبات
التكنولوجى واحده وهى سواء بالموتور ال mpiاو tsi لأن الأثنين هينزل فيهم الموتور دا
دى تقفيل تشيكى دى تقفيل مكسيكى
الكماليات على ما اعتقد أن الكماليات فى الهاى لاين فى الأثنين واحد
التوكيل الأثنين زى بعض أرتوك أوتو (شفيق جبره ) زيه زى أوتوموتيف (كريم النجار ) رجال أعمال مصريين همهم مصلحتهم فى الأول وفى الأخر
الخلاصه الفانتازيا صوره طبق الأصل من الجيتا مع تميز الجيتا قليلا
فى الكماليات وتميز الفانتازيا فى أرتفاعها عن الأرض
أستخير ربنا وأقعد فى العربيتين وشوف انهى واحده هتحس معاها بالراحه لأن جوازه زى دى هههههههههههههههههه
مينفعش تنتهى فى يوم وليله هتخسر كتير لو مرتحتش مع واحده فيهم ونهيت العلاقه ههههههههههههههههههههههههه
ربنا معاك
الجيتا 2010 و الاسكودا فانتازيا غير مجهزين ب ESP فقط ASR
راجع الموضوع ده هنـــــــــــــــــــــــ ــا اتكلمنا فيه بالتفصيل عن الموضوع ده
الفرق بين ال ESP Vs ASR كبير مش بسيط لكن حتى مع تجهيز الجيتا ب ASR ثبات العربيه ممتاز على حد علمى من ملاك العربيه
أستاذ بجد يا أستاذ محمد انت بقيت موسوعه :M_yes[1]:
انا شوفت التقرير وفهمت ان العربيه هينزل فيها esp
فا ايه رايك حضرتك ده غير كلام الاعضاء الى قالوا انى موديلات 2010 نزله esp
بس محدش جاب سيرت التغيرات فى ناس بتقول التغيرات الدخليه يعنى شكل عدادات التكيف ونورر التبلوه مش هتحصل
لاكن مع وجود الفتيس الجديد بس فا لو تاكيد عنالخليجى 2010 يبقى فعلا جميله مش هتنسى
وكمان انا عايز رايكوا بدون تحيز الجيتا ولا الفاتنزيا
مع الاخذ فى الاعتبار موديلات 2010 الهاى لين
ومتشكر لتبعك معايا وكمان كل الاعضاء الى منورين معانا
وربنا يكرمكوا
ومتشكر تانى
تحياتى
موجود ياباشا جيتا و اوكتافيا فيهم esp و بزرار فى التابلوووه فى بعض الدفعاات