عفواً وقاكم الله شر الأمراض
عرض للطباعة
عفواً وقاكم الله شر الأمراض
السلام عليكم د .صلاح
ليا استشاره من حضرتك
ابنى عنده 11 شهر ووزنه 8 ك مع انه بيرضع من امه كويس وبيرضع لبن جاموسى فى الببرونه كمان وبياكل على قد ما يقبل اكل لانه فى الغالب بيرفض الاكل بيزحف كويس وبيقف لوحده وطلع 4 اسنان فوق و 2 تحت مش عارف وزنه كده كويس ولا ايه ؟؟ ولو مش تمام اعمل معاه ايه ؟؟
د/ محمود صلاح
مساء الخير
انهاردة كنت بتكلم مع الدكتور اللي متابع ابني وهو قالي على تطعيم جديد مهم جداً جداً اسمة بريفينار
التطعيم ده مهم جداُ ولازم الاطفال يخدوه قبل سن سنتين وهو عبارة عن جرعتبن الفرق بينهم شهر ونصف
التطعيم ده ضد الالتهاب الساحئي و امراض الجهاز التنفسي وامراض الاذن الوسطى
الجرعة الواحدة تكليفتها 400 جنية مصري
كنت عاوز اعرف ايه رأيك ف التطعيم ده وهل هو امن... وبما انه جديد فهل تم تجربته ومعرفة الإثار الجانبية المترتبة عليه...
هل التطعيم ده معتمد من وزارة الصحة..؟؟
ارجو منك سرعة الرد وارجو من كل الاباء والامهات الاهتمام بهذا التطعيم بعد استشارة طبيبهم
تقبل تحياتي
ده تطعيم ضد ميكروب ال Streptococcus pneumoniae bacteria وليس من ضمن التطعيمات الروتينية في مصر وعادة بيستخدم للأطفال ناقصي المناعة بسبب مرض مزمن أو نزع الطحال ... الخ
بعض الدول المتقدمة اتجهت لجعله من ضمن التطعيمات الروتينية , والسعودية تشترط التطعيم به للحجاج ( بنوع مشابه )
لمزيد من المعلومات
Prevenar 13 (pneumococcal vaccine)
ابني اسمة يوسف
يا ريت تفيدن وتقولنا نعمل أية
- قبل الولادة المية اللي حوالين الجنين كانت قليلة وكان في شيخوخة في المشيمة لكننا عملنا 4d و دوبلر والاشعة بتقول ان الدم والاكسجين كانوا كويسين
- بعد لما اتولد كان وزنة 1600 جرام (20\6\2010)السكر قليل وبعدها بشوية أتظبط
- اخد تطعيم الدرن بعد الولادة بيومين وبعد وماكنش بيرضع كويس خالص السكر وطي جامد وازرق ووديتة مستشفي كيدز حجزوة في الحضانة بدا يتشنج علي فترات
- عملنالوة سونار علي مخ كان في شوية مية علي المخ ونزلا في تاني سونار عملناه بعدها بأسبوع
- خرج وكان بياخد سيموناليتا
- قعد شهر بيزيد في الوزن ومنغير اي تشنجات خالص وبردوا مستمرين علي السيموناليتا
- فجأة أبتدت تجيلوة حركة لاإرادية في أيدوة وجنبة ورقبتة (زي مايكون بينطر أيوة أو رجلوة جامد جدا أ كذا حركة ورا بعض)
- روحنا لدكتورة أطفال قالت نقعد 5أيام (وزن الطفل 3.5 العمر 44 يوم)ندي سيموناليتا (2 سم كل 12 ساعة + 1.3 سم تيجريتول كل 12 ساعة )
- وبعد 5 أيام نسحب السيموناليتا 0.5 كل يوم لحد ما يوقف خالص (4أيام ) مع الإستمرار ب1.3 سم تيجريتول كل 12 ساعة
- االنهاردة أخر يوم للسيموناليتا أخد 0.5 سم الصبح واخر نص سم هاياخدوة بالليل لكن الحركة اللاارادية بدأت تزيد تاني علية والمشكلة ان الدكتورة في اجازة وهاترجع كمان اسبوعين
يرجى الذهاب بالطفل لأقرب مستشفى بها حضانات حديثي الولادة مثل بنها التخصصي لأنه محتاج فحوصات وتحاليل وادوية مضادة للتشنج .
استاذ ahmedswidan ربنا يشفي ابنك ويعافيه ويفرحك بيه ويجعله قرة عين لك ولامه باذن الله
اللهم اشفه شفاء لا يغادر سقما
دكتور محمود شكرا على موضوعك القيم
عندي استفسار
بنتي عندها اسبوع وعندها بروز واضح في السرة
السرة وقعت النهاردة وكنت بطهرها بكحول ومازلت بس قلقانة من بروزها .. ايه رأي حضرتك
ألف مبروك , ربنا يحفظهالك من السوء .
بالنسبة للسرة فلا تقلقي , هذا ما يسمى بالفتق السري نتيجة ضعف العضلات في المنطقة دي وهو ما يختفي مع الوقت . وعادة لا يحتاج عملية إلا لو استمر لفترة سنتين ( وبعض الجراحين يفضل 5 سنوات ) .
http://www.mayoclinic.com/health/umb...hernia/DS00655
واظبي على الرضاعة الطبيعية بدون اي اضافة ولا ماء ولا أعشاب ولا ماء غريب والحاجات اللي لا تضر ولا تنفع دي
الله يبارك فيك يا دكتور والف شكر
السلام عليكم ورحمة الله وبركاته
كنت عايز اعرف ايه هي التطيعمات التي يجب ان اديها لابني خارج الصحه في مصر لانهم كتير وغاليين ومش عارف ايه المهم وايه الي نصب فقط وجزاكم الله خيرا