وهل اللحمية بتأثر على السمع؟
عرض للطباعة
kdosoki
اللحمية بتسد مدخل الهواء عن طريق الانف وتخليه نايم وفمه مفتوح ويجد صعوبة في النوم الصحي وتكرر الاستيقاظ بسبب التنفس من الفم وقلة التركيز والتحصيل الدراسي ... ومالهاش علاقة بالسمع .. وخطورتها في سد مجرى الهواء اثناء النوم
obstructive sleep apnea
دكتور صلاح تحياتي لحضرتك
انا ابني 3 سنين ونص بيعاني من حاله التهاب في الحلق متكرره مع ارتفاع الحراره وساعات بتسبب و جود افرازات علي اللوز
الدكتور قال ان عنده حساسيه في الانف و دي لما بتحصل بتسبب التهاب في الجيوب الانفيه و الحلق و ممكن اللوز كمان و طبعا مع وجود ارتفاع في درجه الحراره الموضوع ده ممكن يتكرر شهريا او كل شهرين
انا عايز اعرف هل الموضوع ده مع تكراره ينصح بعمل عمليه اللوز لتسببه في التهاب اللوز احيانا (انا عملت تحليل الميكروب السبحي مرتين بعد انتهاء العلاج بفتره و طلع نيجاتف)
هل هناك علاج من الموضوع ده او وقايه محدده لاني مش عارف ايه سبب الحساسيه اذا كانت اكل او تراب او روائح
بنتى 5 سنين من ساعة ما دخلت المدرسة بتمرض كتير (اول سنة ليها السنة دى)
تعبت 3 مرات فى حوالى 4 شهور و كل مرة عبارة عن ارتفاع فى درجة الحرارة و التهاب فى اللوزتين و بعد ما تاخد مضاد حيوى بتخف.
السنة اللى فاتت قبل دخول المدرسة الكلام دة مكنش بيحصل خالص
هل المدرسة و الاختلاط السبب؟؟
وهل الموضوع ممكن يؤدى فى حالة التكرار لعملية اللوز؟؟
وهل فى طريقة لتجنب التهاب اللوز؟؟
خالص شكرى ,,
بنتى 5 سنين من ساعة ما دخلت المدرسة بتمرض كتير (اول سنة ليها السنة دى)
تعبت 3 مرات فى حوالى 4 شهور و كل مرة عبارة عن ارتفاع فى درجة الحرارة و التهاب فى اللوزتين و بعد ما تاخد مضاد حيوى بتخف.
السنة اللى فاتت قبل دخول المدرسة الكلام دة مكنش بيحصل خالص
هل المدرسة و الاختلاط السبب؟؟
وهل الموضوع ممكن يؤدى فى حالة التكرار لعملية اللوز؟؟
وهل فى طريقة لتجنب التهاب اللوز؟؟
خالص شكرى ,,
في الغالب بسبب الإختلاط فعلا
واللي بيحصل هو عدوى فيروسية متكررة لا تحتاج مضاد حيوي
عملية ازالة اللوزتين لو كانت تلتهب التهاب بكتيري بالمكور السبحي ( صديد على اللوز وارتفاع مستمر في درجة الحرارة ) اكثر من 5 مرات سنويا