لا يا خالد انا مش بصغر ف الفيت لا
بس انا بقول فرق السواقه
يعني صاج الاوبل غير صاج الكورسا!!
عموما شوف الموضو ع اللى عملته دلواقتي
عرض للطباعة
لا يا خالد انا مش بصغر ف الفيت لا
بس انا بقول فرق السواقه
يعني صاج الاوبل غير صاج الكورسا!!
عموما شوف الموضو ع اللى عملته دلواقتي
العربية زى الفل وجميلة وألمانى طبعا
بس السعر مبالغ فيه جدا
انا بصراحه بحترم الصناعه الالمانيه بس موصلتش لمرحلة اني اقدس اي حاجه المانيه وخصوصاً ان الكورسا تقريباً تعتبر اقل عربيه بتتصنع في المانيا
ثم اني بقول لحضرتك الاتنين نسخ من بعض بغض النظر عن البلد اللي هيا مصنوعه فيها ما هي الاسترا مكانتش الماني والناس بتقول عليها تحفه والاسكودا تشيكي والناس بتقول الماني وكذلك السيات............
انما معلش الكورسا في الاصل نسخه من الجراند بونتو مش العكس ومصنع فيات بيخرج احسن عربيات العالم وامتع عربيات ممكن تسوقها في حياتك (فيراري - مازيراتي - لانشيا -الفا روميو ) وكمان هما مخترعي الدوالوجيك يعني اصل الايزي ترونك
فمينفعش اقول اصل ديه احسن عشان الماني وايطالي والكلام ده والموضوع ده منتهي
احنا قدام عربيتين مصنوعين بنفس المقاسات والجوده وحتى المواتير قريبه من بعضها والفاير ميقلش حاجه عن الايكوتك من ناحية الهدف اللي اتصنعو عشانه وهو التوفير
فبصراحه مش فاهم ايه وجه متعة القياده ولا مقياسها ايه بالنسبه لحضرتك ؟
وهل الفرق يستاهل 50 الف!!
والله المفروض يا جماعة إن إحنا نبعت شكوى ل أوبل عن اللى بيحصل هنا من منصور
ده هبل والله يارب إرحمنا منه
كل الاحترام ليك باباشا
اولا
هنا مش المشكله ف السعر دلواقتب عشان اتضحت الصوره النهارده ف الموضو عاللى عملته من شويه بس انا قولت كا مجرب للعربيتين شوفت الكورسا اثبت منها حضرتك فاهم انسى موضوع تشابه المواصفات
ارجو ان تكون الصوره وضحت لحضرتك
وشكرا للمشاركاتك :satelite:
دا المفروض نعمله والله
تصدق لو احنا الاعضاء اللى فا المنتدي نوقف ف وشه ح نخرب ببت ابوه ونقفله تصدقه بس دي عايز ايد وحده نعمل اعتصام ف5 ستااار ههههه
هههههههههههههههههههههه كورسا ب 150 الف والله حاجة تضحك
ده انا قولت العربية دى اخرها 100000 لو عايز يبقى توكيل محترم وعاوز يحترم الناس وقلت يوم لما يغليها هيخليها ب 110 بالكتير اوى يقوم يخليها 150 الف ده على اساس ان اللى هيدفع ال 150 هيسيب عربية زى رينو ميجان الجديدة ولا هوندا سيفيك ولا تويوتا كورولا ولا سوباروا امبريزا ولا حتى استرا انجوى ويروح يجيب عربية هاتشباك حجمها صغير و 1400 سىسى ب 150 الف
والله حاجة تضحك
على فكرة بالمنظر ده منصور هيبيع منها كمية تتعد عالصوابع عشان اللي بيعملوا ده اسمه هبل بجد :beatdeadhorse5:
ع كدا انتا يا خالد خريج كليه منصور المهبب
150الف عفريت يركبوة
150 الف اية دة ....
لا لا ....
حد شاف العربية اللى معروضة الكبوت بتعها مقسوم ...تقريبا الكبوت اطبق و لازم حد كان بيحاول يقفلو و هو مسنود ...
تقريبا العربية معمولة من صفيح مقوى ....ههههههه
الجميل بقى ان الزجاج من ورا ....يدوى
150 الف و كمان الجمارك نزلت ....للدرجة دى الاستهزاء بالناس ....
معقولة
للاسف يا نجد اه ..
انا مواليد 91 ..
والدى اشترى فيكترا (اول اوبل يجيبها) سنه 1994...
و من يومها مفيش غير اوبل ..
و لما انا كبرت و جيت اجيب عربيه ..
جيبت اوبل ...
و بعت و جبت ايه ؟؟
اوبل
بس هبيع و اجيب ايه ؟؟
اكيد مش اوبل ...:shine[1]:هو انا لاقى صحتى ..
بجد الكبوت كان مطبق ..
ممكن حد وقع عليه ..
بس عشان منظلمش العربيه هى كعربيه ممتازه و الجوده فى الاوبل معروفه و اهم حاجه الصاج..
كل الموضوع ان السعر مبالغ فيه جدا جدا جدا ..
انا مستعد اشتريها ب 150 بس بشرط ..
و دى الحاجه الوحيده الى تخلى منصور يقنعنى انى اجيبها ب 150 ..
ينزلها بجناحين و تكون بتطير ...:verygood:
البنات بس اللى حتشتريها لان
1) شكلها حيعجبها
2) بابى حيدفع من غير ميعرف هى اصلا حتشترى اية
3) العربية petit و cute:makeup:
4) حتقول لصحابها دى 150 الف بس تصدقوا و كمان المانى !
5) غالبا حيشتروا اللون البرتقانى البناتيتى !
6) حتملاها دباديب و تخليها 127فيورا !!!!
هو منصور بيهبب ايه؟؟
معاه عربية من احسن شركات اوربا و الأنسينا الجديدة واخدة جوايز كتيرة و معاه كورسا و استرا الجديدة بيشكروا فيها في كل المواقع الأوربية و في الأخر مبهدلها البهدلة دي ولا اكنه معاه لادا
ليه الأستهبال دا في المبيعات مش عاجباه الماركة و شايف شيفروليه احسن منها يسيبها لحد بيفهم
قال ايه وبقولك 2010
ي هوا ميعرفش انه في ناس واكله الظلط وعارفين الحوارات دي باين ع حقيقتك يا منصور باااان
حضرتك مش ف المبيعاااات بس بكل حاجه اسمها اوبل
تعال شوف اوبل هنا وشوف اوبل مصر اختلاف كلي
والمشكله الكبري خلي الشعب كله يكره حاجه اسمها اوبل نش كجا ولا ايه
حضرتك ياباشا
السعر دا خارج مصر زي الاردن وفلسطين اوي اي بلد جماركها زب جمارك مصر
طبعا يختلف حسب الفئه
في عندك محرك بقوه 2000 سي سي تربو وفي كمان منها 1800 تربو
طبعا دا السبور opcوفي كمااان 1600 مانيوال و1800 سي سي اتوماتيك
وطبعا كل نوع يتميز بمواصفات معينه وانا ان شاء الله بجمع شويه معلومات عنها عشان اعمل تقرير شامل عن جميع فئات الاسنرا 2010
شكراااا
وع فكره يا جماعه في محركات نزلت للاسترا 2010 بقوه 2200 طبعا نوعه opc eco tec طبعا دا بحب التغير للحجم الاكبر زي الاسترا 2004 نزلو محركات بماتور 2200 وكماان الزفيراا
بصراحة الأسعار اللى بتقولها دى مش شرط تكون اسعار البيع برضه فى مصر
دا غير ان مصر مش حينزلها إلا الأسترا 1600 سى سى فقط
فأكيد أسعار الأسترا الجديدة مش حتوصل لـ 200 الف فى مصر
التقرير اللي حضرتك حطه ده من 3 سنين و 4 شهور.....!!!!!!!!!!!!!
الاسترا ال2010 دي افضل سايرة في فئتها في 2010 و حصلت علي 4 جوايز عالمية.......
شركة فولكس في مصر أفضل من اوبل.....
لكن بره مصر اوبل افضل من فولكس.....
و ده حوار تاني كبيييييييييييييييير هنا مش مكانه.....
و شكرا...!!!!!
الاسترا ال1600 دي في منها 180 حصان و 114 حصان.....
و السعر مش بس بالسي سي دي فيها امكانيات مش ممكن تتخيل اوبل كانت تعملها في سنة واحدة بس و فجاة....
شوف مواصفاتها و تعالي قولنا أيه رأيك....
يا باشا انا ماقلتش السعر بالسى سى
لكن برضه لازم سعرها يبقى ضمن فئتها اللى فى مصر
(رينو ميجان - فيات برافو - فولكس جولف - بيجو 308 و سيات ليون و فورد فوكس )
حط نفسك مكان اى واحد فى مصر حتشترى استرا بـ 230 الف و لا تجيب (باسات - أودى a3 - بى ام 116 - فورد مونديو - فولفو C30) مثلا
مع أحترامى مهما كان فيها امكانيات لو وصلت لـ 200 الف محدش حيشتريها فى مصر
نفس فكرة الأوبل كورسا اللى عمرها ما حتتباع فى مصر بـ 150 الف
شوف فئتها فى مصر بتتباع بكام
(سيات ايبيزا - فيات جراند بونتو - بيجو 207 - سكودا فابيا )
تدفع 150 الف فى كورسا و لا أركب الفئة الأعلى منها
(ميجان - فلوانس - ليون - برافو - فوكس - سيفيك - كرولا )
عشان بردو الناس تبقى عارفة ..
انا سألت الكانوا واقفين في المعرض .. قالوا الاسترا هتنزل بموتور 1600 .. 105 حصان !!!!!
معاك في حتة السع بس مش هينفع يعملو عربية بجودة خرافية و امكانيات خيالية بسعر رخيص عشان خاطر الجولف او غيرها سعرها مش فوق ال220 الف...!!!!!!!
الكلام عن الاسترا....
الكورسا فعلا سعرها مبالغ فيه جدا و انا من الناس اللي مش هشتري كورسا و لا هرشحها...... لحد ما تعفن عند منصور و يرخصها غصب عن بوزه.....
اللي في المعرض حمير..........
الاسترا ال1.6 115 حصان.....
و في منها تيربو 180 حصان.....
يأما هما هيحطو موتور قديم............
اكيد الاسعار دي ح تخلي الشعب ميبوصش عليها
عشان مصر سمعتها زي الزفت ودا سببه منصور
عكس هنا تماام توكيل محترم
ومفيش استغراب من قبل الجمهور ع اسعار الاسترا او الكورسا
او حى الانسينيا اللى سعرها نص مليون جنيه
وسوقهم اهو ماشي زالناس بتشتري دي و دي ودي ومبتقولش غالي السعر عشان هما عافرين يعني ايه اوبل
وليه لا ياباشا
ليه اوبل مش قادره تعمل عربيات زي البي ام ولا الاودي
معاك حق ف اللى بتقوله دا انه اوبل مش زي البي ام
عشان حضرتك مشوفتش اوبل عامله ازي بره مصر
شكرا لحضرتك
ايه اللي بتعمله في نفسك ده :36_7_4[1]:
طيب انت كدا هتلاحق علي ادوية ضغط وسكر ولا قطع غيار :beatdeadhorse5:
هههههههههه بعد الشر عنك طبعا
بس انا اصلا عمري مافكرت اني اجيب اوبل من كتر اللي الواحد بيسمعه عنها وحاليا كمان استحاله اجيب شيروليه لو حتي بتطير
ربنا ينتقم من اللي كان السبب بقي:ma:
منورنا ياباشا
ايوا طالما خضرتك موجود ف مصر فا ابعد عنه خااالص
الناس مبتقولش عليها اقل من بي ام او اودي لا
المهم عندها انها تركب عربيه حلوه ومحترمه
وتعتبر من المستوي الهاي هاي
وكل شركه ليها احترامها سواء كان اوبل ولا بي ام ولا مرسيدس
ومفيش حد بقول عليها حاجه وحشه
انا ماقولتش ان اوبل وحشة بالعكس ماركة محترمة
لكن هى اقل من مرسيدس و اودى و bmw
لإنها بتنافس فى فئة اقل منهم و دا لا يعيبها
والله فففاهم حضرتك
معروف انه البي ام والمرسيدس محترمين وكمان الاوبل محترمه زي ما حضرتك تحترم البي ام والناس هنا كمانن بتحترمهم
بس اوبل فيها حاجه مميزه انها بتوفرلك مواصفا تكنولوجييا عاليه بسعر معقول
يعني زي ما كدا بتقولك مش قارد تركب بي ام تعاله اركب اوبل تكنولوجيا معقوله وبسعر بسيط
يا باشا الاوبل دى انا واخدها وراثه من والدى ...
هو الى عودنى عليها بس الحق يتقال زمااااااااااان منصور ده كان كويس ..
اخر حاجه كان كويس فيها ايام الفيكترا ال 2001 و بعد كده ...:majd(4):
بس انا خلاص اتعملت بقى ...
الحمد لله انا امتلك (فى رايى)افضل عربيه اوبل فى مصر ...فيكترا 2008 و الحمد لله كامله فول اوبشن ...
دى هتكون اخر عربيه اوبل ..
بعد كده ..
ربنا يخلى باقى المنافسين الالمان ...:shine[1]:
يا باشا لو احسن و سعرها اعلي بره مش بتفرق معاهم سعر......
و لا اسم....
احنا هنا مش بنتكلم غير 3 حاجات...مرسيدس اودي بي أم....
و الباقي لا يرقي لهم و لا يصلح للمنافسة.....
بس ده غلط لأن بره نافسه و بلاش نقول مين اللي كسب.....
بس اكيد شفت المعرض كان كام واحد مذهول من الاسترا الجديدة.....
فين اللي بيقول كده؟؟؟؟؟؟؟
أصل يا باشا المقارنة دي اتعملت و ناقشنا فيها كتييييييييييييييييررررررر رررررر أوي......
و اللي اخوة يقولولك عملنا ايه عشان نخليهم يقطنعوا.....
و قالو لما اوبل تنزل حاجة نبقي نحكم......
و بالفعل اوبل نزلت الأسترا و العربية محدش يعرف يختلف فيها....و كفاية انها افضل سيارة في 2010 في فئتها.....
و بره مش بيبصوا للأسم زي هنا بره عندهم بي ام زي فولكس زي أوبل زي مرسيدس زي اأودي.....
كل واحد يركب اللي مريحه و اللي عاجبه.....
ردي في الموضوع ده.. العربية دي سعرها حاليا مبالغ فيه جدا.. لكن مش لدرجة ان سعرها يبقي 90 الف..
قارنها بالجين تو يعني اللي هي ماليزي مش الماني.. هتلاقي ان فيها تقريبا كل الحاجات.. من مواصفات امان و فرامل ايه بي اس. و إي بي دي.. و جنوط سبور.. 15 و موتور مش ضعيف.. ايكوتك.. حوالي 100 حصان او اقل حاجة بسيطة.. هتلاقي انها تكسب.. و تستاهل اكتر من ال90 الف مرتاحة.. لكن مش لدرجة 140 ولا 150 الف دي.ز انا اول واحد لما سمعت الرقم ده كنت هاشتم البنت المندوبة اللي واقفة اصلا.. بس قولت لنفسي وهي مالها العيب مش عليها..!!!
العربية لا غبار عليها من ناحية التكنولوجي و الامان.. و دول اهم حاجتين يعملوا فارق في سعر العربية في السوق.. + انها تقفيل الماني..