لو معاك 65 ألف تشرتي ايه (صني - لانسر 1300 - كرولا 2002)
باذن الله على نهاية الشهر اللي جاي ناوي اشتري عربية وانا راصد للموضوع ده 65.000 جنية وطبعا في الفترة دي الحيرة بتكون قاتلة انا حالياً بفاضل بالدرجة الأولى بين النيسان صني موديل 2006 أوتو ولو جت 2007 مش هقول لاء طبعا، أو لانسر 1300 أوتو أو مانوال على حسب المتاح موديل 2006 أو كورولا 2002 أوتو ولو ربنا سهل وجت 2003 يبقى تمام.
اما بالدرجة التانية عندي اختيارات كتير أبرزهم السيراتو الشكل اللي فات موديل 2006 أو النترا برضة الشكل اللي فات نفس الموديل تقريبا واللي بيخليهم يجوا في الدرجة التانية هو أنني بفضل الأوتو وبنسبة تتخطى الـ 90% هجيب أوتو ولما ركبت الالنترا موديل 2005 أوتو مكنتش مريحة زي الاختيارات اللي بالدرجة الأولى وكمان بيدخل الاختيار الأوبتر موديل 2006 أو 2007 (معنديش أي فكرة عن الأوتو بتعها ايه اخبارة من ناحية الاستجابة والسحب والعملية) وهل هي ناعمة بدرجة مرضية ولا ايه الأخبار وبرضة بفكر في اليارس بس اللي مخوفني منها موضوع الثبات لانها بجد لما جربتها حاسيت انها مش تمام على الطريق.
لو سمحتم اللي يشارك يبدي اسباب الاختيار
ملحوظة مهمه: عندي الأسباب اللي تمنعني من شراء سيارة زيرو بنفس القيمة.
شكرا ليكم وىسف على الاطالة والرغي الكتير
ممنوع استخدام اللون الأحمر فى الكتابه
حيث أنه مخصص للاداره والمشرفين فقط
مشرف الساحه
