الموضوع: مشكلة حصلت للسنتر بعد غسيل العربية في البنزينة والأبواب لا تفتح

اكيد دلوقتي مفيش مشكلة صح
لن الميه لما تنشف هترجع العربيه زي ما هيا

الا هيا نوعها ايه اصل الموضوع ده كان بيحصل معايا في النوبيرا لما اغسلها غسله محترمه
تيجي تقفل السنتر تلاقيه يروح فاتح تاني اكن في باب مفتوح

الحركه دى لسه حاصله معايا الاسبوع اللى فات ده لما غسلت العربيه فى البنزينه ومكنتش عارف اقفل الببان لان السرينه كانت بتشتغل كان فى باب لسه مفتوح بالاضافه ان السارينه كن صوتها مغير
بس .... وشلت كبل من البطاريه وقفلت العربيه بالمفتاح وعلى الصبح كنت الميه نشفت والميه رجعت لمجاريها

ألف شكر ليكم يا جماعة

نوع السيارة جولف 90

المشكلة إني شلت كابل البطارية ومفيش فايدة برضه

ودخلت من الشنطة ومش قادر بإيدي أفتح اللوك رغم إني فاصل كابل البطارية
والوقتي عدى يوم والمشكلة زي ما هي رغم إن المفروض العربية شبعت نشفان !!

هحاول أفك وحدة السنتر وأشوف هيحصل إيه

المشكلة إني مش عايز أشد اللوك بالبنسة عشان مكسروش

انا حصلت معايا برضه المشكله دي قبل كده وطلع في الاخر انا ميه دخلت من الباب وعملت قفله ضربت االكتاوت بتاع السنتر ...... شوف كهربائي نضيف وهيظبطلك الحوار ده علي طول مش حتاخد وقت

أولا أشكر كل الزملاء الذين شاركوني لحل هذه المشكلة
جزاكم الله خيراً


المهم أن الذي حصل كالآتي:
دخلت بعض المياه إلى كتاوت السنتر

السنتر علق على القفل يعني الأربع مكنات علقوا على القفل والكهرباء مستمرة في التوصيل على القفل
المهم الوضع فضل فترة طويلة حتى إحترقت الأربع مكنات


وكان الحل الوحيد هو سحب الأقفال بالبنسة (الزرادية) حتى نفتح الأبواب

وقام محل السجان بمصر الجديدة بتركيب طقم سنتر تيواني للأربعة أبواب ومعهم كتاوتهم

والسعر 190 جنيه (مئة وتسعون جنيهاً فقط لا غير) بضمان سنة

الحكاية دي حصلت معايا في الكابرس قبل كده لكن السنتر كان بتاع الفبركة وبالتالي لما بيعلق أكتر من نصف دقيقة مكن السنتر بيفصل ذاتيا لمدة دقيقة وهكذا

والتوصيات التى خرج بها المؤتمر . . أقصد الموضوع:
- عند غسيل السيارة وحدوث تعليق بالسنتر يتم فصل الكهرباء عنه فوراً وذلك بفصل الفيشة من كتاوت السنتر لمدة كافية لتجفيف السيارة (يوم ولا إتنين أو حسب تعرض السيارة للشمس ودرجة حرارة الجو)
- في حالة عدم معرفة مكان الكتاوت نقوم بفصل كابل البطارية


أشكركم وجزاكم الله خيراً