-
ابعد عن الصني التقفيل المصري بهدلها والله العظيم واحد صحبي جابها وبعد 3000 كيلو بس سير الدنمو وسير الباور اتقطعو منو قدام الشغل ومعرفش يروح بالعربيه وانا الي وصلتو :)
المهم بعدين عرف انهم اتقطعو لانهم كانو متركبين غلط
فلما يكون السير متركب غلط مابالك بالحجات التانيه بقى الاصعب شويه
-
شكرا ... شكرا لكل من شارك برأيه إبتداء من casperinoo إلى شايفني في الصني ونهاية بعم هيثم صاحب التوقيع السريوناتي الجميل بس لسه الموضوع ما رستش عليه وشكلي حاخد بكلام أبو عبدالله وكتر اليومين دول من الإستخارة وربنا يقدم إلي فيه الخير ... بس مش كل الناس قالت عن سبب إختيارها أنا بميل للسريون علشان شكلها عاجبني وأنا كمعماري بحترم الشكل الجميل جدا بس أنا لما طرحت الموضوع للسؤال كنت عاوز أسباب سواء كانت شكليه أو ميكانيكية أو حتى مادية أو غيره ... على فكرة أنا أخرت شرائي للسيارة سابقا بسبب الشكل الجمالي للسيارة وعلاقته بالماديات ... وألف ألف شكر يا رجاله
-
لو اسرة وبتسافر كتير هات صنى لو مشاوير فقط جوه القاهرة هات السيتى استبعد السيريون
-
أستاذ ايهاب بما انك معجب بشكل السيريون
وتصميمها
فأنت كده بتحسم الموضوع لصالحها
السيريون يتتميز انها معادلة بين السعر والأمكانيات والاداء
يعني :
1- عربيه سعرها 90 الف جنيه
2- فيها Abs , Ebd , Eps
3- اتنين اير باجز مع 4 نجوم في اختبارات التصادم الاوروبيه
4- سي دي اوديو مدمج في التابلوه
5- جنوط نيكل اصلي دايهاتسو
6- اسبويلر خلفي
7- 1500 سي سي 103 حصان يعني هتطير بالعربيه لو حبيت
8- استهلاك اقل في فئتها في البنزين وخصوصا المشاوير الطويله بتفرق جامد جدا
-
ليه ما فكرتش في الجين2 ؟؟
-
خلاص واضح من كلام حضرتك انك مقتنع بسيريون وانا شايفها جميلة جدا بس معرفش هل تستحمل عيلة ولا لأ يريت حد معاه سيريون 1500 الجديدة هوه اللى يفيدك
وفى اى حالة سواء سيريون او صنى او هوندا هتكسب التوكيل النضيف جداا
Content Relevant URLs by
vBSEO 3.6.0 PL2