عرض للطباعة
دلوقتي العربيه بتبرد بسرعه رهيبه
العربيه و هي بارده مبتلقطش ساعات من اول مره
العربيه و هي بارده بسمع صوت من تحت الكنبه الورانيه
العربيه بتاخد مده 7 دقايق مثلا عشان تسخن
يا تري الحاجات دي طبيعيه و لا ايه في مشاكل ؟
و يا ريت حد يقولي علي مواعيد الصيانه الدوريه
و شكرا مقدما علي الردود
ايه يا شباب !!!!!!!!!!!!!
10 مشاهدات طول اليوم و كمان و لا ربع تعليق حتي
فين جهابذه المنتدي ؟؟؟؟؟؟؟؟؟
نفس الموضوع عندى ومش عارف الحل ناس قالت بتاخد دقيقة او دقيقتين لكن بتاخد نفس المدة عندك معرفش ايه السبب
ياريت معلومات أكتر عن العربيه
عامله كام كيلو و موديل كام ومعاد أخر صيانه وايه اللى تم فيها و ....
العربيه لانوس مانيوال مو 99
شيك على الثرموستات ممكن تكون مش بتقفل
موضوع انها تسخن فى 7 دقايق دة طبيعى جدا ولو الثرموثتات فيها حاجة هتلاقى العربية بتسخن اوى وهية واقفة فى اشارة مثلا لائما بتبرد اوى وهية ماشية على طريق سريع والحرارة بتنزل للصفر
موضوع صوت من الكنبة الخلفية دة بتاع طلمبة البنزين والمفروض تسمعة وانت بتشغل الكونتاكت على وضع التشغيل بس ولما تدور ماتسمعوش وتسمعة فى كل مرة بتدور فيها العربية
وانها بتتاخر فى الدوارة ممكن يكون عند البوجيهات ضعفت غيرها لو بقالك كتير ماغيرتهاش ونظف معها فلتر البنزين وغير فلتر الهواء كل 30.000 الف كيلو ولو لقيتة اسود غيرة ماتنظفوش لكن لو لقيتة لونة الطبيعى نظفة بس
ميرسي يا باشا علي الرد المفيداقتباس:
المشاركة الأصلية كتبت بواسطة semsem kane
بس ياريت تقولي السيور بتتغير كل قد ايه هي و البوجيهات
البوجيهات بتتغير من 20000 الف الى 30000 الف حسب نوع البوجيهات وقوتها
عندك السيور سير دينامو سير باور سير كاتينة
اهمهم سير الكاتينة ودة بيختلف من سيارة لسيارة واللى عندك فى الدايو بيتغير كل 40000 الف كيلو بس انا افضل انة يتغير كل 30000 الف بحد اقصى 35000 الف دة اخرك
وباقى السيور من 40000 الى 50000 الف ماتزودش عن كدة