السلام عليكم ورحمه الله
طبعا ما شاء الله نعم الردود لاني بصراحة بحب الكلام المنطقي
بس قبل ما ابص علي الردود بصيت علي نتيجة الاسفتاء لقيت لانسر = 26 , كرولا = 8 , النترا = 8
واسمحولي بالرد :
انا جراي غصب عني مش علي طول بس لما بجري بشد بجد وغرز قطم وكدة يعني-والكرولا انا خفت منها علي 150 وكان الطريق فاضي من غير نقل ولا اتوبيس ولا هواء وما ادراكم ما الهواء علي الصحراوي-يعوم المرسيدس حتي
الواجا فعلا اعادة البيع مخوفاني-خاصة اني زي ما قال محمود شخصية ملولة بحب التغيير دايما يعني ممكن ازهق منها بسرعة :mrgreen:
بس ماعتقدش بعد المرة دي هايكون في مرة قريب عشان الحكومة مبيتة النية بجد علي عدم التغيير :oops:
الكرولا فعلا موتورها ال 1300 حسيتة زي 1600 تسارعها غير عادي وطبعا انا بتكلم عن المانيوال وعربيات لسه زيرو
بس ال ABS و اير باج وطارة جديدة سبور وشكل انسيابي وواطية وقطع غيار مرطرطة في كل حتة ووجود RPM كل دي حاجات مع السعر المنافس جدا لكل الاوبشن دي وعربية ياباني يخلو الكفة تميل للانسر مع نتيجة الاستفتاء الجميلة التي تنم عن حب يا رب يديمة عليا
انا فعلا لو بتكلم في 117 الف هاتكلم في مازدا 3 بس مع تخوف من سمارت كار وكمان قطع غيار مش منتشرة في الاستعمال او برة التوكيل واعادة بيع سيئة
عفشة وموتور الكرولا غير عاديين فعلا بس قدام كل السلبيات التانية بقيت متخوف وخاصة الثبات.
وبالنسبة لكلام سبعاوي انا لو كنت لقيت صني ياباني مانيوال 1600 كانت دخلت في حساباتي فورا لاني ليا تحفظات علي شكل التيدا مع كل الاحترام ليها
الاوبترا حاسسها من غير طعم وشامم فيها ريحة النوبيرا في كل حتة
اما عن العزيزة الالنترا اكتر حاجة مخوفاني منها وقوعي تحت طائلة المدعو غبوووووور الاغبر
وقطع الغيار الجديدة المرتفعة نسبيا وعدم انتشارها واعادة بيع منخفضة نتيجة وجهة نظر الشعب المصري ان فات الياباني ...
الاوكتافيا تقيلة جدا علي موتورها وانا كان معروض عليا واحدة من الشغل 2003 ماشية كيلو متر قليل صيانة توكيل باقل من 80 الف ومارضيتش اخدها عشان مش مقتنع بيها-وكانت اتوماتيك كمان
اما التريوس كانت ضمن اختياراتي فعلا بس مش مناسبة للجري خالص
والسوبارو عربية مش عائلية تماما غير انهيار سعرها بعد البيع واكيد كلكم فاكرين صاحب السوبارو واللي التجار عملو فيه
اما عن شريف يا حبيب قلبي اتفضل مفتاحها وما تغلاش عليك بس ابقي اتعطف علينا وشوفلنا سيات اروح بيها الشغل
بس تكون سيات توليدو ها ها ها :mrgreen: :mrgreen: :mrgreen:
اما عن نزول الشكل الجديد من الكرولا واللانسر ده لسه في شهر 9 او 10 عقبال ما يخلصوا حصتهم القديمة
ومتوقع الكرولا مش اقل من 125 عشان جشع الوكيل
واللانسر مش هايجي منها خليجي الا لما الوكيل يغطي طلباتة المحلية هناك
اقصد المصدرين من الخليج
ووقتها ربنا يكون فرجها بقرشين حلوين مع تصريح من الحكومة بالتغييير
بجد شاكر ليكم جميعا كل ردودكم الرائعة التي مست صميم قلبي
المشكلة بقي في حاجتين
اللانسر اللي فيها ايه بي اس واير باج لازم تكون اتومااتيك-يعني هيا اللي تسوقني :cry:
وايه رايكم في الالوان دي
احمر باكر نيكل-شامبين باكر نيكل-فيراني باكر نيكل
عذرا للاطالة
كريم منير