لو عاوز اشتري قطعة ارض تتبع جهاز مدينة 6 أكتوبر او الشيخ زايد اعمل ايه

السلام عليكم

معلش ياجماعة معنديش خبرة كافية فحبيت اسأل حبايبي في المنتدي
وكمان اتعلم منكم
عاوز اشتري قطعة ارض مساحة مناسبة لا تقل عن 200م بس اهم حاجه عندي ان احجز تبع جهاز مدينة اكتوبر او الشيخ زايد
فمش عارف ايه الاجراءات والاوراق المطلوبة واسعار المتر كام ومدة البناء قد ايه والرخصه بتصرف كام وتفاصيل عامه عنها
وكمان مش عارف هو في علاقة بين الاراضي التي تتبع القرعة وبين الاراضي الي تتبع الجهاز او يعني الجهاز مبقاش بيبع اراضي وبقي الي عاوز ارض لازم يقدم في القرعة
وياتري القرعة بتتعمل كل قد ايه والتقديم فين وفي شروط والاوراق المطلوبة

ياريت ياجماعة الي يعرف معلومة يشاركنا
وياريت كمان استاذ (أبو الوليد يساهم في الرد لما لديه من خبره في التعامل مع جهاز مدينة العبور)

والف شكر ليكم ياجماعة
واسف علي الاطالة

بالنسبة لنظام الحجز فالنظام ده اتلغي وبقي كل الأراضي دلوقتي تتباع بنظام القرعة بسبب زيادة الطلب علي الأراضي.....والنظامين كان بتقدمهم هيئة المجتمعات العمرانية متمثلة في جهاز المدينة يعني كله تبع الجهاز....ولكن الأثنين يختلفوا في التسعير لما تيجي تشتري من حد يعني اللى شاري من زمان بنظام الحجز بيبيع الأرض بالمتر واللى شاري بنظام القرعة بيبيع بالقطعة يعني يقولك الأرض ب100الف وعليها 100 اقساط مثلا....
الأوراق المطلوبة بتقدم بصورة بطاقتك وبطاقة زوجتك وبعد كده تحضر القرعة وانت ونصيبك ولك الحق في قطعة واحدة بأسمك مدي الحياة ومينفعش زوجتك تقدم بأسمها وانت مالك لأحد قطع الأراضي...سعر المتر هنا في العبور وصل في اخر قرعة الى 900ج يعني الهيئة اصبحت تبيع بسعر السوق بعد ما كان المتر بيتباع ب150 و200ج.....بالنسبة لمهلة البناء مافيش مهلة محددة وكل قرعة بيبقي ليها قانون غير قانون القرعة اللى قبلها ساعات بتبقي المهلة سنتين و ساعات3 وفي نهاية المهلة بيمدوا المهلة ل6شهور اضافية او اكثر....بالنسبة للرخصة بتجيب مهندس او مكتب هندسي هو اللى بيطلعلك الرخصة وانت بتختار نموذج البناء من الجهاز في السابق كان المكتب هو اللى بيعمل الرسومات والجهاز يوافق عليها...وايضا كانت الرخصة بتخلص في الجهاز علي طول....دلوقتي الرخصة بتروح الجهاز وبعد كده بتروح المجمعة العشرية وترجع تاني علي الجهاز الأجراءات دي بتاخد حوالى شهرين او اكثر بقليل كحد اقصي وبتتكلف في حدود 10-12 الف ج ...مواعيد القرعة ملهاش مواعيد علي حسب قرارات وزارة الأسكان وبتقدم في بنك الأسكان از الجهاز علي حسب قرارات هيئة المجتمعات العمرانية المتبعة عند اجراء القرعة.
واي خدمة يا رائد التخطيط العمراني الأصغر.:satelite:

اقتباس:

---

المشاركة الأصلية كتبت بواسطة ابو الوليد المصرى

بالنسبة لنظام الحجز فالنظام ده اتلغي وبقي كل الأراضي دلوقتي تتباع بنظام القرعة بسبب زيادة الطلب علي الأراضي.....والنظامين كان بتقدمهم هيئة المجتمعات العمرانية متمثلة في جهاز المدينة يعني كله تبع الجهاز....ولكن الأثنين يختلفوا في التسعير لما تيجي تشتري من حد يعني اللى شاري من زمان بنظام الحجز بيبيع الأرض بالمتر واللى شاري بنظام القرعة بيبيع بالقطعة يعني يقولك الأرض ب100الف وعليها 100 اقساط مثلا....
الأوراق المطلوبة بتقدم بصورة بطاقتك وبطاقة زوجتك وبعد كده تحضر القرعة وانت ونصيبك ولك الحق في قطعة واحدة بأسمك مدي الحياة ومينفعش زوجتك تقدم بأسمها وانت مالك لأحد قطع الأراضي...سعر المتر هنا في العبور وصل في اخر قرعة الى 900ج يعني الهيئة اصبحت تبيع بسعر السوق بعد ما كان المتر بيتباع ب150 و200ج.....بالنسبة لمهلة البناء مافيش مهلة محددة وكل قرعة بيبقي ليها قانون غير قانون القرعة اللى قبلها ساعات بتبقي المهلة سنتين و ساعات3 وفي نهاية المهلة بيمدوا المهلة ل6شهور اضافية او اكثر....بالنسبة للرخصة بتجيب مهندس او مكتب هندسي هو اللى بيطلعلك الرخصة وانت بتختار نموذج البناء من الجهاز في السابق كان المكتب هو اللى بيعمل الرسومات والجهاز يوافق عليها...وايضا كانت الرخصة بتخلص في الجهاز علي طول....دلوقتي الرخصة بتروح الجهاز وبعد كده بتروح المجمعة العشرية وترجع تاني علي الجهاز الأجراءات دي بتاخد حوالى شهرين او اكثر بقليل كحد اقصي وبتتكلف في حدود 10-12 الف ج ...مواعيد القرعة ملهاش مواعيد علي حسب قرارات وزارة الأسكان وبتقدم في بنك الأسكان از الجهاز علي حسب قرارات هيئة المجتمعات العمرانية المتبعة عند اجراء القرعة.
واي خدمة يا رائد التخطيط العمراني الأصغر.:satelite:

---

تسلم يا أستاذ أبو الوليد بجد
ربنا يباركلك وتساعدنا دايما
بس بصراحه لاني معنديش خبره
الكلام كان كله مفاجأه
زي السعر مثلا وكمان النظام كله علي بعضه معقد
وبعدين ضغط ايه
مهي معظمها اراضي متسقعه وجاهزه للبيع
مش عارف كده احساسي اني هعرف اجيب بقي صعب قوووي
بس ساعات بشوف اعلانات عن اراضي في اكتوبر مثلا باسعار اقل من دي بمراحل
وفي الشروق برضك
يعني 150 -200 جنيه المتر
فهل ده بيبقي نصب ولا اراضي خارج الكردون
لان مش فاهم وضع السوق كده

وتسلم تسلم بجد
وتسلم مره كمان علي التوقيع المتميز الي حضرتك حاطه

اقتباس:

---

المشاركة الأصلية كتبت بواسطة muhamado_sede_beah

تسلم يا أستاذ أبو الوليد بجد
ربنا يباركلك وتساعدنا دايما
بس بصراحه لاني معنديش خبره
الكلام كان كله مفاجأه
زي السعر مثلا وكمان النظام كله علي بعضه معقد
وبعدين ضغط ايه
مهي معظمها اراضي متسقعه وجاهزه للبيع
مش عارف كده احساسي اني هعرف اجيب بقي صعب قوووي
بس ساعات بشوف اعلانات عن اراضي في اكتوبر مثلا باسعار اقل من دي بمراحل
وفي الشروق برضك
يعني 150 -200 جنيه المتر
فهل ده بيبقي نصب ولا اراضي خارج الكردون
لان مش فاهم وضع السوق كده

وتسلم تسلم بجد
وتسلم مره كمان علي التوقيع المتميز الي حضرتك حاطه

---

اوعي تشتري من الأراضي دي وشوف الموضوع ده.تنويه هام جدا من جهاز تنمية مدينة العبور.
الناس اللى اشترت اراضي زي دي غير معترف بصفتهم ولا يعرفوا يسجلوا ارض ولا اي حاجة....عندنا هنا في العبور الجهاز بيتعامل مع ملاك الأرض الأساسيين اللى اشتروا من وزارة الزراعة والملاك باعوا للناس الأراضي علي انها ارض مباني وهي غير مرخصة لهذا الغرض وموال كده كبير متدخلش نفسك فيه.

اقتباس:

---

المشاركة الأصلية كتبت بواسطة ابو الوليد المصرى

اوعي تشتري من الأراضي دي وشوف الموضوع ده.تنويه هام جدا من جهاز تنمية مدينة العبور.
الناس اللى اشترت اراضي زي دي غير معترف بصفتهم ولا يعرفوا يسجلوا ارض ولا اي حاجة....عندنا هنا في العبور الجهاز بيتعامل مع ملاك الأرض الأساسيين اللى اشتروا من وزارة الزراعة والملاك باعوا للناس الأراضي علي انها ارض مباني وهي غير مرخصة لهذا الغرض وموال كده كبير متدخلش نفسك فيه.

---

وضحت الرؤية يافندم
ربنا يخليك علي توسعة البصر والبصيرة
وفعلا لاخاب من استشار

اقتباس:

---

المشاركة الأصلية كتبت بواسطة muhamado_sede_beah

وضحت الرؤية يافندم
ربنا يخليك علي توسعة البصر والبصيرة
وفعلا لاخاب من استشار

---

مش عايزك تستصعب موضوع شراء الأرض لأنه اسهل مايكون انت بس هتعيد ترتيب حساباتك وتشوف ايه اللى يناسبك ومتدورش علي احسن حاجة دايما لأنك هتتعب ومش هتلاقيها لكن شوف الأنسب ليك ايه وربنا يقدملك اللى فيه الخير.

اقتباس:

---

المشاركة الأصلية كتبت بواسطة ابو الوليد المصرى

مش عايزك تستصعب موضوع شراء الأرض لأنه اسهل مايكون انت بس هتعيد ترتيب حساباتك وتشوف ايه اللى يناسبك ومتدورش علي احسن حاجة دايما لأنك هتتعب ومش هتلاقيها لكن شوف الأنسب ليك ايه وربنا يقدملك اللى فيه الخير.

---

ربنا يخليك يابوالوليد
تسلملي
وفعلا الموضوع محتاج ترتيب حسابات شامل
وبعد كده الواحد يعيد التفكير
ومنتحرمش من مجهوداتك معانا