المشاركة الأصلية كتبت بواسطة tito29
مبروك مقدما بسسسسسسسسسسس:
خد بالك من فتيس البيجو ثم خد بالك كمان مرة من فتيس البيجو و علشان خاطري كمان مليون مرة أكشف علي فتيس البيجو.
و الأفضل من رأئي أنك تجيبها مانيوال منعا لأي مخاطرة.
الكلام ده مش كلام من الهوا. ده عن تجربة أليمة للغاية مع فتيس بيجو 406 موديل 2001
زميلي في العمل أشتراها مستعملة السنة الماضية و حالة السيارة أكثر من ممتازة و سعرها كان معقول (علي ما أعتقد كانت 71 ألف) و تم الكشف عليها في التوكيل و التقرير كان معقول للغاية و بعد ما أشتراها فقط 3 شهور و الفتيس عطل و أتكلف أصلاح أكثر من 5 ألاف جنيه و للأسف هذا الأصلاح لم يستمر أكثر من 6 شهور و الفتيس اللعين عطل مرة أخري
الفتيس الأيستراد نادر لما تلاقيه و حتسمع أسعار غريبة جدا من أول 8 ألاف و أنت طالع
عموما صاحبي ده محترم و صلح الفتيس مرة أخري بس بعدها باع السيارة و خسر فيها جامد و حاليا راكب تيوتا 2006 و أخر جمال معاه ربنا يحفظها له.