الموضوع: كوبري منشية الجمل

الكوبرى رائع فى الاسفلت والتخطيط والفواصل , شارع سكه الوايلى اللى تحت الكوبرى واللى واصل بين الوصله بتاعت كوبرى القبه وكوبرى منشيه الجمل مازال يحمل تلك الطباع المصريه الحقيره من بلاعات تم تعديلها بعد الاسفلت وحفر فى الدخلات الجانبيه اثر برده الحفر بعد انتهاء العمل من المرافق

شارع منشيه الجمل واقف كالعاده وبكل سعاده , انا من الزاويه لحد قاعه المؤتمرات دلوقتى بياخد معاى نصف ساعه

ال 7 دقايق دى تحصل لو انا كنت ماشى ورا موكب نظيف وهو بيفتح الكوبرى او وانا بشد مع فيرنا متهبطه الساعه 4 الفجر والامر لن يسلم من خبط عيلين بيعدوا الشارع فى منشيه الجمل اثر الزحام هناك , نفسى اجيب الاخ اللى قال 7 دقايق ده واقوله لو خدها من الخلفاوى لحد قاعه المؤتمرات فى نص ساعه ولا حتى ساعه الا ثلث اديله اللى هو عايزه

يظهر ان هو حسبها لو الشارع ماشى 60 مبيقفش وده فى محيط الزاويه والحدائق يعامل معامله العنقاء

المشاركة الأصلية كتبت بواسطة OlaOsman

طيب يعني انا في ميدان الخلفاوي مثلا و طلعت كوبري أبو وافية.. ايه اللي يحصل بأه بعد كده لحد ما أوصل لقاعة المؤتمرات؟

فى رحاب الميكروباصات فى شارع منشيه الجمل لحد مطلع الكوبرى الاول والحته دى لوحدها بتاخد من 10 دقايق لثلث ساعه حسب التساهيل وتوافق مواعيدك مع حمله اطلاق سراح الطلبه والموظفين , بعدين الكوبرى سلس ومن ثم شارع سكه الوايلى ماشى برده وبعدين مقص المنزل على كوبرى القبه ما بين اللى نازل من الشمال و عايز يروح المنزل اليمين واللى طالع من اليمين عايز يكمل شمال وطبعا من كتر ذوق الناس بيتعازموا على بعض والشارع بيقف

بعد كدا بقا الزحمه المعتاده عند معهد القوات المسلحه للغات

ده موضوع فيه تفاصيل الطريق لكل الاتجاهات

http://www.nilemotors.net/Nile/118554-a.html

مبروك عالكوبري يا جماعة رغم إنه مش هينفعني بنكلة :D بس و الله أهو أي حاجة تمشي الحال الواقف lol

المشاركة الأصلية كتبت بواسطة OlaOsman

يعني أقول لك ايه؟.. شوف يابني.. أنت رجلٌ.. و الرجال قليلُ

نحن فى الخدمه

المشاركة الأصلية كتبت بواسطة MoToRiZeR

مبروك عالكوبري يا جماعة رغم إنه مش هينفعني بنكلة :D بس و الله أهو أي حاجة تمشي الحال الواقف lol

والله يا محمود هو الكوبرى فكره شديده جدا بس مش بالمفهوم الدولى , لا بالمفهوم الزويجى الحوارانى

بمعنى ان وانت فى الشارع ده قبل الكوبرى كان بيبقى فى مشكله ان كل اللى واقف بيحب يستنصح ويدخل شوارع جانبيه وتلاقيه مقابلك بعدها بربع ساعه فى اخر الشارع اثر التخريم وحاطط بوز عربيته برا الشارع الجانبى ومش عارف ينضم للقطيع وموقف الدنيا , لكن فى حاله الكوبرى كل واحد هيترذع فى مكانه لحد ما الطريق يمشى او ينزل من فوق الكوبرى لو مستعجل ويبقى ريح واستريح