انا عاوز افهم من حضرتك حاجه و ياريت ترد بصراحه هو انت كل ما بتشوف عربيه عامله حادثه
تكون من اي نوع تاني هل بتدخل علي القسم الخاص بالعربيه و تكتب ان العربيه الفلانيه عملت
حادثه ولا مبتعملش كده و شكرا
انا عاوز افهم من حضرتك حاجه و ياريت ترد بصراحه هو انت كل ما بتشوف عربيه عامله حادثه
تكون من اي نوع تاني هل بتدخل علي القسم الخاص بالعربيه و تكتب ان العربيه الفلانيه عملت
حادثه ولا مبتعملش كده و شكرا
يعني انت عاوز ايه دلوقــت ؟
اي منتج جديد بينزل السوق لازم الناس تتطلع فيه القطط الفطسانه
و ربنا يخلف علي صاحب العربيه اللي عملت حادثه بالخير
ههههههههههههههه
يا باشا مش مستاهله كل ده انا شايف ان الكلام كتير اوى ومع كده العربية كل يوم بتزيد مبيعاتها وكل اللى راكبها مبسوط بيها
ولحد دلوقتى سألت ناس كتير معاها العربيه محدش شايف فيها عيب فنى مأثر عليها او على ادائها على الطريق بس انا برده مش خبير بس سوقتها اكتر من مره ومشفتش منها حاجه وحشه
وبعدين ما انا ابن خالتى كان لسه جايب النيو اكسنت وعمل بيها حادثه بعد ما كان بيشكر فيها لقيته بيتكلم عن الفرامل بتاعتها وحشه
عموما فى اى حادثة بيبقى فى معايير كتير للحكم
أنا عملت المشاركه دى علشان أثبت لكم إن الناس ماشيه فى الشارع تبص على الحوادث بطريقه غريبه جدا وخصوصا للعربيه دى مش عارف ليه وكإنها العربيه الوحيده إللى بتعمل حوادث مع إن العربيات كلها معرضه للموضوع ده
أنا متأكد إن الناس إللى عملت العربيه دى محترفين والعربيه ممتازه لكن قرائتى للمواضيع المشابهه خلتنى مش فاهم سبب الإهتمام الغريب بحوادثها
المفروض إن الحكم النهائى يكون من خلال إختبارات الأمان وليس حوادث شوارع مصر إللى أصلا مش محسوب ميولها ولا ليها أى مواصفات قياسيه أصلا وفيها سواقين ماشيين برخص طالعه بوسايط وما عندهومش إحترام لأى حاجه
حفر ومطبات تبوظ أى كاوتش وعفشه وسواقين ميكروباس وتاكسى فاكرين نفسهم فى الملاهى والناس عماله تصور الحوادث وماحدش كلف نفسه يصور عيوب الطرق وأخطاء السواقين
هو ده كل قصدى
لا حول ولا قوه الا بالله ,, اخر شيئ كنت ممكن اتوقعو
بتتقلب قلنا ماشي,, بتحدف شمال قلنا و مالو ,,, كراسي بتزيق و قلنا بكرا تليين ,,, ناشفه و قلنا حتطري مع الوقت
لكن توصل لدرجه انها كمان ممكن تتخبط في الباب
لا و فين ,,, علي الدائري
دا يا جماعه لا ممكن نسكت عليه ابدا ,, احنا نكلم التوكيل
مش كفايه ب 120 الف , لا و كمان ممكن تتخبط في الباب
اوحش حاجه ان التوكيل شال الزرار اللي بيخلي العربيه تنط
و اليد اللي بتخليها تطير
ارحمونا بقي بمواضيعكو دي ,,,, خنقتونا
يا جماعة انا كلمت الوكيل بخصوص مشكلة ان باب السيراتو ممكن يتخبط قالى هينزلو اوبشن جديد و هيركبو صاروخ فى الباب اى حاجة تيجى تخبط فيه سنسور يضرب اوتوماتيك صاروووووخ ارض جو للى يفكر يخبطه المشكلة ان السنسور بيشتغل على حجر جاف باتنين جنيه و مش موجود الا فى التوكيل و لازم يتغير كل 5 الاف صاروخ
بالراحه على الراجل
هو بس ماعرفش يعبر كويس
هوه بيتكلم عن كميه حوادث السيراتو الموجوده
و عايز يقول ان الموضوع بقى بيثير شكوك
سبحان الله هو انتم خلاص ماسكين الراجل تريئة لية
هو عمل اية عشان كل دا دا هو شاف حادثة ودخل يقول عليها عادى يعنى
فا طبعا لازم فريق الهجوم المضاد يطلع من مخبأه عشان يصد الهجوم دا
بجد والله فعلا الى انتم بتعملووة دا ........* اوى
ما انا كمان بشوف حوادث لسيراتو وشفت حادثتين ل لانسر فى الاوتوستراد داخلين فى بعض معاهم تاكس واتوبيس نصر الكبير كلهم داخلين فى بعض والناس طبعا كلها عارفة ان الانسر خفيفة جدا وفراميلها مش على نفس مستوى تجميع وسرعة العربية فا براحة يا ياشباب شوية وهتطلع عيوب السيراتو والى انتم عاملينة دا هينتهى بس لما الحرارة الى عندكم تنزل شوية
[warning]
يرجى الحرص فى اختيار كلماتك
________________
مشرف القسم [/warning]