تقييم اولى للاوبترا

**mina_ramsis** · 22-05-2007 07:08 AM

زرار الهولد بينقل لغاية الثالث حتى و لو انا ضغطت عليه و انا على الاول
يعنى لو انا ضغطت عليه و العربية على الاول ينقل لغاية التالت و لا يفضل على الاول ماينقلش خالص اصل فى المعرض هالولى و انا بستلمها ان زرار الهولد بثتبت العربية على السرعة اللى عليها و انا بضغط عليه
كمان فى نقطة هى العربية متلينة يعنى امشى براحتى و لا الين الاول معلش طولت عليك بس الصراحة انا خايف عليها فبمشى بالراحة خالص

**Migo123** · 22-05-2007 02:54 PM

الاستاذ عثمان هشام / طب يا راجل طالما معاك العربيه من سنه ما تخدمنا و تعرفنا تجربتك معاها من حيث الاداء والصيانه من حيث الاسعار ومستوى الخدمه لدى الوكيل وهل في حل في موضوع المساعدين الخلفيه دي (نفس العيب في الواجا والوكيل بيغيرهم في الضمان)
وشاكر جدا لاهتمامك .... هي اسعار المانيوال وكمالياتها ايه بالمناسبه؟؟!!!

**osman hisham** · 22-05-2007 03:17 PM

1- الهولد العربيه تنقل للتالت طلما ماشى على ال D حتى لو دست عليه قبل ما تتحرك أصل
2- العربيه فعلا فعلا متلينه
3- قطع الغيار سعرها فى حدود أسعار الألنترا يعنى الفانوس الأمامى 650 و الخلفى 450 و فيه فى شارع دمشق مصر الجديده حاجه صيبن 200 -150 بس ما أنصحكش
4- التوكيل ممتاز و خبرتهم كويسه
5- المساعدين هما كده مالهومش حل عايز أقول أنهم مش بايظين بس هما ناشفين و بيقولو ده أحين علشات الثبات
6- سعر المانويل أعتقد 87000 و هيه هيه الأوتوماتيك فى الكماليات .

**mina_ramsis** · 26-05-2007 11:08 PM

انا شدييت على العربية امبارح يا استاذ هشام و عملت كيك داون و لاحظت انها عملت الكيك داون عند 4000 ار بى ام و تقريبا طارت من على الارض يعنى اخدت من 90 ل 130 فى غمضة عين تقريبا و الصراحة خفت اكمل فخفيت رجلى بسرعة من على البنزين :D بس الصراحة لاحظت رعشة بسيطة فى الدريكسيون على سرعة ال 120 او اكتر و مابتظهرش فى اقل من كده

**osman hisham** · 27-05-2007 08:26 PM

فى صيانة ال1000 خليهم يشوفو ترصيص العجل لأن المشكله دى ما ظهرتش عندى
جرب تسوق عادى لغاية ما توصل لل140 و شوف برضه ممكن تكون أتهيالك من التوتر لان العربيه فعلا بتطير فى الكك دون
و شوف ثبات العربيه رائع على 150 أزاى
بس بلاش تهور طبعا دى تجارب لمره واحده بس

**mina_ramsis** · 27-05-2007 09:56 PM

ايه ده هو حضرتك روحت صيانة ال 1000 كيلو اصل انا سألتهم على صيانة ال 1000 قالولى مفيش صيانة لل 1000 كيلو و اول صيانة هى ال 5000 كيلو و اذا حضرتك روحت صيانة ال 1000 كيلو عملت ايه فى العربية يعنى غيرت زيت و لا ايه بالضبط معلش بقى اسئلتى كترت بس حضرتك هو الشخص الوحيد اللى اعرفه عنده اوبترا
بس بجد عاوزين منتدى خاص للشيفوليه هى يعنى واقعة من الاوفة و لا بنت البطة السوده :D

**osman hisham** · 27-05-2007 10:13 PM

أنا أسف كانت غلطه ال5000 و الله :( مافيش أى حاجه تتعمل كصيانه أو زيت قبل ال5000 كم
** هوه طبعا ياريت يكون فيه منتدى خاص بس أيام كونتاكت كان رووم الشيفروليه قليلة المشاركه جدا و ده يمكن علشان مفيش مشاكل

**الاسد المهاجر** · 18-12-2015 08:58 AM

المشاركة الأصلية كتبت بواسطة mina_ramsis

انا شدييت على العربية امبارح يا استاذ هشام و عملت كيك داون و لاحظت انها عملت الكيك داون عند 4000 ار بى ام و تقريبا طارت من على الارض يعنى اخدت من 90 ل 130 فى غمضة عين تقريبا و الصراحة خفت اكمل فخفيت رجلى بسرعة من على البنزين :d بس الصراحة لاحظت رعشة بسيطة فى الدريكسيون على سرعة ال 120 او اكتر و مابتظهرش فى اقل من كده

اهو بسبب زار الهولد فكرت في الاوبترا وبعد ما خلاص قررت اكتشفت انه في الاوتو بس وانا محبش غير المانيول وان شاء هجيب2007