العربيتين اسعارهم قريبة قوي من بعد ... فـرأيكم بقى انهي فيهم الأحسن ؟؟؟
عرض للطباعة
العربيتين اسعارهم قريبة قوي من بعد ... فـرأيكم بقى انهي فيهم الأحسن ؟؟؟
بص الكروز حلوة وتقدر تشوف تعليقات الملاك فى منتدى الشيفرولية اما الفلوانس محدش لسة جربها بس من شكلها هاتبقى عربية ناجحة جدااا ان شاء الله
بص يا باشا من الناحية العملية الرينو عفشة اعلى واقوى والخامات المستخدمة فيها افضل الموتور اقوى وانعم فى الصوت والتجهيزات الى فيها اكتر من الكروز والاداء اكثر رشاقة والصالون اوسع وقطع الغيار معمرة اكتر دى اهم الفروق بين السيارتين
انا اخترت الكروز لسبب واحد
ان العربيه الفلورنس دي لسه محدش حد رجله فيها اساسا
فمنعرفش ايه نظامها خالص
و لو قلبك جامد اشتريها و هي ان شاء الله عربيه كويسه
دي رينو يعني
انا اسف يا جماعة مع احترامى للكروز , اركنوا الكروز شوية وانزلوا اتفرجوا على الرينو الجديدة فلوانس
عربية مهالش حل خامات وتقفيل ووسع جوة وفى الشنطة وماتور تقفيله اكثر من رائع وشكل وحاجات كتيرة اوىىىىىىىىىىىىى انا لو معايا 130 الف اجيب الرينو وبعدين فيها فتحتين تكيف ورا كمان
لا بصراحة العربية مجرمةةةةةةةة ومالهاش حل روحوا شوفوها يا جماعة عربية اكثر من راقية بجد , اوعوا حد يقارن كورى بفرنساوى ,
والله عين العقل موضوع ان محدش يقارن كورى بفرنساوىاقتباس:
لا بصراحة العربية مجرمةةةةةةةة ومالهاش حل روحوا شوفوها يا جماعة عربية اكثر من راقية بجد , اوعوا حد يقارن كورى بفرنساوى ,
يعنى لو هتقارن دى ب دى ف بصارحه اخرك تقارن الشكل الخارجى فقط !!!
انا مش عارف ايه كروز اللى وصلها للاسعار الخياليه دى مع انها المفروض متعديش ال 85 الف من وجهه نظرى !!!!!
اخى الكريم
انا اللى كان قصدى من كلامى ان الفرنساوى يكسب طبعااااااا لان مفيش وجه مقارنة بين العربيتنين بصراحة لان الرينو الجديدة مالهاش حل وياريت الناس تلحق تتفرج عليها فى المعرض فعلا خطفت الناس والعين هناك
الرينو الجديدة شكل واداء وكله مالهاش حل
وفعلا الكروز شكل خارجى فقط وسعر غالى جدااااا
وسلملى على اسعار قطع غيار الرينووووووو اللى فى السماااااا السابعة !
بص يا فندم لو هنتكلم عن اسعار قطع الغيار الاصلية يبقى مفيش فارق وممكن تراجع دا مع التوكيلين بلتليفون ببساطة شديدة مع الفارق الشاسع فى الجودة والاداء لصالح رينو طبعآ لانها تخضع لمستويات الجودة الاوربية اما لو هنتكلم عن المقلدة والمضروبة فسلملى على الطرماى ....
الفلوونس ممتازه انا اتفرجت عليها
اى نعم هى عربيه جديده ومحدش جربها بس طبعا متوقع هاتبقى عامله ازاى
بس بشكل عام الرينو تفرق عن الكورى ان الصيانه لازم تبقى فى التوكيل واسعار قطع غيارها وصيانتها اغلى واعادة بيعها أضعف
اما بالنسبه للكروز فهى من أفضل العربيات الكورى ولكن سعرها مبالغ فيه شويه
لو عايز تعرف عنها اى معلومه تحت أمرك وممكن تسأل ملاكها فى قسم شيفروليه