السلام عليكم
المشكلة مش بس انك تنام
المشكلة التانية انك و انت عايز تنام و بتكافح النوم
بتبقي استجابتك اقل من الشخص اللي ظروفه طبيعيه
و ده مش حيكون كويس في لحظات الخطر و القرارات المصيرية و المفاجاءت
و ربنا يسلم طريقك
عرض للطباعة
السلام عليكم
المشكلة مش بس انك تنام
المشكلة التانية انك و انت عايز تنام و بتكافح النوم
بتبقي استجابتك اقل من الشخص اللي ظروفه طبيعيه
و ده مش حيكون كويس في لحظات الخطر و القرارات المصيرية و المفاجاءت
و ربنا يسلم طريقك
السلام عليكم جميعا
حمدا لله على السلامة أولا
حافظ على أذكار الصباح والمساء دائما
لا تقد سيارتك وأنت متعب مجهد
إذا كانت المسألة متكررة ممكن يكون لها سبب طبي، فالمعروف أن الأشخاص المصابين بالشخير وانقطاع النفس أثناء النوم يكون لديهم ميل للنوم في النهار، لذلك ينبغي استشارة طبيب متخصص
ربنا يسلمنا جميعا من كل مكروه
عمرى ما أنام وأنا سائق
وعمرى ما أنام وأنا قاعد جنب واحد سائق
والإخوة الزملاء اللي يحس إنه عايز ينام وهو سائق لازم يركن فوراً لأنها حالة خطر جداًاًاًاًاًاً
إنتحار
انا مشكلتي ان الطريق السريع باتساعه و قلة السيارات فيه بيعملي حالة من التنويم المغناطيسي علشان كده ما بحبش اسافر بالعربية
الحمد لله
عمرها ما حصلت معايا
ولو حصلت مع اى حد يركن فورا وبلاش الواحد يسوق وهوا عليه النوم
انا حصلي اكبر من كدا بكتير انا كنت راكب مكروباص قاعد جنب السواق واللة كل المكرباص نايم بما فيهم السواق وكل ما احس ان العربية عملت حركة غريبة اضرب السواق في جنبة بكوعي علشان يصحا وكان اصعب يوم في حياتي لاني انا كمان كنت عاوز انام بس لو نمت الكل هيموت
احنا مرة السواق نام بينا يمكن دقيقة كاملة على الطريق اللي بين شرم و نويبع
بس ربنا ستر (المدام لحقته و كانت هاتلطشله)
اولا حمد الله على سلامة جميع الاخوة .. اول ما تحس انك خلاص لا مفر من النوم تركن فورا فورا على جنب وتقفل السنتر لوك ويادوبك اتنين تلاتة مللى من القزاز تفتحهم طبعا علشان قطاع الطرق وخصوصا لو معاك عيالك وياريت لما تركن وتنام يكون فى مكان منور او جنب حد صاحى غفير مثلا او مدخل شركة ومش مهم تنام قد ايه المهم انك ترتاح وبعدين تكمل مشوارك وكل ما يغلبك النوم تنام على جنب .. النوم ارحم من لا قدر الله انك تلاقى نفسك داخل فى ترعة ولا جزيرة وربنا يسلم للجميع