ياجماعة مؤشر الحرارة عبارة عن لمبة تضيىء بالون الاحمر لما الحرارة تذيد
المفروض ان الطبيعى يكون المؤشر عبارة عن عداد وليس لمبة
اية الحل ياشباب
عرض للطباعة
ياجماعة مؤشر الحرارة عبارة عن لمبة تضيىء بالون الاحمر لما الحرارة تذيد
المفروض ان الطبيعى يكون المؤشر عبارة عن عداد وليس لمبة
اية الحل ياشباب
المؤشر اللي الي عباره عن عداد موجو في ال هاي لاين و ال sx
و كمان ديجيتال ,,, لكن باقي الموديلات مش موجود ,,, و في لمبه بتنور ازرق لما العربيه تكون بارده و تنور احمر لما تكون سخنه كتيير عن اللزوم و مش بتنور خالص لو الوضع طبيعي
'طيب اية الحل لو اعربية بدأت تسخن لازم استنى لما تولع و المؤشر الاحمر يشتغل هو دة كلام يا كيا
يا باش عمر العربيه ما هتوصل للمرحله دي علشان اللمبه تنور..!!!!
الحراره لو زادت ربع درجه سيليزيس مثلا عن الطبيعي اللمبه هتنور أحمر مباشرة...
بس انا مش عارف ليه كل الناس بقت مهتمه فجأه بموضوع الحراره ده, و لو زادت او نقصت!!!!
و ليه لمبه بس و مفيش عداد..!!!! عموما هو اتجاه عام في سيارات كتير مش بس كيا...
يا باشا انت راكب عربيه زيرو, يعني مش بالبساطه دي مياه التبريد هتختفي مثلا و العربيه هتسخن..!!!!
إلا لو خبط في حاجه جامد من تحت, و حصل كسر في الريداتير مثلا .... ساعتها تقلق و تهتم جدااا
ريح بالك من الموضوع ده خالص و استمتع بعربيتك يا باشا و ربنا يباركلك فيها...
على فكرة العربية الـ bmw عندى مفيش فيها عداد حرارة اصلا
ده الكلام المفيد
بس سؤال للبشمهندس محمد
لو حصل واللمبه اتحرقت يعرف منين
بالنسبه للمؤشر العادي لما بيعطل بنعرفه
انما لو اللمبه منورتش كده هايفتكر ان الموتو حرارته عاديه وهي اصلا تالفه
بس طبعا موضوع تلف اللمبه ده بعيد خالص واكيد عمرها طويل جدا لكن بنفترض انه حصل واتحرقت
كان واجب عليهم يعملوا لون كمان في اللمبه وده مش صعب خالص يعني مثلا
الموتور بارد اللمبه يكون لونها ازرق
ولما يوصل لدرجة الحراره الطبيعيه تنور اخضر ويفضل ثابت
واذا زادت الحراره عن الطبيعي تنور احمر
يا باشا والله الموضوع مش بالسهوله دي أبدااااا ان اللمبه تعطل او تتحرق او ماتنورش...
و لكن لو قلقان جدااا, عندك لمبة الـ(check Engine) و دي مش هتعطل هي كمان أكيييد...
زي ما قلت يا جماعه, ريحوا بالكوا تماما و استمتعوا بالعربيه و ربنا يباركلكوا فيها ان شاء الله...
افحص مياة الريداتير مرة كل اسبوع
او اللمبه اتعطلت مش حتنور ازرق
كل العربيات الجديده كده منهم التيدا و النيو اكسنت و الايلنترا الجديدة
فيه حاجة إفتكرتها
فى صور العربية بتاعة أستاذ غازى كان فيهم واحدة العربية دايرة و اللمبة الزرقة منورة و مكانها جنب اللمبة الحمرة
انا عندى مفبس اللمبة الزرقاء و لما سألتهم فى التوكيل قاللى إنها مش موجودة فى السيراتو
و سألت واحد صاحبى قاللى برضه مفيش عنده اللمبة دى
هل اللمبة الزرقاء دى كانت فترة و خلصت؟؟
اللمبه الزرقا فى الخليجى بس يا عمرو
فى بس حاجه عايز أقولها
العربيه دى مستورده
و طبعا بما ان مصر هى الدوله الوحيده فى المجره الى ملهاش أى مواصفات قياسيه لأى حاجه بتدخل حدودها
هتلاقى ان العربيه بدون مؤشر انالوج للحراره
زى ماهى فى كوريا
لأن الحراره هناك منخفضه نسبيا وقد تكون مشكله ارتفاع درجه حراره المحرك زياده عن اللزوم غير وارده بكثره نسبا الى دوله الحر فيها شديد زى عندنا
يعنى من الاخر هم مش محتاجين المؤشر الا فى الحالات الاكستريم زى الى ذكرها بشمهندس غازى ولذلك "استعاضوا :)" عنه بلمبه
هشرح موضوع اللمبه تاني علشان مايحصلش لبس.... الكلام يشمل الخليجي و الوكيل...
هي لمبه واحده بس في العربيه للحراره, بتنور أزرق لما تكون العربيه بارده
بتطفي لما توصل العربيه للحراره الطبيعيه و تفضل مطفيه....
تنور أحمر في حالة زيادة درجة الحراره عن الطبيعي (حتى لو ربع درجه سليزيس) فقط...
لكن مفيش لمبه حمرا و لمبه زرقاء, و اللي كانت عندي و في الصور دي لما العربيه كانت بارده (منوره ازرق)...
مظبوط كلامك
و انا معنديش مشكلة فى إنهم يحطوا عداد حرارة او يشيلوه
العربيات الجديدة الحمد لله مفيش فيها مشاكل الحرارة إلا فيما ندر
يعنى العربية السابقة كانت بيجو 206 و فى خلال 9 سنين مفيش ولا مرة الحرارة زادت الطبيعى مهما كانت الظروف
انا اللى لفت إنتباهى ان فيه عربية تانية يبقى فيها النور الأزرق و عربيات مفيهاش
طب يا جماعة انا ex خليجى و عندى لمبة واحدة بس و بتنور أحمر لمدة 3 ثوانى و تطفى بعد كدة
و بعرف إن العربية سخنت لما الأودوميتير ينزل لل 1000 لفة ... لو العربية باردة بيكون حوالى 1250 لفة أول ما بدورها
بس حكاية الأزرق و الأحمر دى غريبة أوى ... اشمعنى احنا معندناش أزرق و أحمر مع إننا خليجى ... بس على العموم انا واثق جدا فى اللمبة دى و بعدين ايه اللى يخليها لا قدر الله تعطل لو انا ببص على المية كل اسبوع
انا ex وكيل بس زى الراجل دا بالظبط ...اقتباس:
طب يا جماعة انا ex خليجى و عندى لمبة واحدة بس و بتنور أحمر لمدة 3 ثوانى و تطفى بعد كدة
و بعرف إن العربية سخنت لما الأودوميتير ينزل لل 1000 لفة ... لو العربية باردة بيكون حوالى 1250 لفة أول ما بدورها
بس حكاية الأزرق و الأحمر دى غريبة أوى ... اشمعنى احنا معندناش أزرق و أحمر مع إننا خليجى ... بس على العموم انا واثق جدا فى اللمبة دى و بعدين ايه اللى يخليها لا قدر الله تعطل لو انا ببص على المية كل اسبوع
مش عندى حاجة بتنور أزرق بس عندى لمبة حمرا بتنور أول العربية مدور بس.
جايز اللمبة دى كانت موجودة فى موديلات 2009 بس
و 2010 مفيش فيها اللمبة دى