الاخ الكريم العربيه دي اكثر من ممتازه انا كان معايا هي هي بس 2005اوتوماتيك
اولا الفتيس ده روعه روعه روعه وهو هو اللي نازل في السيمبول فتيس ملوش حل عربيه قمه الثبات علي الطريق انا مبجريش وانا مسافر بس مره قولت اجرب الزرار السبورت اللي في الفتيس جربته وجبت تقريبا 180 ولا كاني كنت علي 120 ثبات ماشاء الله .... نعومه شديده في الموتور اوبشن محترم قطع غيار معقوله جدا ولاتصدق اي حد يقولك قطع غيار غاليه وثانيا اصلا العربيه دي لو حالتها محترمه اصلا مبتعملش اعطال خالص وكله بامر الله شوف يا باشا انا بعشق العربيه دي لكن والله بعتها عشان اجيب الميجان لكن بكل امانه يحاسبني عليها ربنا توكل علي الله وهاتها وربنا يباركلك ولكن تاكد من الحاله لو العربيه سليمه توكل علي الله روح التوكيل واكشف عليها وحيطلعلك تقرير كامل بالحاله موتور وعفشه وميكانيكا ودهان وكله لو كله تمام توكل علي الله ...
صحيح بالنسبه للعفشه العربيه عفشه ممتازه جدا وعايز اقولك اقوي وانعم بمراحل من كل اللي بالك فيه زي العربيات الجديده اللي انتشرت بسرعه فبلدنا عشان شكلها حلو وجديد فقط ...
زي ما بقولك لو تاكدت من الحاله خدها بدون تفكير ولا خوف وربنا يكرمك ويباركلك ان شاء الله ولو اي سؤال تحت امرك
المفضلات