ياجماعه ياريت حد يفيدنى هل اشترى الليفان اللى شكل المينى ولا بلاش منها
ارجوكم عايز رد سريع
عرض للطباعة
ياجماعه ياريت حد يفيدنى هل اشترى الليفان اللى شكل المينى ولا بلاش منها
ارجوكم عايز رد سريع
صديقى السياره جميله وقطع الغيار موجوده
وانا عملت test للسياره وعفشتها جميله:S_thum1[1]:
ياجماعه العربيه دى عجبانى جدا بس خايف منها اوى
ارجو للى معاه السياره يفيدنى .او حتى اللى يعرف معلومات مؤكده عنها
جزاكم الله كل خير
انا ماشوفتش غير عربيتين بس فى الشارع
و اتفرجت عليها فى التوكيل بتاعها
شكلها مش حلو و دى اذواق طبعا
الخامات متوسطة لكن برضو مش عجبانى
العربية مدخلتش دماغى خالص بمعنى اصح
شوف حاجة تانية احسن و تكون معروفة شوية فى نفس السعر
او تزود شوية و تجيب لوجان
شوفتها راكنة فى الشارع جنب البيت
الشكل الخارجى حميل لانه نسخة كربون من مينى
لكن لما قربت منها لقيت جودة التقفيل مش قد كده من جوه و بره
هى تمنها كام؟ و كمالياتها ايه
هات جيلى باندا احسن وارخص عربيه من الكتاب
على فكره انا شفت واحده سايقه المينى ليفان على المحور والعربيه كانت صاروخ ما شاء الله وشكلى كدا هعملها واشتريها بس عايز حد يشجعنى بارائه
ابعد عن الصينى دة شكل وكماليات بس فى عربية فيها 2 ايرباج ومرايات كهرباء تكيف وسنتر زجاج كهرباء باور اى بى اس وكل دة ب55 الف
انت بتتكلم على فئه سعريه 50 الى 55 الف. انا شوفت الليفان و ركبتها, بتوع التوكيل ذوق و شكله كويس. العربيه من بره شكلها تحفه, هي هي الميني بس الفوانيس قدام متغيره, جرب تركبها من جوه . رأيي الشخصي الخامات الداخليه رخيصه و رديئه. في ملاحظات ليا في التقفيل (عيوب) العربيه جديده و قطع غيارها في التوكيل بس يعني لو قال تيل الفرامل ب 800 جنيه مش حتعرف تعمل حاجه غير انك تدفع! وخلي بالك عن خبره معظم مستوردين الصيني حتى المحترمين معاندهومش كل قطع الغيار لأنها عربيات جديده و مش مستهلكه يعني لو طلمبه بنزين ولا زيت واللا حساس عطل حتركن العربيه عندهم شهر واللا اتنين لحد ما يبعتوا يطلبوها و تيجي في الطلبيه الجايه و هنا في مصر مفيش احترام للبني ادم يعني مش حيقولولك حقك عليا عطلتك دي علينا ولا دي غلطتنا طب خد العربيه دي واللا دي مشي نفسك لحد ما نصلح عربيتك, انسى يا عمرو! رايي الشخصي هات كيا بيكانتو خليجي ب 56 الف او توكيل ب 60 الف باور و تكييف . او كمل و هات فيرنا او لوجان. لو معاك 50 الف مش اكتر و لازم زيرو ممكن تجيب سوزوكي التو