الموضوع: الشراء عن طريق الانترنت

المشاركة الأصلية كتبت بواسطة mtak

احمد باشا
انت فين من زمااااااااااان
انت بتشترى منين
و اذا كنت بتشترى من امازون
لى كذا سؤال
اولا انا معى فيزا نت بتاعة cib و جربت قبل كده و اشتريت بس من موقع مؤسسة و الحاجه جاتلى من امريكا فى 3 ايام
بس عن طريق امازون لقيت نفسى تايه
بمعنى
امازون بيبعت لحد فين
اصل فى ناس قالتلى لحد قرية البضائع و انت تروح تخلص
و ناس قالت لو كتب بتوصل الى المكتب البريد الرئيسى بمحافظتك و انت بتروح تستلم و تدفه الارضيه و ما شابه
فانا عايز اعرف امازون تحديدا بيوصل لحد فين

ثانيا
الشحن بتاع امازون بكام و بيوصل بعد اد ايه
انا عارف ان فى حوارات البحرى و طائرة و كله بتمنه
بس انا عايز اعرف من خلال تجربة واقعيه

يعنى لما اشتريت الكتاب من مؤسسة فى امريكا و عملت لايف شات معاهم قالوا ان الشحن 25% من القيمة المشتراة و الشحن عن طريق dhl ووصلنى بعد 3 ايام و لحد باب البيت بدون اى مصاريف اضافيه غير اللى دفعتها اون لاين
--
اعتذر للأطاله

باشا

انا باشتري من امازون بالكريدت كارد العادي جدا مش بتاع انترنت و لا بتاع

و باشحن يا اما على عنوان اصحابي في امريكا و يجيبوا معاهم الحاجة

أو على عنوان ارامكس بتاعي

و عمري ما رحت قرية البضائع

و ساعات لما باجيب الحاجة دايركت بتيجي عالبريد و بيجيبوا لي اخطار عالبيت اروح استلم بيه من المكتب و ادفع الجمرك و اللذي منه

المشاركة الأصلية كتبت بواسطة kareemhisham

انا ليا واحد صحبي عامل account مع aramex .. الاشتراك ب35 دولار ..

و بيديك عنوان لمكتب ارامكس في امريكا و انجلترا و بتبعت الحاجة على هناك و هما بيجيبوها ..

و بيقولولك على كل المصاريف و اسعارهم كويسة ..

و طالما الموقع معروف يبقى مفيش قلق خالص

انا مشترك من سنة 2000 و شغال بيه زي الفل

المشاركة الأصلية كتبت بواسطة hossaam

طيب اذا حبيت يتبعت لي المنتج على مكتب البريد
يبقى كل اللي محتاجه اني اكتب الرمز البريدي في بيانات الشراء؟؟
وبعدين امتى اعرف انه وصل الى المكتب؟؟
ويا ترى في المكتب ..بيطلبوا مصاريف؟؟ والامور بتبقى سلسة؟!

لا لازم تكتب كامل عنوانك

و ايوة فيه رسوم