ياشباب حد جرب يشتري منتج من الخارج عن طريق النت بالفيزا
ماهي الطريقة وهل هية امانة
عرض للطباعة
ياشباب حد جرب يشتري منتج من الخارج عن طريق النت بالفيزا
ماهي الطريقة وهل هية امانة
انا مشتري بلاوي زرقة من النت ...... طالما السايت موثوق فيه و معروف ما تخافش و طالما البنك بتاعك برضه كويس حتى لو اتسرقت هيرجع لك فلوسك
احمد باشا
انت فين من زمااااااااااان
انت بتشترى منين
و اذا كنت بتشترى من امازون
لى كذا سؤال
اولا انا معى فيزا نت بتاعة cib و جربت قبل كده و اشتريت بس من موقع مؤسسة و الحاجه جاتلى من امريكا فى 3 ايام
بس عن طريق امازون لقيت نفسى تايه
بمعنى
امازون بيبعت لحد فين
اصل فى ناس قالتلى لحد قرية البضائع و انت تروح تخلص
و ناس قالت لو كتب بتوصل الى المكتب البريد الرئيسى بمحافظتك و انت بتروح تستلم و تدفه الارضيه و ما شابه
فانا عايز اعرف امازون تحديدا بيوصل لحد فين
ثانيا
الشحن بتاع امازون بكام و بيوصل بعد اد ايه
انا عارف ان فى حوارات البحرى و طائرة و كله بتمنه
بس انا عايز اعرف من خلال تجربة واقعيه
يعنى لما اشتريت الكتاب من مؤسسة فى امريكا و عملت لايف شات معاهم قالوا ان الشحن 25% من القيمة المشتراة و الشحن عن طريق dhl ووصلنى بعد 3 ايام و لحد باب البيت بدون اى مصاريف اضافيه غير اللى دفعتها اون لاين
--
اعتذر للأطاله
معظم البنوك فيها فيزا خاصة للنت بتضع فيها مبلغ محدود وبتشترى عن طريقها فحتى لو اتسرق منها حاجة بتبقى بسيطة
داخل ارد واقولك اسال المهندس احمد كمال لقيته اول رد
بالتوفيق
طب يا جماعه حد يعرف ال ebay نظامه ايه؟؟
و هل لو اشتريت حاجه هاتوصل لحد البيت ولا لأ؟؟؟
و هل لو وصلت الجمارك فى مصر هاتحط فلوس اضافيه ولا لأ؟؟؟
رأيي بلاش خالص
انا ليا واحد صحبي عامل account مع aramex .. الاشتراك ب35 دولار ..
و بيديك عنوان لمكتب ارامكس في امريكا و انجلترا و بتبعت الحاجة على هناك و هما بيجيبوها ..
و بيقولولك على كل المصاريف و اسعارهم كويسة ..
و طالما الموقع معروف يبقى مفيش قلق خالص
شوف الموضوع ده و لو فى أسئلة أتفضل
ازاي اشتري اي حاجة من موقع زي ebay
طيب اذا حبيت يتبعت لي المنتج على مكتب البريد
يبقى كل اللي محتاجه اني اكتب الرمز البريدي في بيانات الشراء؟؟
وبعدين امتى اعرف انه وصل الى المكتب؟؟
ويا ترى في المكتب ..بيطلبوا مصاريف؟؟ والامور بتبقى سلسة؟!
متشكر جدا يا استاذ احمد
بس معلش سؤال اخير..
في خانة العنوان address..(في بيانات الشراء)
اكتب عنواني ولا عنوان مكتب البريد
ومتشكر مرة تانية
العفو
بتكتب عنوانك عادى يا باشا
الشحن العادى اللى بييجى عن طريق مكتب البريد بياخد من أسبوعين الى شهر
و المصاريف اللى دفعتها زيادة هى 80 جم فى مكتب البريد و مش فاكر بتوع أيه بالظبط......جايز جمارك و أرضية أو أرضية بس......علماً بأن السلعة كانت بحوالى 250 جم
باشا
انا باشتري من امازون بالكريدت كارد العادي جدا مش بتاع انترنت و لا بتاع
و باشحن يا اما على عنوان اصحابي في امريكا و يجيبوا معاهم الحاجة
أو على عنوان ارامكس بتاعي
و عمري ما رحت قرية البضائع
و ساعات لما باجيب الحاجة دايركت بتيجي عالبريد و بيجيبوا لي اخطار عالبيت اروح استلم بيه من المكتب و ادفع الجمرك و اللذي منه
انا مشترك من سنة 2000 و شغال بيه زي الفل
لا لازم تكتب كامل عنوانك
و ايوة فيه رسوم
طب لما اجي اشتري .. هل ممكن ادخل رقم credit card مختلف ولا لازم بتاع الشخص العمل الaccount ؟؟
و لما اعمل اوردر .. هل لازم ابلغ ارامكس الاول و اقولهم اني باعتلهم اوردر ولا هما بيشوفوا الاسم الجاي على الطرد ؟؟
و هل الحاجات المستخدمة من امازون بتبقى مضمونة ؟؟
مش لازم طبعا ....... الشراء حاجة و الشحن حاجة تانية
بيشوفوا الاسم و الرقم بتاع الميلبوكس
هما بيبيعوا الخدمة في كذا بلد عشان كده المشتركين في مصر بيبقى البوكس قبل رقمه CAI
يعني هيبقى مكتوب مثلا
Ahmad Kamal - CAI 12345
و بعدها عنوانهم
و ما بتبلغش و لا حاجة اللي بيوصل بيوصلوه
و فيه اونلاين اكونت تتابع بيه بوكسك فيه ايه و اتشحن امتى و بتاع
حسب التاجر اللي بيبيع
انا ما جبتش مستعمل غير كتب
و كانت موفرة لوووووووووووووووووووز
الكتاب بدولارين مثلا و هو جديد ب 30
و تلاقيه كبيره فيه شوية نوتس بالهايلايتر او بالرصاص
تحس انهم بيلبسوا جوانتي و يقلبوا الصفح بملقاط
يا جماعه
هل هناك من تجربة بعيدا عن ارامكس
لان من وجهة نظرى "و ارجو ان يتم تصحيحها اذا كانت خطأ"
التعامل مع ارامكس غير مجدى فى حالات الشراء المتباعده القليله
انما لو انت شغال شراء بمعدل علاى ده اوفرلك طبعا
و اضرب مثال لهذا
--
لو عايز اشترى كتاب ثمنه 30 دولار
----ارامكس ادفه الاول 35 دولار مرة واحده فى حياتى للاشتراك
هادفع 30 دولار ثمن الكتاب
و حوالى 2 دولار ضريبة داخليه لانه هايتشحن داخل امريكا
و الكتاب وزنه 0.9 كيلو
و الوزن بيحسب بعد التغليف
يعنى ممكن كله يعمل 1.1 كيلو
يبقى هاتدفع شحن عبارة عن
9.5 +6.5+6.5
لان التغليف دخلك فى شريحة تانيه
--
ما اريده هو تجربة واقعيه من امازون لانهم كاتبين على حسب ما فهمت ان شحن الكتب بحوالى 7 دولار
طبعا ده ابطأ شحن بس مش قضيه
فالتكلفه هنا مختلفه جدا
--
و طبعا اعرف ان فلوس اشتراك ارامكس سوف تتوزع على ما تشتريه علشان كده قولت انها غير مجدية للى عايز يشترى مرة او اتنين
ارجو التوضيح
بصراحة مجربتش غير أراميكس خدمة شوب آند شيب (اللي بتوفر عنوان في أمريكا وعنوان في إنجلترا)
وليا زملاء جربوا dhl في خدمة شبيهة لها وبيقولوا عليها أفضل من أراميكس بكتير
وبتوصل أسرع بكتير، وطبعاً أغلى بشكل ملحوظ
أراميكس بتوصل في خدمة شوب آند شيب في أقل من 10 ايام
ولو الشحن مباشر في 20-30 يوم
دي تجربتي الشخصية