اوبترا مستعملة بعد 40،000 كيلو
السلام عليكم،
انا تقريبا قريت كل المواضيع الخاصة بالاوبترا و لقيت ان معظم الناس اللى بتشكر فى العربية كانو جايبنها زيرو، و انا مقتنع بيها جدا بس معايا 70 الف بس و معنديش امكانية تقسيط فعايز اجيبها 2006 اوتوماتيك ماشية اقل من 50،000 كيلو بس خايف ان عيوب العربية بعد مشى 4 سنين تبتدى تظهر و صاحبها يبقى بيبعها عشان يريح دماغه وانا اللى اتدبس فى العيوب.. و لاحظت ان معظم الناس بتشتكى من العفشة وخصوصا المساعدين و تزييق و تقل فى علبة الدركسيون.. انا عايز نصيحة من اللى معاه اوبترا ماشية اكتر من 40،000 بس بيعملها صيانة فى مواعيدها و محافظ على العربية، ينصحنى اجيبها مستعملة و لا لأ؟ و مش بفكر اجيب زيرو لان مفيش فى الحدود دى عربية اوتوماتيك سيدان، الاوبشن التانى هيونداى الانترا 2004 - 2006
شكرا