حتى في العربيات الزيرو

**yahyanaabil** · 16-12-2007 02:09 PM

المشاركة الأصلية كتبت بواسطة ahmedfd

+1
العربيات اللي من التوكيل من غبور و بتتسلم في معرض عمارات العبور بتكون عاملة من 45 إلى 55 كم على العداد إللي هيا تقريباً المسافة من المخازن في أبورواش + تقريباً الإختبارات و التحميل على المركب في كوريا و التفريغ و النقل لحوش التخزين في ميناء إسكندرية في مصر، فأعتقد إنها فعلاً بتتنقل من إسكندرية على تريلات دورين.
لكن دة ميمنعش إن السواقين برضه ممكن يكونوا بيجروا في المسافات دي.

فعلا العربيات بتروح على تريلات انا لسه شايف شحنه ماتريكس وانا رايح العامريه

**محمدايهاب** · 16-12-2007 11:27 PM

دي قلة أدب من المعارض
فعلا التوكيل أحسن حل
أنا مرة شفت عربية جديدة معروضة في معرض محترم كانت العربية نازلة ألف لإنها كانت مخبوطة
ده الإحترام المعرض قرر يبيع العربية بعيبها بدل أما يرشها ( على ما اذكر كان مسعود في المعادي)

**NaderNabil** · 16-12-2007 11:45 PM

ناس قرايبي كانوا رايحين يخلصوا في لانسر من معرض مش عارف فين...فا أبنهم بالصدفة كان بتفرج علي فانوس الشبورة فا جه يدوس عليه بايده لقاه وقع لورا بالفبرة بتاعته و بانت أثار معجون و دهان وراها:s طبعا أخدوا فلوسهوم و يافكيك من المعرض ده

اشتري من التوكيل و ريح دماغاك و نام مطمن

**analyzer** · 17-12-2007 12:20 AM

على ما اتذكر ان كان فى واحد من الاخوه فى المنتدى اشتكى انه لما راح يستلم العربيه بتاعته من التوكيل وجدها مغيرة نصف امامى واثار الرش باين عليها .
وسلملى على التوكيل
هى خربانه خربانه توكيل او معرض لازم تكون حريص جدا فى الاستلام وتفحص كويس العربيه من الاكصدام للاكصدام .

**yasserayad** · 17-12-2007 01:45 AM

المشاركة الأصلية كتبت بواسطة memo_hefnawy

هدى أعصابك يا سبع مش كده :)

و بعدين إللى شارى من التوكيل بتاعه مباشرة بتكون مشحونه على عربيات نقل إللى بيسوقوها دى الخليجى أو اللى بتروح للموزعين و التجار

كلمة فى ودنك يا سبع الشعب ده فيه حد رباه على كده هو مكنش كده زمان طبعا إنت عارف الحد ده مين :) و خلينا ساكتين

:D:D:D:D
طب الحل ايه نبص عالكيلو متر قبل الاستلام ولا ايه

**ahmedsrs** · 17-12-2007 01:52 AM

احسن حل الواحد يجيب عربيه متمعجنة ومخبطة وموديل اوائل السبعينات عشان يبقى ضمن انها ملينة ومحدش دحك عليه

**tmz9111** · 17-12-2007 02:23 AM

أه ده بيحصل كثير جدا

**Tamer-Ezzat** · 17-12-2007 03:29 AM

بسم الله الرحمن الرحيم
ومن يتق الله يجعل له مخرجا ويرزقه من حيث لا يحتسب ...
صدق الله العظيم
لو انت مخلص فى شغلك وعمرك ما غشيت حد ..
عمر ما ربنا يخونك ... أو يخلى حد يغشك
حتى لو اتعرضت لغش حيبقى فى مصلحتك لانه تخليص ذنوب ...
سلمها لله ... رحم الله رجلا سمحا اذا باع واذا اشترى واذا أقتضى ....

المشكلة ان الواحد حاسس انه بيسكن مدينة ابناء دنجل ... حرامية × نصابين × كدابين
لازلت أتذكر دعوة جدتى - يرحمها الله -

"ربنا يكتبلك فى كل خطوة سلامة وينجيلك سكتك"

**hazem_khidr** · 17-12-2007 04:14 AM

كنت عند المتحده الموزع المعتمد لتويوتا في طنطا علشان كنت حاجز ياريس هناك و جالو 4 عربيات تلاته متباعين و الرابعه بتاعي بس قالي انها اتخبطط في المينا و مش حينفع ابيعهالك و اعجبت جدا بامانتهم

**Ahmed Anwer** · 17-12-2007 04:22 AM

واحد صاحبي عايش في المانيا ،،

و اشتغل في مصنع بي إم دبليو ،،

كان بيقوللي و العهدة عليه ، إن في المصنع لو عربية و هيا خارجة لأي سبب اتخدشت مثلآ ،،

بيرموا العربية بالكامل ،،

و العهدة علي الراوي ،،

لدرجة إني قعدت ااكد عليه كذا مرة ،، و قوله مش معقول ، ممكن يرجعوها تترش بس ،، ممكن كذا ،، ممكن كذا ،،،

و هوا يأكد كلامه

الموضوع: حتى في العربيات الزيرو

LinkBack

أدوات الموضوع

عرض

-

-

-

-

-

-

المواضيع المتشابهه

موضوع الفصال في اسعار العربيات الزيرو

تجار السيارات بيبيعوا العربيات الزيرو فى مواقع المستعمل

العربيات الزيرو غليت يا شعب

اللى عاوز سمكرى استاذ فى رد العربيات الزيرو على البارد

الكلمات الدلالية لهذا الموضوع

المفضلات

المفضلات

ضوابط المشاركة