حتى في العربيات الزيرو

**خالد** · 17-12-2007 11:10 AM

المشاركة الأصلية كتبت بواسطة t5554983

بسم الله الرحمن الرحيم
ومن يتق الله يجعل له مخرجا ويرزقه من حيث لا يحتسب ...
صدق الله العظيم
لو انت مخلص فى شغلك وعمرك ما غشيت حد ..
عمر ما ربنا يخونك ... أو يخلى حد يغشك
حتى لو اتعرضت لغش حيبقى فى مصلحتك لانه تخليص ذنوب ...
سلمها لله ... رحم الله رجلا سمحا اذا باع واذا اشترى واذا أقتضى ....

المشكلة ان الواحد حاسس انه بيسكن مدينة ابناء دنجل ... حرامية × نصابين × كدابين
لازلت أتذكر دعوة جدتى - يرحمها الله -

"ربنا يكتبلك فى كل خطوة سلامة وينجيلك سكتك"

+10000000000000000

**mada121977** · 17-12-2007 02:04 PM

انا لما كنت بدور على عربيه لانسر 1300 مانيوال ايام ما كنت بشترى كنت واخد معارض و توكيلات المتسوبيشى كعب داير و بالصدفه باكلم وكيل متسوبيشى فى المهندسين (لايف موتورز ) قلتله انا بدور على 1300 مانيوال قالى والله دا خلصانه من السوق و ممكن تقعد شهر ولا شهريين على بال الشحنه الجديده ما تيجى و سكت فجأه شويه وقالى بس انا عندى واحده كحلى شايلها للمعارف انا ماصدقت و قلتله خلاص احجزهالى و ان شاء الله اجيلك بكره اخلص فيها و بعدين كلمت صديق ليا عنده معرض فى مدينه نصر قلتله على الموضوع قالى طيب استنى وانا هاسالك و بعد 5 دقايق لقيته بيكلمنى و بيقولى العربيه اللى انتا عاوزها كانت عامله حادثه و مغيره ربع قدمانى فى التوكيل و كانت مع واحد شغال فى المعرض .... شوفتوا بقى الامانه و الاخلاق اللى عندنا !!!!

**CryptonX** · 17-12-2007 02:14 PM

انا لما اشتريت سيارتي السنة الي فاتت كانت عاملة 45 كم :) و الله اعلم عملتهم فين او ازاي ..

**hatem_badawe** · 21-12-2007 11:05 PM

المشاركة الأصلية كتبت بواسطة sab3aawy

انا بيتحرق دم أهلى لما بكون راجع من اسكندرية وألاقى عربيات ماتريكس وللا كورولا وللا إلانترا، بدون نمر وبتراب الشحن والسواقي طايرين بيها فوق ال160 كيلومتر فى الساعة، ماهى مش فلوس ابوهم وابو بلاش كتر منه والزبون المحسوك اللى عامل حسابه ياخد العربية يلينها 5000 كيلومتر على 80 العربية بتيجله موتورها متاكل من الحرق علية وهو جديد

وفى الآخر نقول ان بلاوينا كلها سببها الحكومة، ده شعب عايز حرقه اصلا

واللة شفتها بعيني في نص البلد مجموعة عربيات زيرو تويوتا افنسيس 10 مثلا تخيل كل خطوة بامريكاني
وكمان بيتحدوا بعض مين الي يطلع صوت اعلي بعت ما تفتح الاشارة