ارجوكم انقذونى من الحيرة

**salah000** · 24-01-2010 07:19 PM

ياريت حد يفيدنى تيجو 1600 مانوال ولا 2000 اوتوماتك

**tafa17** · 24-01-2010 10:58 PM

حسب البنزين بس انا سمعت ان الفرق مش كبير في استهلاك البنزين ما بين 1600 و 2000 سي سي
اصل انا بدور علي تيجو ومتابع بقالي فترة المواضيع بتاعتها بس اللي انا عارفه ان 1600 كلها مانيوال وال 2000 في منها مانيوال و اوتوماتيك
ياريت حد يكون جرب ويرد عليك وعليا برده

**romeo_6887** · 25-01-2010 02:24 AM

سحب ال 1600 مش قد كده علي كلام الناس
انا مجربتهاش الصراحه بس جربت ال 516
و هي اقل 90 كيلو في الوزن عن التيجو
و سحبها برضه مش قد كده
لازم تدي كل غيار حقه
فاعتقد ان سحب ال 1600 ممكن يكون كويس
بس تدي كل غيار حقه و يا رب اكون افدتكوا

**salah000** · 25-01-2010 12:35 PM

اية يا جماعة محدش عاوز يخدم نصيحة لوجة اللة

**market_profile** · 25-01-2010 01:07 PM

المشاركة الأصلية كتبت بواسطة salah000

اية يا جماعة محدش عاوز يخدم نصيحة لوجة اللة

الاتنين زي بعض في التقفيل و الشكل و الكماليات ما عدا الزجاج الفميه بس الاوتوماتيك موتور 2000 سي سي يعني استهلاك اعلى و كمان ترخيص اغلى و تمنها 105 الف لو معاك تمنها اوكي اكيد حلوه

ال 1600 مانيوال و جميع الكماليات و زجاج فاميه (خلفي و شنطه) بس ب 83 الف يعني فرق 22 الف جنيه عن التانيه و ترخيص اقل و استهلاك بنزين اقل لو شغاله معاك و مش حيفرق معاك المتور او الأوتوماتيك جيبها جميله جدا بالنسبه لسعرها

اتمنى اكون افدتك بحاجه

**said.d.y** · 25-01-2010 05:42 PM

السلام عليكم ورحمة اللة وبركاتة،،،،

اولاً/ لو جينا نقارن بين ال2000 سى سى وال1600 سى سى بصفة عامة وبدون الدخول فى التفاصيل، نقدر نقول:

انة من الطبيعى موتور 2000 سى سى لما يكون على نفس البودى وخصوصاً الوزن واحد تقريباً(الفرق فى الوزن الكلى للسيارة لايتعدى100كجم)، هيكون عزمة واداءة اشد(منطقى).
فية فرق فى الامكانيات (فتيس استريبترونيك/فتحة سقف/كاسيت بمواصفات اعلى/10 سى .دى.تشينشر) ـ وانا شفت ال2000 سى سى اوتوماتيك فى معرض فورميلا الاهرام وكانت معروضة مجهزة بزجاج فيمية كامل (عدا الزجاج الامامى فقط) وكمان عتب جانبى وامامى والصدامة الامامية، وسألت ممثل الشركة وقلى ان دة الامكانيات الجديدة وبنفس السعر105 الف جم.

وبالتالى فموضوع المقارنة يرجع لامكانيات وظروف البيشترى، من حيث الميزانية الحاطتها لسعر السيارة، ومدى حاجتة لسعة الموتور والاوتوماتيك (حسب استخدامة).
فمن البديهى لو تقدر تدفع اكتر هتحصل على امكانيات اعلى - والفرق فى السعر موش قليل(26.5% زيادة).
وعشان محيركش، انا مجرب ال2000 سى سى اوتوماتيك من يناير2009 - ولو كان فية وقتها ال1600 سى سى كنت جبتها ووفرت 25 الف جم(رأى الشخصى).
ملحوظة: لو عاوز تعرف الفرق بالتحديد ادخل على موقع
www.speranza-egypt.com
واطلب مقارنة ما بين العربيتن،