أنا معايا بيجو 405 وكنت عايز اركبلها زينون عشان نورها ضعيف قوي ... فـكنت عايز أعرف هو بيتكلف كام اللي هو بيبقى لونه أبيض تلجي كده ؟؟؟؟ :satelite:
عرض للطباعة
أنا معايا بيجو 405 وكنت عايز اركبلها زينون عشان نورها ضعيف قوي ... فـكنت عايز أعرف هو بيتكلف كام اللي هو بيبقى لونه أبيض تلجي كده ؟؟؟؟ :satelite:
متابع ياريت حد يحط قايمة بالانواع و الاسعار التقريبية
عشان فى ناس كتير عايزة تعرف الاسعار كام
أخر مرة سألت عليه كان ب 800 ج ال4800 كلفن اللى هو ابيض ثلجى فى توكيل hid الرحاب و عليه ضمان بس مش فاكر مدة الضمان، الكلام ده من كام شهر كده
طب و بقيت الانواع زى BOSC
وبرضة لو حبيت اخلى والدى يجبلى من السعودية اقلة يقلهم اية بالظبط؟
واية المواصفات عشان ماجبش حاجة عالفاضى :majd(4):
اللى أعرفه انو البوش الألمانى الأصلى موجود بس فى توكيل بى أو او مرسيدس و ده تمنه فى العالى أوى يتخطى ال8000. إنما كل اللى فى السوق صينى بغض النظر على مكتوب عليه
متهيألى الماركة المشهورة فى السعودية هى هلله ( بصراحة مش فاكر بتتكتب إزاى ) بس لازم تكون متأكد إنك تطلب نفس مقاس اللمبة اللى فى عربيتك و شوف هل فعلاً فرق السعر يستاهل
يعنى من توكيل الرحاب حتعرف لو مشكلة حصلت حتروح لمين و معاك ضمانك انما لو اشتريته من السعودية و وفرت فيه 500ج يبقى بستاهل.
أنا بصراحة معلوماتى عن أسعار الزينون مش كويسة اوى عشان انا مركبة من ييجى سنة كده
ألفكرة انى لو جبتة من هنا هدفع انا انما من هناك الحاج اللى هيدفع
انا لانسر كريستالة 99
نوع اللمض اية ؟
يبقى ربنا يخليلك الحاج بس قارن بين السعربن الأول و قدام انت ناوى تجيب حاجة نضيفة يبقى hid الرحاب انضف حاجة فى مصر و ممكن تسئل فى التلفون على الأسعار.
نوع اللمض ده على حسب موديل العربية فانا معنديش أى فكرة على اللانسر بس ممكن أى كهربائى يقولك أو ممكن يفكلك لمبة و حتلاقى مكتوب عليها عشان تبقى فعلاً ضامن ان ده بتاعت عربيتك أو ممكن تسئل فى قسم الميتسوبيتشى ممكن حد معاه نفس العربية يقولك.
و بالمناسبة السعر مش بيختلف أوى من لمبة للتانية عشان أصلاً اللى غالى فى الزينون هو الموديولاتور ( الجهاز اللى بيعلى الفولت اللى جاى من العربية عشان اللمبة). اللمبة لوحدها تعمل حوالى 90-110 جنيى على حسب صينى ولا حاجة تانية و معظم اللى فى السوق أصلاً صينى.
فممكن لحد ما تعرف نوع اللمض تسأل على السعر و تقرر انت حتجيب كام كلفن و حتجيب واطى بس ولا واطى و عالى ولا حتجيب للفوجات كمان و موضوع نوع اللمبة ده أسهل مما تتصور
بص لو ده صورة عربيتك http://carsattacks.com/car_images/Mi...6_05-11-54.jpgيبقى عندك النور الواطى و العالة لمبة واحدة فهل الكلام ده صحيح يعنى لما بتبص فى الفانوس بتلاقة لمبة واحدة موجودة و لما تييجى ترعش بتحس النور الواطى بيختفى. بص ده فانوس عربيتى و لو لمبتين بيبقى شكله كده. ده فانوس عربيتى بالزينون
ملف مرفق 8666
من اول 270 جنيه اللى هو الصينى وموجود عند محل جو
مشكور على مجهودك