عندي فردتين كاوتش عاوز اغيرهم في السيارة نصر 127 ........ فتنصحوني بنوع ايه ؟ والمقاس كام ؟ والسعر كام ؟
عرض للطباعة
عندي فردتين كاوتش عاوز اغيرهم في السيارة نصر 127 ........ فتنصحوني بنوع ايه ؟ والمقاس كام ؟ والسعر كام ؟
انا مفهمش في المقاسات
بس كل ما يكون الكاوتش عريض
كل ما يكون افضل
و خليك في بريدجستون او ماكسيس
ممكن تركب 135×80×13 وده الاصلى بتاعها
او تركب 155×70×13 وده عريض شوية
وارشحلك باريللى p 400 ب 260 جنيه الفرده الواحدة وابعد عن الجى تى والكومهو عشان جنابهم ضعيفة . وطبعاً البريد جيستون فوق الممتاز بس غالى .
اخويا شارى اول امس فردتين جى تى ب440جنيه لعربيته128
انا لما كانت معايا 127 غيرت الكاوتش بـ gt من أولاد الفيومي في ميدان الدقي و جبتهم نفس مقاس العربية و قعدوا معايا فترة كويسة لغاية ما بعت العربية ,
الفكرة إن الواحد مش بيبقى عايز يجيب نوع كاوتش غالي لأن العربية كلها بكام و لو جيت تبيعها بعد تغيير الكاوتش باحسن نوع فمش هيفرق كتير في سعرها .
انا شايف فيه ترشيحات كتيرة بالنسبة للgt فان شاء الله حاتوكل علي الله واشتريه في اقرب فرصة ....... شكرا لكم جميعا
اشترى دماغك و جيبك بالمرة وهات نسر من ش شمبليون
انا كنت بافكر في كده برضه بس حاقولك حاجة حتفاجئك ان الكاوتش النسر الدرجة الاولي اغلي من الكاوتش الgt ..... سالت امبارح في معرض شركة النقل والهندسة لقيت الفردة بتعمل 167 جنيه و عاوزه اطار داخلي بيعمل 50 جنيه ..... والاسعار دي كده من غير تركيب ولا بلف ولا ترصيص .... يعني الفردة ممكن تقف عليا باكتر من 230 جنيه !!