تصميم رياضى جذاب بيدل على حضارة البلد
وتطورها نحو المستهبل
ويعينى على الصبر
هما يوقفولهم الشارع علشان يمشوا صواريخ
واحنا يطلبونا بالصبر وفى التانى السلامة وارجع الى بيتك سلاما وبتاع
عرض للطباعة
تصميم رياضى جذاب بيدل على حضارة البلد
وتطورها نحو المستهبل
ويعينى على الصبر
هما يوقفولهم الشارع علشان يمشوا صواريخ
واحنا يطلبونا بالصبر وفى التانى السلامة وارجع الى بيتك سلاما وبتاع
بيتهيالى لو كانت ب4 عجلات كانت هاتبقي اظرف بكتيييييييييييير
دى طبعا بماتور متوسيكل صينى
انا مش فاهم ايه الهجوم الغريب ده..انتم متخيلين ان الصين فجأه لقيت نفسها بتصنع عربيات وبتصدر منها للدول التانيه ؟؟؟؟
اكيد مرت في وقت ما بالمرحله دي .وبعدين ده اول جيل منها وانا متقبل جداً انه يطلع بالشكل ده..المهم انهم يكملوا تطوير و ميتوقفوش عند الحد ده
ارجوكم يا جماعة بلاش الروح الإنهزامية دي..محدش قلكم تروحوا تشتروها ولكن الي بيوافق انه يشتري موتوسيكل ويركب عليه عيلته كلها اكيد حيوافق يشتري العربيات دي
وان كان كده ولا كده يحيشتري توتوك يأما موتوسيكل صيني يبقي الأحسن يشتري منتج محلي وكفايه بقي فلوسنا الي بتطلع بره البلد دي
ارجوكم سيبوا الناس تحاول و إلا عمرنا ما حنوصل لأي حاجه بالطريقة دي
لا حول ولا قوة الا بالله
علي فكره انا مش شايف انها كريهه جدا العربيه دي
بالعكس
دي مناسبه جدا للستات والاسر اللي دخلهم محدود ولو حد مشاويره محدوده وعنده اطفال
موفره جدا في البنزين
اكيد صيانتها علي قد تمنها
قسطها مش حيكون غالي
سواقتها مش حتكون صعبه علشان دورانها بعجله واحده حيكون ساهل
محدش حيقلق علي مراته او ابنه وهو سايقها لانها اخرها 60 كيلوا
فمفيش قلق من موضوع الجري
لو بصينالها من الجنب التاني بعيدا عن شكلها حنلاقيها كويسه جدا وتكاد تكون ممتازه
أؤيد كلام حضرتك ان مفيش دولة في يوم و ليلة تصنع منتجات عالية الجودة و المفروض نساند و نشجع التطور, بس هوا لازم حضرتك تشوف العربية, بمنتها الصراحة الرمسيس الي تم تصنيعها في مصر بردة من اكثر من 30 سنة و حتي الميكروباص الالترامكو يعتبروا منتج عالي الجودة مقارنة بهذا المنتج الذي لا يرقي ليكون للاستخدام الادمي, انا اعتراضي ان بمنتهي السهولة نقدر نصنع نفس السيارة بجودة تصلح للاستخدام الادمي.
مع انها تصميم هندي بس رأي ان فكرة تصنيعها في مصر فكرة ممتازة جدا بس كلمة كروتة دية شوية عليها.
يا سيدي ده الجيل الأول وايه المانع ان الأجيال القادمة تبقي احسن .انا لو من الشركة المصنعة اجمع كل الإنتقادات واحاول اتفاداها في الجيل الي بعده بس بشرط ان تكون إنتقادات حقيقية مش مجرد واحد يبص عليها ويقول يععععع وخلاص . وبعدين انا ملاحظ ان الكل اقتصر رأيه علي الشكل الخارجي ونسيين شكل التوكتوك الي بقي في كل حته و بقت الناس متقبلاه بشكل طبيعي .وبصراحه مبالغه غير مقبوله تاي بيقول ان التوكتوك انضف منه ...يعني يا جماعة نقول الي لينا و الي عالينا خصوصاً لو عرفنا ان فيه كباين تكتوك دلوقتي بتتعمل في دسوق عادي جداً
شكلها ظريف جدا كمقارنة بالتوكتوك او حتي مقارنة بعربية صغيرة و فكرة ممتازة بس كجودة رديئة جدا و لا تصلح للاستخدام الادمي و فعلا التوكتوك جودتة اعلي و العربية الرمسيس الي صنعناها من 30 سنة كانت فوق الممتازة كمقارنة. دة الباب الامامي بارز عن الرفرف حوالي 1.5 سم.
لازم تشوف العربية علشان تعرف اية المقصود؟
الحقيقه مش عارف ليه الهجوم الكاسح على العربيه دى ... هى لو تصنيع مصرى 100% تبقى حاجه كويسه جداً و بدايه مقبوله ... و بما إن سرعتها لا تتجاوز ال 60 كيلو فأعتقد إنها هتبقى عمليه جداً للسيدات (اللى بتودى أولادها المدرسه - أو بترح شغلها) ... بس هى كانت تبقى أظرف بكتير لو كانت ب 4 عجلات .... لكن كبدايه لا بأس بها .... و بعدين عايزين عربيه ب 17000 ألف تكون عامله إزاى يعنى