مصر تصنع سيارة بـ 17 ألف جنيه

على غرار طراز نانو الشهير الذي يعتبر أرخص سيارة في العالم، لفتت شركة إيجي تك للصناعات المتطورة أنظار الحاضرين في معرض فورمولا الأهرام، وقدمت سيارة جديدة بثلاث عجلات يبلغ سعرها 17 ألف جنيهًا مصريًا .

ولاقت السيارة الجديدة والتي تم طرحها بموديلين مختلفين وهما "ميكرو" و"مايسترو" إعجاب الجميع في المعرض، حيث التف حولها الزائرون وأخذوا يتفحصونها من الداخل والخارج كأنهم أمام سيارة جاجوار أو فيراري .

وتستطيع السيارة التي تم تزويدها بخمسة أبواب وفتحة سقف حمل أربعة أشخاص بالغين، بجانب قدرتها على تحقيق الأمان من خلال هيكلها الصلب الذي تم تصنيعه بالتعاون مع مصنع الطائرات في الهيئة العربية للتصنيع .

ويوجد في "ميكرو" و"مايسترو" العديد من المميزات مثل راديو كاسيت، وأحزمة أمان، وإشارات بالمرايات الخلفية، وفرامل هيدروليكية وقفل مركزي، بالإضافة إلى مؤشر لإظهار السرعة والحرارة وكمية الوقود، فضلا عن عداد رقمي خاص بتروس النقل .

ووفرت شركة "إيجي تك" للعملاء الاختيار بين عدة محركات وهي على النحو التالي 150 سي سي بقوة 11.7 حصان، 175 سي سي بقوة 13.1 حصان، 200 سي سي بقوة 13.7 حصان، 250 سي سي بقوة 15.3 حصان .

وتبلغ السرعة القصوى لجميع المحركات التي وفرتها الشركة للعملاء 60 كيلو متر في الساعة، وهى تعتمد على نظام الجر خلفي، ونظام التعليق المتصل، ويساعدها على ذلك وزنها الخفيف الذي يصل إلى 525 كجم .

يشار إلى أن شركة تاتا الهندية كانت قد طرحت خلال الفترة الماضية طراز "نانو" والذي يعتبر أرخص سيارة على مستوى العالم، حيث يتميز بصغر الحجم والاقتصاد في الوقود، فضلا عن منظره الجذاب الذي ينتمي لفئة الهاتشباك .

وصنعت "تاتا" طرازها "نانو" من الصاج لتحمل أقصى ظروف التشغيل، كما وضع في تصميم هيكل السيارة تفادي أضرار المطبات العشوائية، بالإضافة إلى إطارات حديثة معالجة ضد الثقوب .

وزودت تاتا طرازها بمحرك ثنائي الاسطوانات بقوة 33 حصانا سعة 623 سي سي، وهو قادر على بلوغ سرعة قصوى بمقدار 105 كيلومترات في الساعة، كما يوجد به فتحة سقف و"سبويلر" خلفي، بجانب فوانيس شبورة وجهاز كاسيت

لما يكون اخر انتاج مصر للسيارات السيارة دي انا ارجو ان ننسحب من سباق صناعة السيارات و بشدة حفاظا على ماء الوجه!!! انا شفت السيارة دي في المعرض و بصراحة التوك توك الهندي احلى منها بمراحل و انظف و اشيك و فنش ارقى و موتور انظف و اشد! الدهان بتاع البتاعة دي كان زي ميكون ادو عيل فرشة و قالولوا ادهن, و لما فتحت الباب لقيت القايم معدنوا مصبوب صبة بتفكرني ايام افلام العصور الوسطى لما كانوا بينفخوا في الحديد في الكير لحد ما يسيح و بعدين يصبوا في اسطمبة حجر و مين غير جلخ ولا دهان ولا تلميع. الصالون اديق من التوكتوك. الموتور سألتوا قاللي الموتور صيني يا افندم. الكاسيت من ابو 60 جنية اللي بيركبوا الصنايعية في العجلة بتاعة الورشه. العربية مش موزونه و هي واقفة ما بال لما تمشي على 40 او 60 كيلو! اخيرا العربية دي كان نزل زيها بالظبط صيني من كام سنة بس كانت روعة و جميلة جدا و موتور اكبر من 250 سي سي و كان تمنها 11000 مستوردة بالكامل و محدش رضي يشتريها .

وانا فعلا شوفتها فى المعرض وبصراحة متنفعش ببصلة العربية من الفيبر بخلاف كده اللى يشوف السقف من فوق حيلاقيه معرج مش مظبوط
والعربية او الشئ ده مش موزون خالص ...
بصراحة زعلت لما شوفتها جدا مش معقول احنا نعمل شىء بالسوء ده
احنا عندنا امكانيات وعقول تفوق الكلام الفارغ ده بمراحل...

وجهة نظري
هي زي التوكتك ولكن مقفلة عشان الشتاء.

اتمني راي الخبراء في تلك السيارة

اذا اصح هذا اللفظ عليها

لانها بثلاث عجل يعني زي التوكتوك
ولا اية

دى محاولة لمصرنا للدخول فى السوق و احنا مش بنصنعها عشان نبيعها لك احنا لينا اهداف تانية سيادتك متقدرش تفكر فيها كل اللى علقت عليه انها مش موزونة و السقف معرج طيب انته بصراحة مالك و مال السقف انته هتقعد علية ولا حاجة زى كدة مفيش عربية بتستعمل السقف فى حاجة تحتاج انه يكون معرج او مش معرج و الوزن بتاع العربية اللى بتتكلم عليه ابقى الاول شوف شارع فى مصر موزن من اوله لحد اخرة مفيهوش عالى وواطى و لا حفر و لا مطبات و لا بلاعات و لا مطبات صناعية و ابقى قولى الشارع دة موزون و مش هتبقى العربية موزونة فيه بل بالعكس عدم الوزن دة هوه اللى هيخليك تحس ان الشوارع اتوزنت و اتنته فى العربية و اهدافنا و طموحاتنا فى العربية دى اننا نصرف مكافات و حوافز و اضافى و ساعات عمل اضافية و غيره و مش مهم العربية تطلع ناجحة او قوية الموتور او تتباع و لا حتى ما تتباعش احنا بنعمل انتاج و و بنعمل حركة فى البلد و بنروح الشغل كل يوم و بنفطر الصبح و نشرب شاى و بنستعمل الموبايل و بنرجع البيت اخر اليوم و بناخذ مرتبات و مكافات و حوافز و اضافى و ساعات تشغيل و عمل اضافى و غيرة تقوم تقولى مش موزونه دى مش هية بس اللى مش موزونه و بعدين ايه يعنى انها ب ثلاث عجلات مش احسن ما نعملهالك بعجلة واحدة و انته يعنى كنت عايزها بكام عجلة عشان كنا نعملهالك عمولة زى ما سيادتك تحب كفاية كدة لو فرت انك اشتريتها و رحت بيها الشغل و ركنتها قدام باب الشغل و نزلوا زمايك و اتفرجوا عليها مش هيكون ليهم سيرة و لا حكاية طوال عمرك الوظيفى و حتى بعد ما تطلع المعاش غير العربية اللى سيادتك اشتريتها و ركنها قدام الشغل و يمكن كمان ياعم يصوروك بالموبايل و انته راكبها و كمان ممكن يعرضوا عليك يوسعوا شوية المكاتب اللى جنبك و تطلعها تركنها جنب مكتبك

اذا كان كلامى يزعل حد منى فمعلش دة بدل ما انفجر و ضغطى يعلى من اللى بيحصلaymanay32@yahoo.com

فشل ذرييييع لأ و السرعة القصوى 60 كم ده أنا لو قرصت على الأول هجيب ال 60 !!!

يا جماعه العربيه دى بالسعر ده ممكن تكون حلم لعيله أب و أم و أطفال بشوفهم على متوسيكل بما فيه من خطوره على الأطفال و الركاب عموما.
لكن طبعا مش ممكن تكون دى واجهه مصر فى عالم السيارات.

مالهاش لازمة نهائى بس ممكن تتباع بدل التوكتوك فى القرى والنجوع هيكون افضل من النوع المكشوف