احمد باشا منور ياعم ووحستنا جدا فينك من زماان
على فكره انا كمان بعمل كده كل فتره وخصوصا في الشتاء بروح دمياط الجديده لوحدي عندنا شقه هناك وهي بلد حلوه قوي بس فااااضيه موت وهاديه اووووووووي وبروح مع نفسي كده اقضي يومين وبيكونوا يومين دماغ
عرض للطباعة
احمد باشا منور ياعم ووحستنا جدا فينك من زماان
على فكره انا كمان بعمل كده كل فتره وخصوصا في الشتاء بروح دمياط الجديده لوحدي عندنا شقه هناك وهي بلد حلوه قوي بس فااااضيه موت وهاديه اووووووووي وبروح مع نفسي كده اقضي يومين وبيكونوا يومين دماغ
و الله يا بختك
انا نفسي انفرد بنفسي في الطبيعه
و ابعد عن القرف اللي احنا عايشين فيه
بس الحمد لله احسن من غيرنا
حوار جاااااامد موضوع العزله ده احلى حاجه بقاااااااالى سنين معملتهوش
بس فعلا بتراجع نفسك وبتفكر فى كل الى فات والى جاى
وقفه يعنى بس لابد منها
وعندك حق يا دكتور الواحد فاضله 3 او 4 سنين ويبدأ العد التنازلى
ياااااااااا احنا وصلنا لكده اننا بقينا بنعد فاضلنا اد ايه
مش نفكر حنعمل ايه
واللة الواحد عايز يعمل كدة ويجرب الاحسااس دة
بس انا مش بحب الوحدة
بافكر فييها كتيير وانا مش بحب كدة خاالص
شكلك فصلت من الدنيا خالص
كان بيجيلي فترات كتيرة بدخل فى المود دة لكن مع دوامة الحياة الواحد كان بيخرج منة ، خصوصا فى الفترات اللى بيبقي فيها لازم تاخد قرارت حاسمة فى حياتك
وانا فى أول العشرينات تقريبا كنت ببقى محتار الناس اللى فى أواخر العشرينات و أول التلاتينات إية احساسهم خصوصا اللى مستقبلهم ملوش ملامح وتحديدا اللى لسة متجوزوش
بس لما وصلت للمرحلة دي لاقيت ان الدنيا عادي والواحد بيتعود على الدوران فى الساقية وتدريجيا بيفقد الأحساس بكل حاجة من اللى كان بيفكر فيهم وفى نفس الوقت بيحن لأيام زمان .. مش أيام الطفولة بس لكن حتي القعاد مع الناس الكبار وسماع حكاويهم والدخول فى المود بتاع أيام زمان .. وحاجات تانية يمكن الواحد اما كان أصغر شوية مكانش بيستحملها وبيشوفها حاجة مملة
المرة الجاية جرب تعدي القناة بس من النفق مش عوم ، البحر الأحمر والصحرا والجبال والدنيا الفاضية حتى وانت ماشي فى الشارع .. دنيا تانية بجد
اممممممممممممممممم يبقى كان عندك حق لما قلتلى انك كنت فى سفرية محتاجها من زماااان المهم انك دلوقتى فكرت للمستقبل
دكتور احمد
ابعتللك تحية من ارض اليابان العظيمة وبحيك على الفكرة دى
كنت بعملها انا ومحمد رجب صاحبى فى جبال شرم ودهب بس الميزة لاكان فيه راديو ولاموبايل يعنى مقطوع عن العالم الخارجى بالكامل
كنت بشوف النجوم بشكل تانى
فعلا كان زهنى بيصفى بطريقة غريبة
ان شاء الله اعملها لما ارجع مصر
وبعدين انت محرمتش فى موضوع البندقية دى تانى?
حبيبي أوكتووو
ومهندس سمير
ووائل باشا
...............
انا بجد صفيت خالص لما عزلت نفسي عن المولد بتاع كل يوم في الشغل والناس والعربية والنواقص والفواتير والـ .................................
الواحد لما بيقعد كام يوم مع الطبيعه
بيتغير والله
وبجد كانت تجربه جامده
حمدلله على السلامة ياباشا ومعلش جات متاخره لانى ماكنتش بدخل المنتدى قبالى كام يوم وعلى فكره هقولك حاجة وماتزعلش منى موضوعك ده نكد عليا حسيستنى ان خلاص الدنيا ابتدات تهرب منى ويادوب الواحد بيعد فى النازل وجالى احساس غريب يعد ما قريت موضوعك حسيت فعلا بكابة شديدة (الصراحة مش عارف ليه) :H_angry[1]: اكن واحد رزعنى قلم وقالى فوق الحق اتجوز قبل ما شعرك يشيب واعمل اى حاجة عدلة فى دنيتك عشان يبقى عملت حاجة تستاهل فى دنيتك لان فعلا الايام بقت بتجرى بسرعة والواحد حاسس ان السنة بعد العشرين بتجرى زى الشهر ومش بيلحق يعمل فيها حاجة وعلى فكرة انا كنت مقرر اجل موضوع الجواز ده لبعد ال30 بس بقى مش هقولك حرقت الاعصاب الى بتحصلك من كل الى حوالك عشان اتجوز بدرى والموضوع يتفتح قدامك 20 مره فى اليوم وكل لما تزر حد يجبلك عروسة ولما تقابل حد يقولك انت ماخطبتش ليه ؟؟!! مع ان الواحد يا دوب25 بس كلامك فعلا صح والواحد كل لما يقرب من التلاتين بيحس ان قلبة بيتقبض مش عارف ليه!!يمكن يكون حب زائف للدنيا بس الواحد يخاف ياخد خطوة يرجع يقول ياريت الى ما جرى ما كان :khd: .
اسلام باشا
حمد الله ع السلامة
وحشتني وربنا
....
الموضوع بتاعي مش غرضي منه الكآبه..خاااااااالص
بس انا لحد وقت قريب كنت فاكر نفسي ( صغير )
بس انا فعلا مابقتش كده ..ودخلت ( غصب عني) للمرحله التاليه
الرجوله
بقيت راجل ولازم أشيل مسؤلياتها
هيا فعلا لازم تصدمنا اننا ندخل المرحله دي ..زي نفس الصدمه الي هتقابلنا لما تلاقي أول شعره بيضا وتبص في النتيجه وتحسب عمرك ..تلاقيك دخلت في الاربعينات
.
كلنا لها يا معلم
.عيش بقا وماتشلش في بالك