رأي الخاص اللي اتمني مش يزعل حد
اولا انا والله مصري :vctry:
يا جماعه انا ماليش في الكوره قوي بس لي علاقات مع ناس من جنسيات عربيه مختلفه وهم ساعدوني اني اخد فكره علي حكم كل العرب علي اللي حصل في ماتش الجزاير ومصر وخلوني اقولكم فكره مبسطه
1- واضح جدا ان في دول جنسيات عربيه كتير قوي بتكره مصر وده مش لشيئ فينا قوي رغم انه جزه من غلطنا بل غالبا لمشاكل نفسيه عندهم
2- بقالنا زمان قوي مدين الكوره المصريه اهميه قصوي في حيث ان الشعب جعان وطالع عينه وعنده حاجات اولي يهتم بها والغريب ان الحكومه كمان بتساير الشعب وعلي رأي الشاعر " اديني في الهايف احبك يا نننس " :B4_556: مع العلم انها دايما مزعله الشعب المصري ومحبطاه من ايام الصفر العظيم بتاع كاس العالم
3- مننكرشي ان المنتخب المصري له انجزاته علي المستوي الافريقي - بس نرجع نقول ده فريق مزجاتي - حبه فوق وحبه تحت علي رأي المطرب المبجل عدويه :36_1_34[1]:
4- اللي حصل في موضوع الجزاير غلطه مصريه يتحملها الحكومه والساسه والاعلام المصري وخلوني اقولكم اللي كان بيتقال علينا " المصريين طالعين يعيطوا في التلفزيون " في الوقت اللي الجزائرين جريوا علي الفيفا من ايام ماتشهم في القاهره وسعوا في معاقبه مصر
5 - خلينا نقول الجزائرين همج وبربر وكل حاجه بس برضه هم تصرفهم واعلامهم كان احسن مننا
6- بالنسبه لفريق الجزائر بامانه انا مش شوفتله ماتشات كتير بس انا شايف انه قدم ماتش امبارح جميل ويكفي انه فريق طول الماتش من اوله لاخره مستواه كويس وفي الطالع مش زينا اللعيبه زي ما يكونوا نازلين الملعب ضاربين ازازتين بيره وحبه فوق وحبه تحت برضه :36_1_34[1]:
7- احنا شعب عاطفي ومحترم ومتحضر وحضاره وقول من هنا لبكره بس للاسف شعب اعمي وبنحب نطبطب وعمرنا ما دورنا علي حقنا واضرب امثله كتيره قوي لا تعد ولا تحصي وبلاش اطول في الموضوع ده عشان ميقولوش بحرض علي انقلاب
انا ممكن اعدلكم لغايه 30 بس يفيد بايه ماهو كلامي لا راح يقدم او يأخر
انا بحب مصر اكتر من روحي بس زعلان معاها شويه وصعبانه علي وحرام يوصل بينا في كل المجالات والنشطات اننا نكون اقل من دول افريقيه كتير وبصوا واتفرجوا واحكموا بس اعملو ستوب لعاطفتكم شويه وفكروا بالعقل
احنا الفراعنه بناه الاهرام ابناء النيل يا فرحتي --- ومن ايام الاهرامات لحد دلوقتي مافيش حاجه نفتخر بها !!!
فعلا الحق والحق يقال احنا احسن العرب ولكن لما تجتمع كل العوامل مع بعضها " سلبيه - حكومه طارشه - كوسه - مصلحه - جشع - حريه مكزوبه - .................... الخ " نطلع احنا اسوأ العرب فقط لاننا رضينا بهذا الحال
انا حاسس اني مش هبات في بيتنا النهارده :B4_556:
بالنسبه للماتش - انا من اول البطوله بتمني اننا نقابل الجزائر ونلعب معاهم وندي فرصه لفريقنا يعمل حاجه بجد تحفظ ماء وجهه ووجهنا - الشعب العاطفي بتاعنا عايز حاجه زي دي ومستنيها
بس لو اتغلبو يا حلو لا قدر الله هتكون وكسه وفضيحه بجلاجل
وربنا يوفق فريقنا مع الكاميرون
يا ريت محدش يزعل مني دي في الاول والاخر وجهات نظر وكلنا بنحب مصر
د / خالد