-
تاكسى الساعة 5 الصبح ؟؟
يا جماعة انا مسافرة مع عائلتى كمان كام يوم ، المشكلة اننا لازم نكون فى المطار حوالى 5 الصبح
هل ممكن نتفق مع تاكسى العاصمة ( او الابيض او اى لون يعنى :ma:) يجى ياخدنا فى المعاد ده و لا هما مش بيشتغلو بدرى كده ؟
لو مينفعش ، ايه نظام اننا نروح بعربيتنا و نسيبها فى المطار ، هندفع كام فى اليوم و كده و ممكن نسيبها كام يوم ؟؟
و شكراااااااا:satelite:
-
تاكسي العاصمة هو اللي هينفعك
اتصل بيهم و حدد الميعاد قبلها بفترة و هيكون عندك في الميعاد بالظبط باذن الله
-
تاكسي العاصمه افضل طبعا
ولو سبت العربيه في المطار اليوم ب 75 جنيه تقريبا
ولو حضرتك محتاج تاكسي الابيض الجديد فا انا ممكن اظبطلك مع واحد ساكن جمبي هنا
-
المشكلة لو معاكو شنط او انتوا عدد اي تاكسي مش حينفعكوا
في شركة نقل سياحي اسمها مطار القاهرة عندها ميكروباصات
مكيفة تيجي تاخدك من البيت و تشيل كل الشنط
نمرتهم 19970 و المشوار من مصر الجديدة ب 40 ج
اعتقد دي تبقي مناسبة اكتر
و رجلة سعيدة ان شاء الله
-
اليوم كامل للملاكي أنتظار في المطار =20 جنيه وتقدري تسببيها حتي لو سنه بس المهم تحتفظي بالكارت الي بيدهولك وأنتي داخله المطار عشان ده الي هتحاسبي بيه وأنتي خارجه من المطار
-
الافضل تاكسى وتركنى عربيتك فى مكان امان
سيارات مطار القاهرة هتنفعك جدا لو معاكى شنط كتير لانهم عندهم عربيات هونداى h1
لو هتحجزى تاكسى العاصمة
اتصلى قبلها بكام يوم افضل علشان تضمنى تلاقى حجز
-
تاكسي العاصمة هو أفضل حل
بس تتصلي قبلها ب 6 ساعات على الأقل , و إطمني حاييجي قبل المعاد كمان
بس قوليلهم على عدد الشنط اللي معاكي عشان يبعتلك عربية كبيرة و لو شنطك كتير قوي ممكن يبعتلك عربيتين
-
اتصلي بتاكسي العاصمة
16516
قبلها بيوم على الأقل ..... و اتفقي معاهم
على فكرة فيه مشكلة في تاكسي العاصمة انه غاز ....... يعني الشنطة بخ (تنك الغاز)
فاحسبي عددكم كام و عدد الشنط كام و اطلبي تاكسيات على الأساس ده (يعني مثلا لو انتم 4 و معاكم شنطتين كبار تبقي محتاجة عربيتين)
و بلاش ركنة العربية مدة طويلة في المطار لأن ممكن جدا الونش يشيلها لو فيه شخصيات هامة مسافرة او جاية
-
و نصيحة تانية
انتي عايزة تبقي في المطار 5
لو مثلا المشوار من البيت للمطار نص ساعة
يعني عايزة التاكسي ييجي 4:30
لأ قولي له 4:00 أو حتى 4 الا ربع
عشان او اتاخر ما تقعديش انتي تحرقي في دمك على ما ييجي
-
Content Relevant URLs by
vBSEO 3.6.0 PL2