الف مبروك على البيع وعلى الشراء
يارايت تقيم سريع لل bmw
وربنا يباركلك فيها
موضوع غريب بتاع ال DSG
رقم العضوية : 9028
تاريخ التسجيل : 16Apr2008
المشاركات : 1,223
النوع : ذكر
الاقامة : cairo
السيارة: VW
السيارة[2]: BMW
دراجة بخارية: ء
الحالة :
الحمد لله ربنا وفقنى فى بيع الكورولا 2008 mmt بروفيشنال كانت ماشيه 50000 كم (كثير طبعا) والصدفه فى الموضوع انى كنت ناوى على البيع بس بعد الامتحانات ما تخلص وفى نهاية الاسبوع اللى فات فى نهاية الامتحانات واحد صاحبى كان بيقولى ان واحد قريبه بيدور على كورولا mmt مستعمله ومش لاقى خالص توقعت انه عاوز يجيب الادفانسيد الكامله ولكن اللى حصل ان طلع عاوز بروفيشنال ما تذيدش عن 100 الف جنيه (وتكون مش ماشيه كيلومترات كتير) هنا بقه رديت على صاحبى فى الحال وقولتله استنى ثوانى وعملت تليفون ورجعتله تانى وقولتله ان فيه واحده ماشيه 50000 الف وحالة زيرو وكل الصيانات فى التوكيل تتم بصوره منتظمه ما عدا 45 الف لم تتم والعربيه تعتبر زيرو قالى طب هى فين دى الحقنا بيها قولتله على عربيتى طبعا كلم قريبه واتفرج على العربيه وعجبته ولكن ال50000 الف كيلو صاحبى اقنعه انهم بسبب السفر الكتير (مع انى مش بسافر كتير اصلا الا كل شهر مره ولا حاجه) المهم تم الاتفاق على البيع بمبلغ 97 الف جنيه وانا اساسا شارى العربيه من سنه ونصف بحوالى 144 الف جنيه (اوفر برايس 6 الالف) والعربيه سعرها دلوقتى زيرو 120 الف (ده لو لقيتها) مع انى خسرت كتير فى العربيه بس ربنا بعدنى عن التجار اللى بيخلوا سعر العربيه فى الارض ويقولك ده ام فتيس مش كويس علشان جنوب افريقى مش فتيس يابانى!!!!!
بحثت عن الجيتا TSI ولكن للاسف ما لقتش الكامله منها ومستورد كبير للعربيات الخليجى قالى ممكن نجيبها بس 120 حصان وفيها كمان اوتوبارك بس هستنى حوالى شهرين وطبعا انا بعت العربيه ومش هينفع امشى من غير عربيه شهرين!!!!!!
لقيت التحفه جولف 6 tsi موتور dsg عربيه خرافه 160 حصان واللى خلانى فكرت فى الجيتا من الاول ان الجيتا حجم اكبر (انتم عارفين الشعب المصرى اللى انا واحد منهم يحب يركب عربيه طول بعرض ) ولما فكرت اكتر لقيت الجولف 6 صفقه اربح من الجيتا بكتير لعدة اسباب
1- انها لسه شكل جديد ........الجيتا الشكل الجديد هينزل فى نهاية العام
2- موتور 160 حصان يعنى صباح الجرى بعربيه فيها موتور 160 حصان ووزنها خفيف حوالى 1250 كجم
3- الجولف هيبقى عليها ضمان توكيل مش خليجى +المانى 100%
4- عربيه مميزه مش منتشره زى الجيتا وكمان سعر اعادة بيع اعلى من الجيتا (الجولف مع انها مش بتتباع كتير ولكنها مطلوبه فى المستعمل بشده)
المهم قلت اتوكل على الله يوم السبت انزل اشترى الجولف
دخلت على النت اعمل شيرش عنها وعن الموتور وال dsg اللى عامل ضجه كبيره بسبب سرعه وسلاسه النقل
والمفاجاه
http://www.audi-forums.com/vw-passat...sg-owners.html
ده منتدى اودى ملىء بمشاكل عديده لل dsg
وده فيديو اودى a3 2007 العربيه مش راضيه تاخد نقله وبص كدا على الشاشه اللى فيها النقلات بتنور ازاى
YouTube - '07 Audi A3 DSG Problem
وده فيديو تانى للباسات cc نفس المشكله
YouTube - Passat CC DSG Problem
طبعا بعد ما شفت المشاكل دى استغربت قوى مش ده الفتيس اللى كل الناس بتحلف بيه وفولكس نزلته فى كل الماركات التابعه ليها
وعرفت ان الميكانزم بتاعه معقد جد ا ممكن تتكون حالات فرديه طبعا(ولكن طبعا انا قولت ابعد عن الشر واغنيله)
طبعا ما فيش عربيه زيرو بالسعر ده او سعر قريب قدرت تملى عينى
جاءت مرحلة المستعمل واى مستعمل بيمر e90 رغم انى عارف ان الشكل الجديد قريب هينزل وان الفيس ليفت 2009 اسعاره فى حدود 275 الف
قولت اروح اشوف واحده 2008 يمكن الله اعلم الاقى واحده حالتها زيرو (خصوصا اننا 2010 يعنى 2008 تكون ماشيه قليل وكسر زيرو اعتقد صعب شويه)
ولحسن حظى قولت اروح اشوفلى واحده عند المنيب فى الميرغنى وانا رايح اركن العربيه فاجاه لقيت واحد معاه 320i بيركن عربيته اتاكدت بسرعه انها 2008 من فتحة السقف و i drive وجريت عليه وقولتله حضرتك بتبيع قالى اه 2008 عامله 28 الف كيلو فقط استعمال خفيف وحالتها تحفه
قولتله طب ممكن نطلع قدام شويه قبل ما حد من عند المنيب يشوفنا لانى انا جاد فى الشراء وبعدها ركنا عند كوستا اللى عند نادى هليوبوليس وبعد ما اتفرجت على العربيه وكله تمام قولتله ممكن نروح التوكيل نفحصها قالى انه عامل كشف على حسابه جاهز اهو اتفضل قولتله تمام بس نروح تانى نتاكد برضه لو مفيهاش مضايقه قالى اه طبعا براحتك لما لقيته واثق من نفسه ومش ممانع من الذهاب الى التوكيل قولته خلاص انا واثق من حضرتك قالى انا تحت امرك وكان السعر اللى طلبه 250 الف بس خلصنا العربيه على 244 الف بالعافيه وتم التسجيل بحمد لله تعالى وتحققت احدى الامانى التى كنت احلم بها وعاوز اقول ان العربيه متعتها فى القياده على الملفات والله حاجه روعه ما شاء الله ولا كان فيه ملف اصلا وعلى سرعات عاليه جدا ويا رب يبعد عنكم كلكم شر الطريق
ويارب كلكم ان شاء الله تركبوا العربيات اللى نفسكم فيها
تحياتى
م: احمد ابو سمره
[rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]
رقم العضوية : 24872
تاريخ التسجيل : 11Nov2008
المشاركات : 323
النوع : ذكر
الاقامة : NasrCity
السيارة: no
السيارة[2]: Toyota Yaris Auto F.O
دراجة بخارية: no
الحالة :
الف مبروك على البيع وعلى الشراء
يارايت تقيم سريع لل bmw
وربنا يباركلك فيها
موضوع غريب بتاع ال DSG
لااله الا أنت سبحانك إني كنت من الظالمينسبحان الله وبحمده سبحان الله العظيم[CENTER]
رقم العضوية : 13687
تاريخ التسجيل : 27Jun2008
المشاركات : 14,730
النوع : ذكر
الاقامة : Cairo - Doha
السيارة: Optra 2008 A/T
السيارة[2]: Kia Cerato K3 TopLine
دراجة بخارية: -
الحالة :
الف الف مبروك اقتنائك للتحفه Bmw
ربنا يباركلك فيها ويبعد عنك شرها
بس فعلا غريب حكاية ال DSG
يعنى تطلع من ال MMT تقع فى ال DSG :)
باهزر معاك
الف مبروك مره تانيه
[aldl]http://s17.postimg.org/ygne2hebj/F2000045710.jpg[/aldl]
رقم العضوية : 48080
تاريخ التسجيل : 28Sep2009
المشاركات : 3,879
النوع : ذكر
الاقامة : 6 اكتوبر
السيارة: مفيش
السيارة[2]: مرسيدس
دراجة بخارية: لا يوجد
الحالة :
ياريت تقييم للعربيه
سامح البقري
المحامي
رقم العضوية : 3178
تاريخ التسجيل : 13Nov2007
المشاركات : 513
النوع : ذكر
الاقامة : طنطا
السيارة: تويوتا كورولا mmt2008
السيارة[2]: اوبل قيكترا c2007
دراجة بخارية: لايوجد
الحالة :
بهنيك من كل قلبى على تحقيق امنيتك فى امتلاك البيمر وادعو لك بكل خير ان تعطى خيرها وتكفى شرها (مبنى للمجهول هههه هخهههه)
السعر مناسب للطرفين لكن لو العربية بحالة الزيرو يبقى مناسب لك اكتر وبص على الصفحة دى
ContactCars | السيارات المستعملة
فى انتظار تقييم سريع للعربية ويكون احترافى ومحايد زى ماتعودنا منك
خالص تحياتى
رقم العضوية : 37774
تاريخ التسجيل : 10Apr2009
المشاركات : 1,585
النوع : ذكر
الاقامة : عين شمس
السيارة: شيفورلية لانوس
السيارة[2]: 128 فيات
دراجة بخارية: no
الحالة :
مبروك ياباشا على bmw
وهى حبى الاول
حتة محترمة جداااااااا
رقم العضوية : 1912
تاريخ التسجيل : 26Aug2007
المشاركات : 469
النوع : ذكر
الاقامة : Cairo
السيارة: NA
السيارة[2]: Lanos
دراجة بخارية: NA
الحالة :
الف مبروك و ربنا يباركلك فيها.
فعلاً محدش يعرف الخير فين.
فى بلدى: إذا عُرف السبب لا بطل العجب!
رقم العضوية : 36480
تاريخ التسجيل : 26Mar2009
المشاركات : 3,597
النوع : ذكر
الاقامة : مدينة العبور(عروس المدن الجديدة)
السيارة: لانسر بومة 2007
السيارة[2]: كورولا 2008 mmt
دراجة بخارية: adidas
الحالة :
مبارك عليك السيارة يا ابو سمرة......طبعا لازم نسألك ونتعبك ونحرجك ...هل انت راضي عن الكورولا بعد استخدامها الفترة الماضية؟......بعد استخدامك للبي ام هل تؤيد مقولة اللى مركبش الماني مركبش عربيات؟؟
[sor2]http://profile.ak.fbcdn.net/hprofile-ak-snc4/274834_100000203787161_1334017_n.jpg[/sor2]
رقم العضوية : 17797
تاريخ التسجيل : 02Sep2008
المشاركات : 226
النوع : ذكر
الاقامة : AL-Haram
السيارة: N/A
السيارة[2]: Kia Cerato EX 2010
دراجة بخارية: N/A
الحالة :
ألف مليون مبروك على التحفة الألمانية ... ربنا يحفظهالك.
أوعدنا يا رب........
رقم العضوية : 143
تاريخ التسجيل : 24Apr2007
المشاركات : 17,378
النوع : ذكر
الاقامة : Nasr City
السيارة: Toyota Yaris 2007
السيارة[2]: Nissan Juke 2013
الحالة :
الف مبروك يا بوحميد على البى إم
ربنا يبارك لك فيها
و فى انتظار تقرير عنها
المفضلات