رجااااااااااااااااااااااا الة والله
رجااااااااااااااااااااااا الة والله
الضيف يبقي باحترامه وبيقولوا في المثل يا غريب كن اديب مش تبقي استفزازي
استفزوا الناس وانضربوا يبقي هما الغلطانين
المحترم على عيننا وراسنا اللى يستفزنا في بلدنا ياخد بالجزمة
يعني بقينا همج علشان ناس استفزتنا وضربناهم
طب لو المصريين في الجزائر هما اللى خرجوا يشجعوا ويحتفلوا بعد ماتش الكاميرون يا تري الجزائريين كانوا هايحتفلوا معاهم ولا هيضربوهم؟
الندالة والخسة انك تستفز ناس في بلدهم
واتحدي لو مصري واحد قدر يخرج للشوارع ويحتفل في الجزائر زي ما هما عملوا
ولو واحد مصري اتجرا وعملها اكيد اخد علقة اشد من اللى هما اخدوها
والضيف يا اما يقعد باحترامه يا اما يغور في داهية
ويعني هو انت شفت مصري واحد احتفل في الجزائر بعد ماتش الكاميرون ولا حتي قدر يفكر يحتفل ؟
الدين والاخلاق كان المفروض يتعلموه
والمسلم والمسيحي يجيوا مصر ضيوف باحترامهم يقلوا ادبهم ياخدوا على دماغهم
وبلاش اي حد يخالف التاني في الراي يتهم التانى انه خارج عن الدين وتعاليم الرسول
ولو انا موجود وانت دافعت عنهم لدرجة انك تموت دفاعا عن ناس بتستفزنا في وسط بلبدنا يبقي متزعلش مني تستاهل الموت
يا تري فيه حد منهم دافع عن المصريين هناك لدرجة الموت ؟
ويا تري التصرف بعقل من وجهة نظر سيادتك انهم يستزونا ونصقف لهم ولا ايه ؟
يا ريت بلاش حضرتك تخلط الامور
لو تفتكر انت نفسك عملت موضوع ايام ماتش الجزاير وكنت مرعوب على والدك وقلت ان واحد زميله مريض ومش عارفين ينقلوه المستشفي وكنت بتسئل يتعالج ازاي انت او حد تانى هنا في الموقع
هل هي دي اخلاق الاسلام اللى بتقول عليها ان المسلمين ميعرفوش يتعالجوا علشان ماتش كورة
او انهم يتحجزوا في مخيمات علشان ماتش كورة؟
وقياساتك كلها غلط يا باشمهندس
بتقيس ماتش الاهلى والزمالك على ماتش السودان وده قياس غير صحيح لان الاهلى والزمالك مجريوش ورا بعض بالسكاكين ولا طلعوا اشاعات القتلى في القاهرة ولا بعتوا عسكار السودان
والقياس التانى بردو غلط بلاش خلط الاوراق مشاكلنا الداخلية ايه العلاقة بينها وبين ماتش الجزائر ؟
اتمني كلامي ميضايقش اي حد من اللى رديت عليهم
اولا الحمد لله لاانا ولا والدى بنشجع كرة حتى لو كان المنتخب
بصراحة مش عارف اية اللى ممكن يحصل لو حد مصري خرج هناك بس فى بعض الجزائرين هناك فرحانين بفوز مصر وجم هنوهم علية بس اكيد لو كان حد هيص او فرح كانوا ممكن يضربوا
على العموم هسأل واقولك برضة
وهنوافيكم باخر الاخبار الصحيحة من الجزائر نفسها
فعلا يا دكتور انا كنت عامل موضوع وزى ماقلت قبل كدة انهم رفضوا يعالجوا الراجل ودة لان البلد كانت مشحونة جدا واعتقد فى الوقت دة مكنش حد طايق التانى واعتقد المعاملة هتبقى بالمثل لواحد جزائرى كان هو اللى بيتعالج
وكنت فعلا مرعوب جدا لان التليفزيون والناس كان مصورة الاوضاع بطريقة غلط جدا
زى احتجازهم كرهائن والكلام اللى كان معظمه اشاعات (الاشاعة دى كان والدى قاعد جنب اللى بيتصل وبيقول كدة وكمان كانا قاعد معاهم كل الناس اللى ذكرتها قبل كدة وزعلوا جدا من تصرفة دة)
اما بخصوص القياس التانى بين الماتشين هحكيلك على موقف
انا قاعد فى الاسماعيلية ومعايا عربية لونها احمر وملاكى القاهرة (كدة انا بقيت يهودى 100 ب100 بالنسبة للاسماعيلاوية)
اوقات ماتش الاهلى والاسماعيلى العربية قبل الماتش بيوم متتحركش لغاية بعد الماتش بيوم
ومرة من المرات مكنتش اعرف ان فى ماتش لانى اصلا غير متابع
وكان الماتش بين الاسماعيلى والمصرى
وانا ماشي فى امان الله عند وسط البلد كدة لقيت الدنيا مقفلة وكلة طافى النور
شوية ولقيت نفسي فى وسط الجمهور الاسماعيليى وعينك متشوف الا النور
وتلاقى الطوب نازل عليك ولا المطرة طبعا رحت جايب الاول وجايب الدواسة كلها الارض ويافكيك وبرضة كام طوبة اللى جم وخلاص قلت يمكن بس علشان انا عربيتى حمراء هديت شوية بعد لما بعدت لاقيت تاكسي اهين جى ورايا طفطف مفيهوش ولا لوح زجاج
وساعت الماتش دة برضة لما جماهير المصر كسروا فندق اللعيبة والاسماعيلاوية ضربوهم ولما بتوع بورسعيد رجعوا بورسعيد نزلوا كسروا كل العربيات اللى مكتوب عليها اجرة او ملاكى
(اية ذنب الناس دول كلهم انهم يتعرضوا لنفس الهجوم وبنفس الطريقة بس اختلاف دول بحجارة وعصى ودول بسكاكين)
وهل ذنبى انى قاهرى وقاعد فى الاسماعيلية وعربيتى لونها احمر يبقى استاهل الضرب!!!!!
وبرضة كنت مرة فى نادى المقاولين العرب وكان فى ماتش بين الزمالك وبتروجت الجماهير اخر قلة ادب وضرب فى الناس وكسروا النادى وعربيات الاعضاء
طيب لية الهمجية دى
ممكن الطاقة اللى بنطلعها فى حاجة متستاهلش نوفرها لحاجة تستاهل من غير منضر بعض
اما مشاكلنا الداخلية وعلاقتها بموضوع الجزائر ان كان فى احد الاعضاء قال احنا استنينى ان حقنا يجيلنا بالادب
فكان ردى علية مين اللى هيجيب لنا حقنا من برة
اللى مبهدلنا جوة
ولا السفير المصري الموجود بالجزائر اللى كانوا بيتصلوا بية يقولهم استحملوا للصبح!!!!!!!!
انشروها كمان وكمان
ماهما مابيصدقوا يلاقوا حاجة زي دى عشان يتكرر نفس الموقف تاني ويكبروه
ونستني يوم الخميس علي مجازر جديدة تحصل
تفتكر لو انا حاولت ادافع عنهم كونهم مسلمين وضيوفنا وانت موتني - يبقي انا ايه وانت ايه ؟ مين فينا يروح النار ومين يروح الجنه " والله اعلم بس انا بتكلم عن موقف بس "
وانا مش اتهمت اي حد بالخروج عن الدين انا مش شيخ وامير جماعه انا بس كنت بفكر الناس اننا عمرنا ما كونا ولا ينفع نكون همج والهمجيه تخلف وليست من تعاليمنا
ومش ينفع نقول " يا تري فيه حد منهم دافع عن المصريين ناك لدرجة الموت ؟ " وانت عارف ليه
يا اخي بكل وضوح احنا المصريين غلطنا وهم كمان بس غلطهم كان يعتبر رد فعل همجي - هل تحب يكون رد فعلك انت اكثر همجيه ويتحول الموضوع لدم عشان كوره في وقت انت لا تحرك ساكنا مين اللي بيحصل في بلدك واللي المصريين والحكومه بتعمله ؟؟؟
ومش ينفع تنسي ان حقك وكرامتك كمصري مسئوليه حكومتك وان كانت هيه مضيعاها صدقني مستحيل ترجعها مهما ضربت ومهما قتلت
الكرامه موقف لما يكون بين الدول علي شكل سياسي يبقي مشكلته اكبر من شعب
وفي الاخر دي كوره وربنا يهدي وعدي يوم الخميس علي خير
مرة تانية بعيد وازيد الضيف يبقي بأدبه وباحترامه يقل ادبه مالهوش غير الجزمة والطرد وده طبيي سواء بقة الضسف مسلم مش مسلم متفرقش دي مسئلة التزام وسلوك ومتهيالي لو اي مصري خالف عادات البلد اللى هو فيها او عمل اللى هما عملوه كان هينضرب ويترحل على اول طيارة
ومسئلة التكفير يا اخي انت قلت ان اللى يضربهم يبقي خرج عن الدين وووو
وهقولك حاجة انا طبعا لا يمكن هموتك ولا اموت غيرك حتي لو جزائري لا يمكن اموته مستحيل طبعا وكلنا عارفين ان بالنسبة لنا ده مستحيل لان دي كارثة لو وصلت الكرة للقتل لكن للاسف هما وصولها للكرامة بشكل غير طبيعي ادخل جرائدهم النهاردة وشوف بيقولوا فيها ايه
بلاش الجرايد سمعت المذيع الجزائري يوم ماتشهم مع كوت ديفوار وهو بيدعو رئيسهم الملفق لارسال الانصار وكان احنا الكفار حاجة تقرف بجد
وليه مينفعش اقولك ان محدش منهم كان هيدافع عن اي مصري مش هي دي الحقيقة
ومعلش يعني ازاي حضرتك شايف اننا غلطنا وانهم غلطوا غلط همجي لكن كان رد فعل على غلطنا
ازاي يعني احنا اللى بدانا بالغلط ؟؟؟؟؟؟؟؟؟؟
1- هل الخطيب هو اللى اتلف عين الطبيب الجزائري سنة 90 ؟
2- هل احنا اللى سبينا مصر والمصريين في الماتش بتاع شمال افريقيا لما اتوقف ابرايهم حسن ؟
3- هل احنا اللى فضلنا 3 ايام نلف حوالين فندقهم في ماتش كاس العالم الاول في الجزائر وصفافير وطبل علشان اللعيبة متعرفش تنام ؟
4- هل احنا اللى سممنا جهازنا الفني هناك ؟
5- هل احنا اللى رمينا الصواريخ وملينا الملعب دخان هناك؟
6- هل احنا اللى عملنا تمثيلية بايخة هنا في القاهرة وكسرنا الاتوبيس وقلنا الجزائريين كسروه؟
7- هل احنا اللى بعتنا شوية عصبجية وخريجين سجون وعساكر للسودان؟
8- هل احنا اللى بعتنا طيارات حربية محملة بلطجية وقلنا مشجعين؟
9- هل احنا اللى كسرنا المنشئات المصرية في الجزائر ؟
10- هل احنا اللى السفير بتاعنا كداب وعمال يولعها ؟
بقولك ايه والنبي متقوليش ان احنا اللى بدانا بالغلط علشان متحرقش دمي اكتر ما هو محروق
4- هوافقك ان الحكومة ضيعت حقنا يبقي لما يجي شوية مشجعين متخلفين ويستفزوا الناس في مول مصري بالاحتفال بفوز فريقهم والناس تضربعم تقولهم لا
اه والف مليون اه لضرب اي وضيع يستفزنا ووالله انا لو موجود وقتها في المول كنت هشارك في ضربهم كفاية استفزاز بقة
كفاية نطاطي
كفاية نغلط نفسنا في كل حاجة
كفاية نقول حاضر ونعم
ولو الحكومة مش هتجيب لنا حقنا يبقي في اول فرصة ناخده بايدينا
على فكرة كلامي مش ليك انت كشخص كلامي تعبير عن موقف ليس الا
اما انت كشخص او غيرك في الموقع فأنا بحترم الكل والحمد لله واتمني خلافنا مياثرش على احترامنا لبعض على الاقل زي ما بتحترم الجزائريين المظلومين يا عيني
احنا مش بنتشطر غير على بعض ..
نضرب بعض نشتم بعض و لما حاجة من برا تحصل كاننا مش شايفين ..
واقعة الجزائر و ام درمان دى خلتنى اعرف حدود بلدى كويس اووووى , ملهاش كبير و الله علشان كدا مبقتش استغرب من اى حاجة تحصل بعد كدا .
يا اخي والله كلامك ده كله علي عيني وعلي راسي ولكن اللي كنت بحاول الفت النظر له النقط التاليه :
1- معروف من زمان قوي مين مصر ومين الجزائر ويكفي كونهم لا يفقهو العربيه ويكفي تسميه منطقه عندهم بقبائل البربر
2- من زمان زي ما انت قولت واحنا مظلومين وساكتين وبناخد علي راسنا وبنسكت بس سكوتنا في الاول كان احترام وانتظار لرد اعتبار من حكومتنا اللي هتثور لاهانه اي مصري ولكن الحكومه لم تثور ومع الوقت اتعودنا علي سكوت وفرجه الحكومه وتحولنا من كونا محترمين لمهانين وضعاف ولكن ده مش معناه اننا نستخدم نفس الاسلوب الهمجي " لو له اسم تاني قولي عليه ويا ريت ما تقوليش اخذ بالثأر وحفاظ علي الكرامه والكلام ده اللي لم نسمع عنه في تاريخنا او تاريخ اي دوله الا في حاله الحروب " المفروض موقفنا يبقي موقف تجمعي نطالب فيه الحكومه المصريه وبكرر المصريه بالاعتذار لشعبها علي عدم حمايته والحفاظ علي كرامته
3- انت بتقول " ومتهيالي لو اي مصري خالف عادات البلد اللى هو فيها او عمل اللى هما عملوه كان هينضرب ويترحل على اول طيارة " هوه فعلا عندك حق المصري هوه الوحيد اللي بيحصله ده بينضرب ويترحل وبكرر بينضرب ويتهان ويجري يقول لحكومته انا انضربت واتهانت تقوم ترد عليه تستاهل اي اللي وداك هناك - تفتكر ده اللي بيحصل مع الجنسيات التانيه ؟ تفتكر لو سعودي انضرب في مصر مثلا السعوديه هتسكت ؟ ولا تحب افكرك باللي حصل لزوجه الدكتور المصري ؟ ولا للدكتوره المصريه في المانيا وغيره وغيره وعد يا عم
وانا صغير كانو بيحكولي قصه عن السدات بصراحه لا اعلم مدي صحتها " لما حصل في العراق ان المصريين انضربوا تقريبا او اتعاملو معامله مش كويسه والسدات رد علي صدام او مش عارف مين كان ايامها ومن وقتها المصري لحد حرب الخليج كان بيتعامل احسن من العراقي نفسه وكل بيت مصري يشهد بكده "
يعني من الاخر يا اخي موقفنا مع نفسنا غلطنا احنا عارفينه
عايز تتعامل بهمجيه براحتك بس صدقني مش هتكسب - هتروح بيتك تقول هييييه انا ضربت جزائري النهارده ومراتك تقولك شاطر يا سبعي !!! وهم يجروا علي الفيفا ويطالبو بعقاب مصر ويحرقوا في دم لاعيبتك والاعيبه ينزلو الماتش مش مظبوطين ويخسروا " لا قدر الله " واحنا نقولهم معلشي وندخل في الدايره اللي مش بتخلص
يعني ايه تسمح يا اخي لشخص اقل منك انك يستفزك ويغلطك ؟؟؟؟؟؟؟؟ بعيد بقي عن الدين وكرم الضيافه والامان والكلام اللي مش جايب همه ده - تسمي سهوله استفزازك دي ايه ؟؟؟
طيب ما تفتكر الطوبه اللي خرجتك من كاس العالم قبل كده
فكر يا اخي ازاي تخدم بلدك صح
ولسه والدتي قايله لبنت اختي كلمه عجبتني قوي " العيل الغبي بيجيب لاهله الكافيه " هم الجزائرين بدنو مستواهم عايزينا نكون العيل الغبي
ووالله يا اخي انا ما اقصد ازعلك وكلامي مش موجه لشخصك او لاي شخص ده مجرد نقض علي ما يدور في مصر كمصري غيور زيك علي مصر وكرامه مصر اللي لها طرق افضل للحفاظ عليها
وعشان مش ازعل حد مني دي هتكون اخر مداخله لي في الموضوع ده
انا جاي هنا اشتري عربيه
طيب اضحكك : انا امبارح واحد محترم في المنتدي ده هاجمني بس لمجرد انه شايف ان توقيعي فيه علم الجزائر :C_laugh[1]:
تفتكر ده علم الجزائر انا بقالي يومين بضحك علي الموضوع ده
واتمني تعتبرني اخوك الصغير او الكبير متفرقشي المهم الاحترام والمحبه
د. خالد