شباب انا عارف ان كثير منكم هيستغرب لجهلي لهذا العداد الذي اسمع عنه بانه هام ولكن اعزروني لاني معرفتى قليلة جداً في العربية برجاء شرح لي تفصيلياً اهمية هذا العداد
عرض للطباعة
شباب انا عارف ان كثير منكم هيستغرب لجهلي لهذا العداد الذي اسمع عنه بانه هام ولكن اعزروني لاني معرفتى قليلة جداً في العربية برجاء شرح لي تفصيلياً اهمية هذا العداد
العداد ده بتعرف منه الموتور بيعمل كام لفة فى الدقيقة وده بيفيد فى نقل الغيار
مبدأياً ده صورة العداد ( اللى على الشمال ) بس ده اللى بييجه مع العربية فى ناس بتكون مركباه على التابلوه عشان معندهومش أصلاً أو عشان يدى شكل احسن للعربية. ملف مرفق 8702
العداد بيقولك الموتور بيلف كام لفة فى الدقيقة و ده واضح من اسمه rpm: revolution per minute و استخدامه الاساسى عشان تعرف ميعاد النقلة الصح أمته و عشان لو بتحرق على العربية متحرقش اوى لدرجة انك تخش فى منطقى الخطر و ده المنطقة اللى متلونه بالأحمر من أول ال5.8 . كل واحد بيبقى عارف عزم العربية الأقصة بيبقى عند كام أر بى ام و فى ناس بتنقل بس عند الرقم ده، أنا شخصياً بنقل عند 3.2 او بالكتير 3.5.
استخدامات عداد الار بى ام الجانبية انه ساعات كتير بيبين مشاكل فى الموتور قبل ما تظهر. يعنى المفروض انو على السلانسيه يبقى الار بى بم على 7.5 و ده بيختلف من عربية للتانية لو الرقم على او وطى يبقى فى مشكلة و لو العداد بيلعب من غير ما تدوس بنزين يبقى فى مشكلة. لو بتحاول تطلع بالعربية و الار بى ام بيطلع بس العربية مبتتحركش يبقى فى مشكلة. بكل بساطى الار بى ام هو التطوير لإسلوب استخدام الاذن أثناء السواقة و لتحديد بعش المشاكل فى الموتور.
إخر حاجة انو الار بى أم ساعات بيكون متقسم 1و2و3 و بيقولك اضرب فى 1000 أو بيكون 10و20 و تضرب فى 100 أو بيكون كاتبلك الرقم علطول. حاجة تانية لاحظتها انو منطقة الخطر red zone بتختلف من عربية للتانية و كل ما سعة الموتور كبرت كل ما قدرت توصل ل ار بى ام اكبر من غير ما تدخل فى ال red zone . عشان كده ممكن تلاقى عربية التالت بيقعد عنده لحد 5500 و بعد كده لازم ينقل و عربية تانية ممكن يقعد لحد 7500 و الموضوع ده بيقرف جامد فى الدراج عشان بيديك وقت أطول لكل غيار و يخليك توصل لسرعة أكبر بغيار قليل و وقت قصير.
ده كل اللى فاكره لو فى أى أسئلة تانية انا فى الخدمة:w6266d
اوجزت فانجزت يا استاذ احمد يحيي
الف شكر للمعلومة , انا كنت فاكر الرد زون دى ثابته فى كل العربيات
يا اساتذ احمد اشكرك جزيلاً علي الرد المفصل دا وربنا يزيدك من المعرفة كمان وكمان واشكر كل من رد علي موضوع وانا جاهز الار بي ام عني متقسم 1,2,3,4 وهكذا
لو سمحت يااستاذ احمد كنت عايز اسال المفروض الواحد ينقل على كام علشان مايبقاش بيقرص على العربيه وشكرا مقدما للاجابه
النقل لو مش بتشد على ٣ أو أقل حاجة بسيطة ولو في مطلع ومحتاج عزم على ٣.٥
طب لما الاربي ام بيلعب لوحده يبقي ايه المشكله ؟
لو العربيه مش بارده وبيلعب لوحده يبقى فيشة tps
طيب لما العربية اول ما تدور العداد يقرا 1 يبقى معناه ايه
لو فوق الواحد لحد ما العربيه تسخن وينزل لوحده ده عادي (لو إنجكشن طبعا)
لكن غير كده يبقة فيه مشكله
أعتقد إن الإبيزا ٩٩ إنجكشن هيا المفروض تفضل كده حوالي دقيقة وبعد كده تنزل ل٠.٧ أو ٠.٨ لو منزلش يبقى حساس tps أو مشكله في الecu
زى ما الزملاء قالوا لو العداد طلع ل اكتر من واحد و بعدين نزل ده طبيعى بس لو منزلش بيكون فى مشكلة و برده لو نزل بس بيلعب، يعنى بيرعش و مش ثابت على رقم معين برده بيكون فى مشكلة بس فى حالة الرعشة بيكون حاجة من دول فلتر الهوا او البنزين عايزين تنضيف او تغيير. الرشاشان و النجكشن عايزين يتنضفوا و فى حالة الرشاشات لو استنيت عليها ممكن بدل ما تتنضف بس الاسبراى او بالالتر سونيك و ترجع سليمة يبقى لازم تتغير.
على حد علمى كل عربية و ليها ظروفها عشان النقل بدرى اوى بيحمل جامد على الموتور و على الجير بوكس، فالموضوع ملوش اجابة صح و اجابة غلط، على حسب نوع و سعة موتور العربية و ظروف الطريق. يعنى مثلاً العربية ال1400 س ىسى عادة بيبقى الريد زون ( المنطقة الحمرا اللى الغيار بيفصل عندها) بتكون عند 5.5 او6 يبقى منطقى انك تنقل عند 3 ا3.5 بس لو راكب m5 و الريد زون عند 8أو9 يبقى مفيش مشكلة خالص انك تنقل عند 5 أو 6.
و برده مينفعش على مطلع كوبرى مثلاً تمشى على أر بى ام قليل اوى عشان انك بتحمل على الموتور جامد.
و الله اعلم
هو عداد بيقيس عدد لفات الموتور فى الدقيقة الواحدة
العربيه النترا 1600 سىسى
بارك الله فيك علي هذه المعلومات بس لو rpm في هزه خفيفة والعربية وقفه ده يكون ايه هي عربية اكسيل 1500وشكر ا للافادة