المشاركة الأصلية كتبت بواسطة ahmedyehia515
بص انا متفق معاك فى بعض الحاجات و فى حاجات تانية شايفها من ناحية تانية.
1- فى بعض المقارنات اللى بتتعمل بيبقى الغرض منها نشوف الموتور الأحسن ميكانيكياً يعنى كأداء و صوت و تسارع و اقصى سرعة و انا شايف الموضوع ده عادى طول ما الموضوع مش منافسة يعنى لو انا عربيتى 2000 سى سى و جبتها عشان عجبانى و فضلت ماشى 20000 كم بيها أقصى سرعة 100كم/س يبقى بظلم العربية عشان بعد كده العربية فعلاً موتورها هيكون ضعيف و عايز يتفتح. على الأقل مره كل أسبوعين خدها على طريق فاضى و هات بيها أخرها عشان الموتور ميبوظش منك. انما لو عربيتى أصلاً 1600 سى سى و انى أفضل ماشى على 100-120 ده المفروض آخر العربية، بس المنافسة اللى اتفتحت ميين يجيب اعلى سرعة، أنا معاك ان ده غلط عشان لا عربياتنا ولا شوارعنا تسمح بالموضوع ده.
2- لما اعرف ان العربية x نزلت من 3 شهور و فى ال3شهور الناس بتكون لسه فى فترة التجربة و بعدين اعرف ان المساعدين اى كلام و بيسببوا حوادث، أكيد الموضوع حيفيدنى لما أجى أشترى عربية. فى واحد مصرى عمل موقع عشان يعرف الناس بالحادثة اللى عملها بالاسبرانزا، ليه عشان فى الحادثة ده كان حيموت و مفيش ولا أير باج اتفتح فكان بيحاول ينقل تجربته للناس يمكن حد تانى يستفيد. بالظبط زى ما الناس بتنقل خبرتها مع التوكيل أو مع محلات قطع الغيار عشان الباقى يستفيد و المعاناة تبقى أقل.
غير ذلك، انا متفق معاك فى كل حاجة:S_thum1[1]: