حد يعرف ضبط التكيهات علي مقاس كام في الويرا

سؤال حد يعرف ضبط تكيهات الويرا 2004 علي مقاس كام؟
وهل هو بيضبط زي مواتير الكوري ولا الياباني ولا ليها ضبط تاني ؟
العربية بتاكل بنزين بجنون :stink[1]: وفي بعض الاخوة نصحوني بظبط التكيهات

هنا شرح المشكلة بتاعتي في العربية وكنت نزلتها في قسم الورشة وكانت الاجابات بسيطه دون تدخل من المهندسين الكبار من من قسم الورشة !!!!:stink[1]:
(هاجنن العربية بتأكل بنزين واية السبب ؟ ) http://www.nilemotors.net/Nile/118836-a.html

يبقى طقم الدبرياج ديه أخر حاجه تخلى العربيه سحبها ضعيف وتاكل بنزين
بخصوص التكيهات أنا بظبطهم عادى زى موتور اللانسر .

استاذ احمد مروض الاسود قصدي السيارات :satelite:
شكرا علي استشارة حضرتك بس ممكن تقولي ازاي اعرف طقم الدبرياج محتاج يتغير او اي طريقة اعملها تفيدني في تغيير طقم الدبرياج

أنا هقولك ازاى
أحرق على كل غيار وقولى أخر سرعه لكل غيار كام وأنا هقولك طقم الدبرياج سليم ولا لأ
وقولى السرعه القصوى للعربيه عالخامس كام .

بص احمد باشا :Y_hi_3[1]:
الغيار الاول من 40 لحد 50
الغيار الثاني من 60 لحد 70
الغيار الثالث من 60 حتي 80
الغيار الرابع من 80 لحد 110
الغيار الخامس من 110 لحد 150 مش اكتر

علي فكرة انا ضبط التكيهات عند الميكانيكي وربطلي التكيهات اللي خاصة بالبنزين وسابلي التكيهات بتاعة العادم ومربطش اي حاجة منهم معرفش ليه ؟

وبعد كدة حاجة غريبه ان العربية ساعة الصبح وبعد تسخينها لمدة خمسة دقائق تبقي زي الفل في السحب ومفيش اي تسقف خالص ولكم بعد نص ساعة ماشي بيها القيها بتسقف وسحبها يقل ؟؟؟ وبرضوا بتاكل بنزين.......... :rfds::rfds:

لأ كده مش طقم دبرياج
وعلى فكره الرابع ممكن يجيب معاك ل140 عادى لو كنت قرصت عليه شويه
أنا محتار بصراحه ومش عايز أقولك طلمبة البنزين قبل ما تجرب الأستهلاك على طريق سريع .

انا برضوا شاكك في طلمبة البنزين انها بضخ بنزين كتير بس انا جايبها جديدة من ستة شهور وكنت جايبها اصلي هيوانداي ب 300 جم علشان كل اللي في السوق صيني حتي اللي ماركتها بوش.

وعلي فكرة صوت طلمبة البنزين قوي مسموع بوضوح جداعند بداية اول تكه في الكونتكت.

طب ما قولتش علي موضوع ضبط التكيهات بالطريقة اللي انا شرحتهالك واية رايك اضبط كمان التكيهات بتاعة العادم ولا بلاش؟ :verygood:

معرفش والله يا أستاذ سامح الميكانيكى اللى ظبطها هوه اللى يعرف
معلش يا باشا عندى سؤال
حضرتك بتقول ان العربيه أول ما بتسخن بتتكتف وسحبها بيقل جدا"
الحراره بترفع معاك ؟؟؟ والمروحه بتشتغل معاك كتير حتى فى الشتاء ؟؟ والعربيه بتبرد وبتتعدل لو حرقت عالغيارات ؟؟
لو الكام موضوع دول بيحصلوا تبقى طلمبة المياه
ايه الأخبار بعد تظبيط التكيهات ؟