سؤال فني لاهل الخبره

**samirpop2** · 17-05-2007 12:23 AM

الموضوع ان عندنا في الشغل عربيه متسوبيشى باجيرو موديل98 العربيه بتاكل زيت موتور روحت التوكيل المهندس قالي المشكله في السرفو بتاع العربيه قلتلو السرفو ده بتاع الفرامل حكالى كده حكايه ان السرفو بياخد هواء من الموتور وهو دلوقتى بيسحب هواء زياده علشان كده العربيه بتاكل زيت ان بصراحه اول مره اسمع عن حاجه زى كده انتو ايه رايكو
انا رجعت تانى بلعربيه ومردتش اخليه يغيرحاجه لغايت ما اعرف الحقيقه ايه

**hazem_khidr** · 17-05-2007 05:22 AM

استحاله طبعا الكلام دا و عموما شوف نفخ الزيت و العربيه دايره يعني لو لقيت البخار بتاع الزيت طالع جامد و لونه مزرق يبقي دا حرق زيت و معناها ان الشنابر باظت انما موضوع السيرفو دا مش داخل دماغي و حتي بياخد هو من الموتور بياكل زيت ليه؟؟؟؟؟؟؟؟؟

**Abdallah** · 17-05-2007 11:59 AM

برضة الكلام دة مش منطقى , شوف حرق العربية زى ما قالك حازم وبص على المنتدى التعليمى هتلاقى موضوع هناك عن الدخان الى خارج من الشكمان.

**mohamed yousry** · 17-05-2007 04:54 PM

نفص الزيت....اما تسريب من مكان ما ....او العربية موتورها مفوت.....لا يوجد سبب اخر على حد علمى ....

**samirpop2** · 18-05-2007 04:14 PM

مفيش تسريب نهائى 0 الموتور ناعم 0 سحب العربيه في المطالع شديد انا نفسي مستغرب انا بعد يومين رايح للتوكيل تاني الي في قليوب علشان قياس كبس الموتور وربنا يسهل وابقى اقلكم علي الي حصل