الدائري الحلم......

السلام عليكم.......

انهاردة كنت ماشي عالدائري في الرياض العاصمة السعودية و سرحت بخيالي.........

يا سلام لو الدائري بتاع المعادي اللي كنت بأخده يوميا تقريبا في طريقي للتجمع الخامس يبقى كده.......

ياه لو النقل الثقيل فعلا يلزم اليمين اللي ما بقرهاش غير في لوحات المرور الارشادية و عمرنا ما حسيناها و لا شفناها في حياتنا........

يا سلام لو المقطورات تتلغي بقى و نخلص من شرها.......

الله لو كل واحد يتعلم يلتزم بحارته المرورية و يمشي عدل و يتعب عضلات ايده شوية و يمسك الدركسيون بدل ما عربيته تحدف على خلق الله يمين و شمال.......

الناس تبطل تعدي الشارع جري عند كارفور و بعد كمين المعادي و تتسبب لشاب في تدمير مستقبله و تشريد أطفال القتيل...و الله شفتها في مرة عالصبح كده وانا رايح الشغل واحدة ست تخينة ساكنة في الحته الشعبية اللي قبل صقر قريش و بتعدي الشارع جري بالجلابية و شايلة قفة و فيها أزايز زيت و أكل و للأسف الشديد لقيت الطريق واقف اتاري واحد (ربنا يسترها معانا ومعاكم) الأهالي ماسكين فيه و مقطعينه لأنه خبطها و عربيته اتكسرت طبعا مازدا 929 قديمة و مستقبله ضاع بسبب تلك المتهورة و أغراضها مرمية في كل حته عالطريق.........معرفش ماتت ولا لأ..........

و يا سلام لو نراعي ربنا قبل ما ندور عربيتنا و نتوكل على الله و نقول دعاء السفر و نتدبر معانيه بجد..............

أحلموا و حاولوا تصحوا بئى من الحلم ده و تقوموا تنفذوه ده مش مستحيل.......ده البني أدم اللي بيروح ما بيتعوضش...........

أنا عمري ما هأنسى زمان أيام الطيش كان واحد جدو كده راكب سيات صفرا و ماشي تاتا تاتا نازل كوبري فيصل لشارع السودان هريته كلاكسات و طلعت منه بغرزه و حارق عالأخر المهم وقفت في أشارة كوبري ثروت عند الجامعة ولقيته وقف في الأشارة جنبي و بيقولي يا أبني أهلك عايزينك اتق الله فيهم أديني بالسيات بتاعتي اهه و سبقتني و اتجمعنا في أشارة واحده...البلد مش ناقصة بالراحة الله يهديك............حسيت اني فعلا انسان حقير و تافه بجد و من يومها بطلت سواقة المجانين دي و فكرت فعلا في العربية و في أمي و أبويا و أخواتي لو بطيشي ده ضيعت نفسي..........و الأهم هأقول لربنا ايه يوم الحساب..............؟؟؟ هأقوله أنا موتت نفسي بالنعمة اللي انته رزقتني بيها علشان تريحني و سخرتهالي؟؟؟............

ده الدائري الحلم يا أحفاد من بنوا العجائب من ألاف السنين...........

http://www3.0zz0.com/2010/01/25/10/140123473.jpg

http://www14.0zz0.com/2010/01/25/10/332795984.jpg


قال تعالى (ومن يتق الله يجعل له مخرجا و يرزقه من حيث لا يحتسب) صدق الله العظيم

ابدأ بنفسك...........و الدين النصيحة...........

أخوكم أشــــــــــــرفـــــــــ ـــــ.............:verygood:

اسمحلي اختلف معاك الدائري هنا في الرياض فاشل جدا ودائماً زحمة وملتقيش حتة فاضية غير بين مخرج 10 لحد 5 غير كده زحمة التزام النقل التقيل هو الحسنة الوحيدة ولكن الحوادث الكارثية وغبار العيال البدو أزبل حاجة فيه ولو رينا بيحبك يبعدك عن الدائري الجنوبي ناحية البطحة والعك ده لما بتقفل حاجة صعبة جدا
انا لما نزلت القاهرة الصيف اللي فات عجبني الدائري جدا بس انا مشيت عليه من عند السلام لحد المعادي وكان واسع وأكثر من ممتاز

اقتباس:

---

المشاركة الأصلية كتبت بواسطة medo_msmsa

اسمحلي اختلف معاك الدائري هنا في الرياض فاشل جدا ودائماً زحمة وملتقيش حتة فاضية غير بين مخرج 10 لحد 5 غير كده زحمة التزام النقل التقيل هو الحسنة الوحيدة ولكن الحوادث الكارثية وغبار العيال البدو أزبل حاجة فيه ولو رينا بيحبك يبعدك عن الدائري الجنوبي ناحية البطحة والعك ده لما بتقفل حاجة صعبة جدا
انا لما نزلت القاهرة الصيف اللي فات عجبني الدائري جدا بس انا مشيت عليه من عند السلام لحد المعادي وكان واسع وأكثر من ممتاز

---

هأرد عليك بهدوء

أولا الدائري ده الدائري الشرقي مش الجنوبي (الجنوبي فعلا مقرف) بس مقرف في زحمته و الزحمة دي بتكون بسبب ضغط السير عليه مش عيب فيه لأن الناس بتفضل تطلع عليه أحسن ما تقف في أشارات وسط البلد و ساعات الذروة معروفه يعني الظهر ساعة خروج المدارس و بعد العشاء و هكذا و فيما عدا ذلك كويس و حتى لو زحمة فهي زحمة منظمة و مشكلته بس بعض السعوديين المتعجرفين اللي بيدوسوا عالخلق بالجيمس قال يعني وراه معاد مع وزير و خايف يتأخر أو يطلع يمشي في الرمل علشان يختصر الوقت و غيره كتير من التهور لأن الشرطه بتفوتلهم كتيررررررررر جدا....

تاني حاجة فاشل جدا بأنهي مقياس من وجهة نظرك؟؟؟متسفلت واسع و نضيف و متخضر و الجزيرة اللي في النص عالية و فيها انحراف علشان العربية اللي ترتطم به يرجع للطريق ما تنزلش عالناس اللي في المقابل...عندك طريق خدمة عاليمين واسع لخدمة سكان الأحياء السكنية و اللي رايحين المحلات و كل التقاطعات يا أما كوبري أو نفق........ده طريق دائري حر زي ما كتب الهندسة بتقول و كتب التخطيط ( على فكرة أنا مهندس معماري و اشتغلت في التخطيط و ممكن تسأل أي متخصص هيقولك انه طريق حر زي الكتاب ما بيقول واخدينه بالميلي من الأمريكان)!!!!

و معرفش أنا مستغرب انك المصري الوحيد اللي بيقول ان الدائري في مصر أكتر من ممتاز ( غريبة شوية دي)...يمكن كنت ماشي يوم جمعة ولا أجازة مهو معروف للكل ان الدائري بتاعنا كله مشاكل من أول مطبات الهوا للأسفت اللي أي كلام لسواقين المقطورات المبرشمين للكمين بتاع المنيب اللي بتقف فيه ساعتين للمكروباصات اللي بتحمل عند كارفور لنزلة المريوطية اللي بتف عندها بالساعة لنزلة المنصورية اجارك الله لو نزلتها بالغلط قدامك ييجي نص ساعة على ما تشم ريحة شارع الهرم و غيرة كتير........ده غير الغرز و السباقات و السرعات الجنونية من أي حد في أي حته بأي عربية...

و لا التجاوز بيكون من الشمال ولا حد بيلتزم بانه يمسك شماله لو سريع و نادرا لما تقلب نور لحد فيوسعلك الشمال لأنه بطيئ..............و غيره كتير هنحكي للصبح على اللي بيتفننوا في مخالفة كل أداب الطريق على طرقنا............

يا بيه لو الطريق فيه بدو زي ما بتقول متهورين و بيسابقوا و بيفحطوا و متهورين فهما مهما كان بدو...هوه ده أخرهم ما يعرفوش اكتر من كده...لكن احنا ماضي و حضارة و فن و عمارة و تاريخ و ملايين المثقفين و المتعلمين..........مش عيب يكونوا وحشين أو مجانين لكن العيب اننا نكون بالمنظر ده مش عارفين حتى نحب بعض عالطريق و نصون النعمة........

الخلاف في الرأي لا يفسد للود قضية و شكرا على مشاركتك الفعالة بجد...........

تحياتي لك و للجميع.......حياك الله

اقتباس:

---

المشاركة الأصلية كتبت بواسطة ashraf229

هأرد عليك بهدوء

أولا الدائري ده الدائري الشرقي مش الجنوبي (الجنوبي فعلا مقرف) بس مقرف في زحمته و الزحمة دي بتكون بسبب ضغط السير عليه مش عيب فيه لأن الناس بتفضل تطلع عليه أحسن ما تقف في أشارات وسط البلد و ساعات الذروة معروفه يعني الظهر ساعة خروج المدارس و بعد العشاء و هكذا و فيما عدا ذلك كويس و حتى لو زحمة فهي زحمة منظمة و مشكلته بس بعض السعوديين المتعجرفين اللي بيدوسوا عالخلق بالجيمس قال يعني وراه معاد مع وزير و خايف يتأخر أو يطلع يمشي في الرمل علشان يختصر الوقت و غيره كتير من التهور لأن الشرطه بتفوتلهم كتيررررررررر جدا....

تاني حاجة فاشل جدا بأنهي مقياس من وجهة نظرك؟؟؟متسفلت واسع و نضيف و متخضر و الجزيرة اللي في النص عالية و فيها انحراف علشان العربية اللي ترتطم به يرجع للطريق ما تنزلش عالناس اللي في المقابل...عندك طريق خدمة عاليمين واسع لخدمة سكان الأحياء السكنية و اللي رايحين المحلات و كل التقاطعات يا أما كوبري أو نفق........ده طريق دائري حر زي ما كتب الهندسة بتقول و كتب التخطيط ( على فكرة أنا مهندس معماري و اشتغلت في التخطيط و ممكن تسأل أي متخصص هيقولك انه طريق حر زي الكتاب ما بيقول واخدينه بالميلي من الأمريكان)!!!!

و معرفش أنا مستغرب انك المصري الوحيد اللي بيقول ان الدائري في مصر أكتر من ممتاز ( غريبة شوية دي)...يمكن كنت ماشي يوم جمعة ولا أجازة مهو معروف للكل ان الدائري بتاعنا كله مشاكل من أول مطبات الهوا للأسفت اللي أي كلام لسواقين المقطورات المبرشمين للكمين بتاع المنيب اللي بتقف فيه ساعتين للمكروباصات اللي بتحمل عند كارفور لنزلة المريوطية اللي بتف عندها بالساعة لنزلة المنصورية اجارك الله لو نزلتها بالغلط قدامك ييجي نص ساعة على ما تشم ريحة شارع الهرم و غيرة كتير........ده غير الغرز و السباقات و السرعات الجنونية من أي حد في أي حته بأي عربية...

و لا التجاوز بيكون من الشمال ولا حد بيلتزم بانه يمسك شماله لو سريع و نادرا لما تقلب نور لحد فيوسعلك الشمال لأنه بطيئ..............و غيره كتير هنحكي للصبح على اللي بيتفننوا في مخالفة كل أداب الطريق على طرقنا............

يا بيه لو الطريق فيه بدو زي ما بتقول متهورين و بيسابقوا و بيفحطوا و متهورين فهما مهما كان بدو...هوه ده أخرهم ما يعرفوش اكتر من كده...لكن احنا ماضي و حضارة و فن و عمارة و تاريخ و ملايين المثقفين و المتعلمين..........مش عيب يكونوا وحشين أو مجانين لكن العيب اننا نكون بالمنظر ده مش عارفين حتى نحب بعض عالطريق و نصون النعمة........

الخلاف في الرأي لا يفسد للود قضية و شكرا على مشاركتك الفعالة بجد...........

تحياتي لك و للجميع.......حياك الله

---

والله معاك حق 100 % انا شفت يوم الجمعة الصبح عند كافور المعادي ماقتورة ماشية في الشمال و عادي خالص , تحس ان بيقولاك الي عندك اعمله

و موضوع الزحمة ده يعتبر نسبي يعني ببساطة اصبر علي الدائري ده كام سنة (2 مثلا) و شوف
انا متاكد ان حيبقي ازحم من الدائري بتاع الرياض لان مافيش حاجة اسمها اخلاق القيادة عندنا في مصر

و ربنا يستر علينا كلنا

شكرا

الخليج سبقونا بعشرات السنين ,,,,

أنا اتأثرت فعلا يا أستاذ أشرف من الموضوع وبزات حتة جدو بتاعه السيات وطريقة النقاش أكتر من رائعة
تحياتى لك

يا أخوانا أحضرونا.............

ده طريق فاشل بالذمة؟؟؟؟؟؟؟

دي صور من تصويري للطريق الدائري و باين أنه النقل الثقيل يلزم اليمين فعلا و حتى الأتوبيسات و الكل ملتزم بحارته و مزروع و وواسع و فيه طريق خدمة عاليمين و مكان للانتظار للطواريء و كله تمام

http://www12.0zz0.com/2010/01/26/06/149076166.jpg

ده نفس الطريق عند الاتقاء الدائري الشمالي مع الدائري الشرقي عند مبنى شركة سابك و الكباري دي كلها ما هي الا تقاطع الطريقين كله عن طريق عدة جسور

http://www9.0zz0.com/2010/01/26/07/449399046.jpg

و دي صورة للطريق و هوه زحمة و الغرض الأساسي من الصورة هوه المصري البرنس اللي حاطط شعار الأهلي على عربيته حتى في الغربة

http://www10.0zz0.com/2010/01/26/07/635509042.jpg


يا جماعة ياريت نشوف اي حاجة حلوة عند غيرنا و نتمنى أحسن منها لبلدنا عالأقل يوم ما هنعمل طرق و نحترم أداب الطريق كل ده هيكون بعرقنا مش .............بفلوسنا................

و دمتم في أمان الله.........

تحياتي لك يا اخي وترجع بلدك بالسلامه

فعلا يا أستاذ أشرف ....... كلامك كله صح ..........

كمان فيه حاجة مهمة قوي ........
علشان الطرق عندنا تتعدل و تتظبط لازم حاجتين يحصلوا :
أولا ....... يكون فيه رقابة على الطريق و تطبيق العقوبات و القانون على جميع خلق الله .

ثانيا يكون الناس عندها ألتزام ( مش خوف بس ) .

و طبعا أحنا اللي دهنا الهوا دوكو ....... و خرمنا التعريفة ......... ور ئيسنا بقاله 30 سنة ............

يبقى الحال على ما هو عليه حتى يأتي فرعون مثل أحمس ......... أو رجل مثل طلعت حرب ......... أو شجاع مثل صلاح الدين و يتخذ أجراءات جذرية لحل مشاكل البلد الأقتصادية و المرورية .........

أعتقد كتاباتنا هذه ستكون مُسجلة في التاريخ ليراها أحفادنا بعد مئات السنين ........ و يقولون علينا :
"هي الدنيا عندهم كانت شكلها أيه "
يمكن ده يحصل في المستقبل و الله أعلم .

على فكرة انا لما تكلمت على الدائري في الرياض قلت النقطة الكويسة ان النقل التقيل فعلا بيمشي يمين وبالنسبة للصور اللي فوق دي عند مخرج 7 اللي عند طريق المطار اللي يوصل حي غرناطة حتة أصلا فاضية جدا انا ساكن عند مخرج 5 عند كارفور والمنطقة دي دايماً بتبقى فاضية بس ببساطة لو هوبت ناحية مخرج 10 لحد مخرج 28 هتشوف الويل زحمة غريبة مرور غبي جداااااااا (لو ماشي في الخدمة وعايز تطلع على الرئيسي بتلاقيهم قافلينة من غير سبب) عندي سؤال مهم لما هو الناس هنا محترمة اوي كده بتلاقي عيل (برضة مبرشم) ماشي بسرعة عالية وباخد غرز وهو اصلا سواقتة ضعيفة والنتيجة حادثة رهيبة (للمعلومية في ناس برضة بتتقلب في المقابل رغم ارتفاع الرصيف لأكثر من متر)
ورغم كل المقومات اللي حضرتك بتقولها بتقفل ونفضل بالساعة مستنيين الطريق يمشي، على أي حال أنا ممكن ببساطة أجيب صور للدائري وهو زحمة وأحطها وهتعكس قد ايه كلامي مظبوط.
وبعدين في حاجة مهمة جدا أكيد حضرتك بتشوف السعوديين لما الزحمة بتبقى كتير بيبقوا عاملين ازاي وتلاقي اللي طالع فوق الرصيد واللي يخبطك وكمان يقولك (وش فيك أنت مانت بصاحي).
وفي النهاية أنا مش ضد حد ولكن ضد ان احنا دائماً حاطين نفسنا أقل من الناس مع ان والله لو فعلا عندنا نفس الامكانيات كان زمانا من أفضل شعوب العالم

عقبلنا يا رب

لو قريت ردي السابق هتلاقيني بأقولك انهم بدو مش مطلوب منهم أكتر من كده و مش عيب انهم كده العيب اننا بلد التاريخ و الحضارة و اول نهضه عرفها التاريخ و نبئى كده.........

واحد ابوه جاهل و لا بدوي رحال لم يذق طعم الحضرة الا لما بقى عمره ستين كل شيء اتغير حوله غيرنا احنا اللي بتلاقيه ابن مستشار ولا دكتور جامعة و جده مش عارف ايه و من أحفاد الخديوي مين ولا الباشا مين و لو تابعت تاريخه هتلاقينا متحضرين من ألاف السنين و ما نبقاش مش عارفين نسوق حتى!!!!!!!!

انا لا أقارن القيادة السعودية الطائشة و المتعجرفة و العنصرية في كثير من الأحوال للوافدين بأسلوب القيادة في مصر.......انا بس حزين على بلدنا و حالنا و الفوضى اللي اتعودنا عليها.........

و على فكرة انا شغلي في شارع الضباب جنب الغرفة التجارية و بيتي قدام جسر الخليج عند القاعدة الجوية (مخرج 13) يعني عارف زحمة الرياض كويس جدا جدا جدا.........و مصر انها زحمة و لكن منظمة كفاية انها في طوابير.....و مصر برضه انه البدوي ماتنتظرش منه يبئى خلاص اجنبي لمجرد انه ركب فورد ولا لاندكروزر....هوه ده أخره و قدامه عشرات السنين على ما يبئى متأصل ابا عن جد زيي و زي حضرتك و زي التمانين مليون مصري..........

شوفوا الكويس برة و حاولوا تقلدوه و سيبوا الوحش....مش تقول لواحد صلي الله يهديك يقولك ماهم كل اللي بيصلوا و بدقون فيهم كل العبر........يا سيدي صلي انته و خليك كويس قلبا و قالبا......صلي و ما تسرقش صلي و ما تغلطش....يعني هيه الصلاة هيه اللي بتخلي الانسان وحش....ده اصلا وحش و متخبي وسط المصلين...!!!

بس المشكلة اننا خلاص بقينا بنعشق الشكوى.......نتذمر و نحتج على كل شيء و مبنعملش حاجة في الأخر........بننتقد كل الناس و نسينا نبص لعيوبنا أصلا.....لحد ما الدنيا سبقتنا......

و شكرا للحوار الممتع بصراحة........

ده تقاطع مشابه لللي في الصورة السابقة

http://www.alriyadh.com/2007/07/25/img/257233.jpg

ودي صورة من عالنت لطريق الملك فهد و هوه كان زحمة جدا جدا و محدش قال ان البلد زحمة و بتتزحم بس برضه زحمة و بتمشي شوية شوية و عالأقل منظمة شوية مش بايظة خالص يعني

http://www.alyaum.com/images/12/12047/394883_1.jpg

http://www.okaz.com.sa/okaz/myfiles/...29/m10-big.jpg

http://www.aawsat.com/2008/01/31/ima...al1.456349.jpg

وده زحام من مدينة دبي

http://www.asharqalawsat.com/2007/06...ews.421685.jpg

ارجو ملاحظة الخطوط البيضة بين السيارات باينة

http://www.corriere.it/Media/Foto/20.../fdg/DUBAI.jpg

http://cache.daylife.com/imageserve/...e3dR7/610x.jpg

و اما عندنا.............

http://www.horytna.net/Images/Articl...arge_16748.jpg

http://i136.photobucket.com/albums/q...l/PICT0004.jpg

http://media.farfesh.com/b07122404936.jpg

http://file5.9q9q.net/local/thumbnai...94/600x600.gif

و أخيراااااااااااااااااااا

http://lh4.ggpht.com/_UFJ4E3atCa4/S0...otraffic04.jpg


يارب نقلد كل ما هو جيد عند غيرنا و نكون احسن منه كمان...........

وشكرا

اقتباس:

---

المشاركة الأصلية كتبت بواسطة medo_msmsa

اسمحلي اختلف معاك الدائري هنا في الرياض فاشل جدا ودائماً زحمة وملتقيش حتة فاضية غير بين مخرج 10 لحد 5 غير كده زحمة التزام النقل التقيل هو الحسنة الوحيدة ولكن الحوادث الكارثية وغبار العيال البدو أزبل حاجة فيه ولو رينا بيحبك يبعدك عن الدائري الجنوبي ناحية البطحة والعك ده لما بتقفل حاجة صعبة جدا

---

اقتباس:

---

المشاركة الأصلية كتبت بواسطة medo_msmsa

انا لما نزلت القاهرة الصيف اللي فات عجبني الدائري جدا بس انا مشيت عليه من عند السلام لحد المعادي وكان واسع وأكثر من ممتاز

---

+11111111111111111111111111111

عالعموم دي وجهة نظر مش أكتر و مجرد نصيحة انه كل واحد يبدأ بنفسه و يحاول يحترم غيره و يسوق بذوق وود و احترم لغيرك عالطريق...

لو حد شايف اننا فعلا مية مية و كويسين و ميت فل و اربعتاشر و بقينا احسن بلد في الدنيا هوه حر.............

دي مجرد نصيحة من أخ............

اقتباس:

---

المشاركة الأصلية كتبت بواسطة ashraf229

عالعموم دي وجهة نظر مش أكتر و مجرد نصيحة انه كل واحد يبدأ بنفسه و يحاول يحترم غيره و يسوق بذوق وود و احترم لغيرك عالطريق...

لو حد شايف اننا فعلا مية مية و كويسين و ميت فل و اربعتاشر و بقينا احسن بلد في الدنيا هوه حر.............

دي مجرد نصيحة من أخ............

---

ياباشا عندك حق في حاجات طبعا اولا موضوع تنظيم المرور ده في دول الخليج ممتاز جدا ومحدش يقدر ينكر ده بس مع وجود بعض الزحمه بس زحمه بنظام يعني مثلا تلاقي العربيات كلها صف واحد ومحدش بيطلع من اللي قدامه وكمان الفرق بين المرور في مصر واي دوله في الخليج فرق وهمي وهمي وهمي

شكرا على مشاركتك الطيبة.........

انا بصراحة سيبتني من الموضوع كلة واعدت اتفرج علي الاسفلت الي
في اول صورتين حضرتك حاططهم يا استاذ اشرف
شوفتوا يجماعة معلهوش تراب حتي
يعني لو بصيت من الشبك ممكن تشوف نفسك فية ......

كلام مظبووووووووووووووط

مع ان الرياض بحر الرمال..........بينها و بين الخليج أكتر من 400 كلم و بينها و بين البحر الأحمر ييجي 1200 كلم!!!!!!!

عالعموم شكرا عالملاحظة.......

ان الله لا يغير ما بقوم حتى يغيروا ما بانفسهم

ان شاء الله هنتغير للأحسن دايما

لأن حبنا لبلدنا مفيش حد في العالم بيحب بلده قدنا

ان شاء الله هنرجع بلد الحضارة و الرقي و النظام بس نبدأ بأنفسنا بس و الناس تتعب شوية في تربية ولادها.....