اول ماتشوف العك ده
يبقى انت اكيد اكيد فى مصر
عرض للطباعة
اول ماتشوف العك ده
يبقى انت اكيد اكيد فى مصر
فوضىىىىىىىىى
طب حضرتك عرفت منين انها دقهليه اذا كان النمره مش مكتوب عليها حاجه.
بس فعلا لو دقهليه تبقي من مرور ميت غمر علشان ارقامه بتبدأ فعلا ب 10000
هناك منطق آخر وسائد أيضاً للأسف في القيام بهذه الأفعال المشينة ، وهو منطق "الهت" بفتح الهاء وتسكين التاء .
يعني لو كان ضابط أو عسكري المرور عندة القدرة على توقيف أي سيارة مخالفة دون أدنى اعتبار لمن يركبها أو لصاحبها لما أغنت هذه الأفعال شيئاً .
كما أنني أعرف شخصياً بعض الناس ممن يفعلون هذه الأفاعيل دون أن يكونوا ضباط ولا نيابة ولا دبلوماسيين ولا دياولوا ... المهم ان أي ضابط أو أمين شرطة هيخاف قطعاً من توقيفهم .
الجذور هي العفنة يا سادة وليست الفروع وحدها
تقبلوا خالص مودتي
والله للاسف مع كل هذة الفوضى هناك امل ، لان هناك اناس بالقضاء والشرطة لهم ضمير ويتقون الله فى اعمالهم وليس كلهم هذا الامعة الذى يعتقد انه بهذا التصريح بأنة هيئة قضائية سوف تتيح له كل الامور المستعصية ، بل اعتقد انها علامة واضحة على عقدة النقص الشخصى وليس لها اى صلة بالهيئة القضائية ككل !
واذا بحثنا عنه سوف نجد انه يحتاج الى معالجة نفسية لهذا التفاخر الكاذب
شوفوا يجماعه انا كده كده عندي اكتئاب من القرف الي احنا فيه ده و هو الكوسه و المحسوبيه و الفلوس و السلطه وحط تحت كل واحده من دول ملايين الخطوط مش خط واحد
انا من فتره كنت بجدد رخصت القياده بتاعتي في المرور و كنت شايف الكوسه هناك عاملها ازي في كل حاجه انا اقف في المرور من الساعه 8.30 لغيت الساعه 2 وانا واقف علي رجلي و ببرم في المرور ده و بجري وراي الورق و انتوا عرفين بلدنا للاسف الانسان فيها عباره عن ورقه
الاقي الي بيخوش في نص ساعه و يمكن اقل ويخرج معاه الرخصه بتاعته او اي حاجه تانيه هو جي يخلصها
واحنا الناس الي مالناش وسطه يطلع عين الي جابونا خمس ساعات برم و قرف و طنطيط وانا و الي ذي ساكتين و بنضرب كف علي كف و بنشتم في البلد بس لما روحت و فكرت شويه قلت ايه زنب البلد ديه مصر الي بنشتم فيها الزنب مش زنبها الزنب علي الناس ديه الي هي من قاع المجتمع و الي عندهم عقد نقص و كانوا بياخدوا علي دماغهم زمان
و كفايه لحد كده لاني لو اتكلمت اكتر من كده ممكن اروح في داهيه
انا أعرف واحد وكيل نيابة كان راكب عربيته وعليها طبعا كل انواع النسور والصقور وكل الطيور الجارحة اللي ترعب اى واحد من اخواننا البعدا اللي بيلبسوا ميري انه يوقفها.... المهم ظابط جريئ راح موقفه في لجنه وقالله انت مفيم الزجاج ليه يا استاذ؟؟؟
قاله ايه؟؟؟ !!! انت مش واخد بالك من كل النسور دي ؟؟؟!!!! عموما برضه اهو ممكن تكون عندك حاجه في عينك ... ابقى اكشف يا ابني ... وعلى كل أنا فلان الفلاني وكيل نيابة البلد الفلانية ...
وباين الظابط ده كان واخد حبايتين شجاعة من اللي بيجمدوا القلب ... قاله: اهلا بيك يا افندم ممكن الرخص ؟؟؟
وكيل النيابة باستغراب وبمنتهى الصفاقة قاله انت ما سمعتش انا قلتلك ايه؟؟؟
رد الظابط بمنتهى الهدوء : سمعت يا فندم وعايز الرخص ..
راح وكيل النيابة مبطل العربية وفاتح الباب ونازل وسايب العربية في نص الطريق وقاله انا مش هأديك الرخصة والعربية عندك اهيه خدها كلها وانا هأعرف شغلي معاك وهتعرف معنى الحركة دي... وراح واقف على جنب ومعطل الدنيا كلها وراه وماسك التليفون وقعد يتكلم فيه ...
الناس نزلت من عربياتها وتقوله خلاص يا باشا حقك علينا .. وهو يقولهم مفيش حقك علينا الظابط ده لازم يتربى ...
امناء الشرطة اتلموا على الظابط ويقولوا له يا باشا خلاص قوله كلمتين وخلاص خليه يغور من هنا ...
والظابط ابو حبايتين محكم رأيه ما يعديه الا لما يشوف رخصه ويسحبها كمان عشان الفاميه والنمر السودا...
المهم من هنا لهنا فات كتير ... 10 دقايق وراح تليفون الظابط رانن ...
الووه ايوه مين يا افندم ...؟؟؟ الظابط راح واقف انتباه وقال ايوه يا افندم تحت امرك يا افندم تؤمر يا افندم لا يا فندم انا كنت عايز اتأكد بس يا افندم تحت امرك يا افندم ...
طلع مين بيكلمه ؟؟؟ مدير أمن المحافظة اللي بيشتغل فيها ...
المهم الظابط راح جرى اعتذر لصاحبنا وقاله انا آسف وسيادتك عارف ان دي تعليمات واتفضل سيادتك وفرصه سعيده وانا اتشرفت بمعرفة سيادتك (يظهر ان الحبايتين كان مفعولهم انتهى :) )
شفتوا بلدنا يا رجالة !!!!!!!!!!!!!