اصوات صالون الفيرنا هتجننى

**eslam9002006** · 25-01-2010 04:25 PM

اصوات صالون الفيرنا هتجننى يا جماعة , فيه صوت من حنبى عند باب السواق او من عند الحزام مش عارف ده ايه بيظهر مع الفرامل او المطبات وفيه صوت من ورا يمين فى الصالون وعلربيتى 2007 وعاملة 28000 كيلو اعمل ايه انا متضايق اوووووووووووووى , ارجوكم حد يفيدنى اعمل ايه

**shooda2020** · 25-01-2010 04:54 PM

با باشا ماتقلقشي دي اصوات الجلد بتاعه الباب نشفت انت بتقول موديل 2007 انا 2009 و ماكملتش 3 شهور و الصوت ده عندي لما جنن اهلي المهم الحل هو انك تجيب بودره اطفال و تمشي علي الجلد و الصوت هايروح بس ماتقلقشي هايرجع تاني
انا مستني الجو يكون حر
علشان لو كان لسه الصوت موجود هاروح التوكيل اقولهم تيييييييييييييييييييييييي ييييييييييييت

**shouk_1987** · 25-01-2010 09:08 PM

على فكرة أنا معايا 2010 وبرده فى أصوات ضعيفة بس الحل هو التنفيد و ما توجعش دماغك لأن لو قولتلهم فى الصيانة هيبوزولك الدنيا و مش هتتصلح وهترجع التانى وهو ده تقفيل غبور بس ماتتوقعش كل حاجة ب 70 ألف انت واخد عربية اعتمادية بماتور قليل الأدب و قطع غيار رخيصة فاعتقد التضحيات تستاهل

**shooda2020** · 26-01-2010 02:07 AM

حلوه موتور قليل الادب
يعني عريان مثلا ولا ايه
لا دي احلي حاجه فيها موتورها علي فكره
و انا كنت هاجيب النيو اكسنت
بس حسيتها ماتستهالشي سعرها ده

**M.Osman** · 26-01-2010 02:40 AM

المشاركة الأصلية كتبت بواسطة shouk_1987

على فكرة أنا معايا 2010 وبرده فى أصوات ضعيفة بس الحل هو التنفيد و ما توجعش دماغك لأن لو قولتلهم فى الصيانة هيبوزولك الدنيا و مش هتتصلح وهترجع التانى وهو ده تقفيل غبور بس ماتتوقعش كل حاجة ب 70 ألف انت واخد عربية اعتمادية بماتور قليل الأدب و قطع غيار رخيصة فاعتقد التضحيات تستاهل

+1
بس حلوة متور قليل الأدب دي ...

**zakiali** · 26-01-2010 02:55 AM

كبر دماغك من الأصوات دي .. هتظهر تاني في حتت تانية .. عمرك ما هتعملها سايلنت أبدا .. تزييق في القايم ، تزييق في الكراسي .. في التابلوه .. دانا عندي صوت في قفل التابلوه هيجنني مش عارف اخرسه أبدا .. جبت رش wd ومفيش فايده مش بيسكت الا لما تفتح الدرج ! مش عارف جي منين الصراحه .. هو التقفيل نيله والخامات أنيل .. بس اللي بيصبرك ان فعلا الموتور حمار جري وقطع الغيار رخيصة فعلا والتكييف جبار اقوي من الياباني ودفاية تغليك تجيب ميه في عز التلج.. عاملع معايا دلوقتي 45 الف كم .. بس الحمد لله عمرها ما قلت معايا أبدا .. يعتمد عليها فعلا .

**shouk_1987** · 26-01-2010 03:17 AM

المشاركة الأصلية كتبت بواسطة zakiali

كبر دماغك من الأصوات دي .. هتظهر تاني في حتت تانية .. عمرك ما هتعملها سايلنت أبدا .. تزييق في القايم ، تزييق في الكراسي .. في التابلوه .. دانا عندي صوت في قفل التابلوه هيجنني مش عارف اخرسه أبدا .. جبت رش wd ومفيش فايده مش بيسكت الا لما تفتح الدرج ! مش عارف جي منين الصراحه .. هو التقفيل نيله والخامات أنيل .. بس اللي بيصبرك ان فعلا الموتور حمار جري وقطع الغيار رخيصة فعلا والتكييف جبار اقوي من الياباني ودفاية تغليك تجيب ميه في عز التلج.. عاملع معايا دلوقتي 45 الف كم .. بس الحمد لله عمرها ما قلت معايا أبدا .. يعتمد عليها فعلا .

+11

**ashouhdy** · 26-01-2010 03:25 AM

الحمد لله انا بربط كل حاجة بأيدى و الحمد لله مفيش صوت صرصار حتى :))))

من كام يوم كان فى حاجة طلعت ....... صوت من الجنب اليمين يطلع بس لما احرق ع غيار عالى و انا بسرعة واطية يعنى مثلا اكون تالت و العربية ماشية ع 30 و اكبس بنزين يطلع صوت زننة عجيب

بعد الفحص و التمحيص و التدليل طلع اية ... مش حتصدقوا !!!

سلك السنتر اللى جوا الباب اتفك من مكانة فبيزن مع رجرجة الموتور !!!!!!!!!!!!!!!!!! بس جبتة :)