أزاى اعمل تعديلات فى عربيتى بنفسى؟؟
ازيكم يا جماعة، يارب تكونو بخير :)
ان شاء الله أجازة نص السنة داخلة،و هيبقى فيه وقت فراغ
فا أنا فكرت انى استغله واعدل فى العربية، وغالبا هتبقى اكتر التعديلات شكلية، دة ان لم تكن كلها
والحمد لله والواحد مخه شغال، وفيه سنة ابداع ، بس للأسف لما الفكر بتيجى، مش بلاقى الخامات اللازمة للتعديل ، واكبر دليل على كدة الموضوع دة http://www.nilemotors.net/Nile/96675-a.html
وساعات تانية بيبقى الواحد فى دماغة شكل معين لتعديل حاجة فى العربية، بس مش بيقى عارف الطريقة اللى يقدر ينفذ بيها الفكرة
طبعا فى ناس هتقول (وليه تتعب نفسك، روح الحرافيين او المنطقة كذا وهتلاقى اللى انت عوزة من غير متتعب) كلامك على عينى وراسى، بس الفكرة أن فى ناس بتحب تشتغل بى ايدها
، ولما انت بتبقى عامل الحاجة بيبقى لها طعم تانى، دة بالأضافة ان الصنايعى مهاما كان توب، فصعب انه يدخل جوة دماغك ويوفش فيها اية،
وزى ما قلت فى اول الموضوع، انه هيبقى فى الاجازة
فا فى اخر الكلام الكتير دة، يا ريت اللى يعرف فيديوهات فيها أفكار تعديل وطريقة عميلها، او يعرف فكرة تعديل وعلمها بنفسه، او يعرف حد عملها ، او عنده موقع بيشرح الكلام دة
ميبخلش به علينا
وشكراُ :)
